JOHAN 17:11 - SHEEYU BAIBEL (BSI)

¹¹ Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:11 Iomraidhean Croise

LOUTAO 79:9

Etaoye soukha peio, Oh Ramai, Etaoye khailupa peio; neye tsükhou loure donou Etaoye vupa peio ae Etao vei mahmo khesü khaipeio.

TSÜCHITAO 18:10

Mapao vei zhih hai khoushoyu reihbu alie, acheche mainou sühi tuvelou-a zhouvei ngaolouwe.

ISAIAH 27:3

“Enou reihkhao soua kipei hainasü khowe, teisa Enou hainasü dzü zükou tewe. Mai taralia panou hainasü soushi more donou Enou hea-khei kho-a bue.

ISAIAH 64:2

ae puletao sü mei pei nou dzü shaoka khaitouyu nasü mei southou deitutu peikhai-e, dzü kotaotaoyu büa pingulai. Südonou tave nevei khouko sü nevei ngaoba maitao hi ngaopei khaio, ae tyahrütaoye ne nghoujünou pa ngaopi-a ngukhaio!

JEREMIAH 14:21

Nenou apaopei khaitouyu khesü licho peio ae Etaoye ngaora peisou baio; Nevei kathe aveih vebuh khaitouyu Jerusalem hisü haongu pove peiso. Nenou Etaoye koa vo soukhai touyu nasü souphe peiso, sünasü licho peio.

JEREMIAH 14:7

Avei maitao nou ahi haibüa kra-a paoe, ‘Etao vei mahtao nou eh pei hi zhopao sou-a buyuma, Oh Mapaowo, nenou apaokhai touyu büa Etaoye soukha peio. Etao nou neye thaowua vu taoli tare, Ehnou mah sü souwure.

EZEKIEL 20:22

Ana avei zhih sü Enou Israel maitaoye teidei hinou sapayu ngaolouyu tyahrütao panou ngaophou more donou sübüa Enou soupei more.

EZEKIEL 20:44

Enou avei zhih panou shimore donou vah souyu phaki, neletao nou E hai Mapao-e touyu süloulai, daiolouzü neletao nou mai shiyu ae vah ashi soukhai touyu thaifüa Enou neletaoye tudee peimoe” tea Ramai Mapao nou paoe.

EZEKIEL 20:9

Ana Enou sübüa soupei more, daiolouzü puletao nou koa hrüyu maitao nghoujü nou Enou puletaoye sü Ejipt hinou sapa peilai tea paosüpa peiwure, südonou avei zhih sü panou shimore donou Enou soupei more.

MATHIU 10:16

“Keikhaio! Enou neletaoye zhaotu büa nüseitao hrohi seitawe. Südonou neletao nghoutao büa kailo ea khaotao büa nashalo.

MATHIU 5:48

Südonou rakibu neletao Puonou licheyu büa, neletao-a liche vuzülai!

MATHIU 6:9

Südonou haibüa veachi paolo: ‘Rakibu Eh Puo: Ne zhih soushee peio;

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 14:20

Teithe sükisü, Esü Apuohi bue, neletaosü Ahi bue ea Esü neletao hi bue touyusü neletao nou sülai.

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:6

“Deiphao hinou nenou Ahi peikhai touyu puletao hi Enou nezhihsü süngao peire. Puletao sü neveie, alia nenou puletaoye Ahi peire, alia puletao nou ne chipaosü züloure.

JOHAN 7:33

Sükisü Jisu nou paoe, “Enou neletaoye koa phajü donou bulaihie, alia süthaisü Esü Eye seive peiyu puh hi vetalai.

SEI-ATAMAI VAHTAO 3:21

Dao rainou Ramai nou puhvei sheeyu rachi paola maitaoye panou paopayu kua na teitei sü sou ashu khailoumo teile koute sü puhsü raki hinou bu vuzü bailai.

ROMMAI 12:5

Süzhaibüa, Eletao hai alao khaia, Eletao sü Khristaye koa ali soulouyu hinou pfüphao alibaie, alia pfüphao alivei zha kukuyutao kua, Eletao-a alinou liye koa lou zhohrüloue.

ROMMAI 9:17

Daiolouzü sheeyu larübvü nou Pharaoh hi paowe, “Nenou Akhouko pongaore donou ea deiphao teitei hi Azhih hai paongao peire donou Enou neye panou veo souloue.”

1 KORINTHMAI 1:10

Athaihou jürai maitao, Eletao Mapao Jisu Khrista zhih hinou neletao hi khowe, süolouzü neletao hrohi me souku kuyu palou more donou alinou liye chi veivayu sü thaowuwo, alia sübüa neletao tsü-le alikhei soua bulo.

GALATIAMAI 3:28

Südonou chuo Jihudimai ea tahrüh kukhemai kolehi, kilaitao ea mado souyu maitao kolehi, naotu-poutu kolehi halia soukuyu hare, daiolouzü neletao hrülaisü Khrista Jisu hinou ali souloure.

EPHESAMAI 4:4

Ramai nou neletaoye kulouyu hi areih ali buyu sübütoua sühisü pfüphao ali ea Rako ali bubaie.

PHILIPPIMAI 2:9

Südonou Ramai nou puhye sü kukayu buh hi pokupa khaipeire ea puh hisü zhih teitei peinou buyu dukayu zhih nasü peiwure.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

EBRIAMAI 9:24

Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 JOHAN 3:12

Eletaowo Kain büwu laimoe; puhsü Ashina hinou ve ea lah puh thaihou Abelye southeare. Daidonou Kain nou puhye southea-e? Daiolouzü lah puhvei vahtaosü ashina baie, ana puh thaihou nou souyu taosü chechewe.

1 JOHAN 5:19

Eletao hai Ramai veie touyu sü Ehnou süwe, alia deiphao teiteiwo Ashinavei khakhe hinou bue.

JUD VEI SEIKO 1:1

Jisu Khrista kilai ea Jems thaihou Jud hinou— Ramai nou kupa louyutao süolouzü Puo Ramai vei leshi hinou hrüa buyu ea Jisu Khrista donou pokukhai touyutao hi rüe.

JUD VEI SEIKO 1:24

Neletaoye kao-dulaiyu hinou khopeilou süyu ea neletaoye chaa ha-a ea sasa-a dushoyu Puh nghojühi pove peilou süyu Puh hisü —

PONGAOPEIYU 15:4

Oh Mapao, thaohnou neye pimolai? Nezhih dushosü thaohnou paosho balai? Daiolouzü ne likhei mashee baie. Tahrüh khemai hrülainou taveloua neye tholai, daiolouzü nevei cheche vahtaosü mai hrülai nou ngaokhai loure.”

PONGAOPEIYU 19:12

Puh nghithousü meikei büe, alia puh peiva hisü vepeirü taoli rüpfüe. Puhva hisü puhlah deinou kukhe mainou sükhaimoyu zhih ali rüpfülaie.

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”