JOHAN 16:33 - SHEEYU BAIBEL (BSI)

³³ Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 16:33 Iomraidhean Croise

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

MIKAH 5:5

ae puhnou kaonayu nasü pove peilai. Assaria mainou Etao vei teidei hi soureih hulou Etao vei reihkhaobuh hai souphe soupho louzü, Etao vei khoukayu süthai-apei maitaoye sü panou puletaoye dulai.

MATHIU 9:2

Alia zhukhaio, sühinou mai kamainou züh vanou züyu pothaimai aliye Jisu hi pove. Alia Jisu nou puletao vei lü hai ngaoloua, pothaimainahi paoe, “Lesalo, Anahna! Nemah taosü khaipeire.”

LUK NOU RÜYU KO AVEIBVÜ 19:38

“Mapaowo zhih hinou tave louyu Veo puhsü rakoveie! Raki hisü kaonayu soulo ea aku kulai hinou Ramaiye sholo!”

LUK NOU RÜYU KO AVEIBVÜ 2:14

“Aku kulai raki hinou Ramaiye sholo, alia deiphao hinou puh züpa soua buyu maitao hrohisü kaonayu buloutheo!”

JOHAN 12:31

Chu deiphao hainaye chikure pha nasüe, chuo deiphao hainavei paopuye hutawulai.

JOHAN 14:1

“Neletao le chorowuso; Ramaiye lülo, Eye-a lülo.

JOHAN 14:27

“Kaonayu hai Enou neletao hi thaodai khaitoue; Avei kaonayu nasü Enou neletao hi peikhaitoue; Enou neletao hi peiyu hai deiphao mainou peiyu kumoe. Neletao lehai chorowuso, moa piwuso.

JOHAN 16:11

chikuyu vanou louzü, deiphao hainavei paopuye chi kuwure.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

SEI-ATAMAI VAHTAO 23:11

Thainaisho kheisü Mapao nou Paul ngheiki tave laloua paoe, “Khuveilo! Daiolouzü nenou Jerusalem hinou A zhopaoh peilouyu kua, Rom hi-a nenou Azhopaoh peivuzülai.”

SEI-ATAMAI VAHTAO 27:22

Ana chuo Enou neletao hi khowe, süolouzü neletao le kaonalo! Daiolouzü neletao hronou maitalia hrirai hayu daolaimoe; ana dzüluki likhei habailai.

SEI-ATAMAI VAHTAO 27:25

Südonou maikhe maitao, neletao le kaonalo! Daiolouzü Ahi paopeikhai touyu sübütoua palai touyu sü Ramai hi Enou louchewe.

SEI-ATAMAI VAHTAO 9:31

Südonou Judea, Galilee ea Samaria hi buyu lüloumaime teitei sü soutsü puloua kaonayu teile ngaoloue; alia Mapaoye khuhaoyu hinou ta-a ea Rako Mashinou souva sousa pei-a lüloumaime sü pupaloure.

2 KORINTHMAI 1:3

Eletao Mapao Jisu Khrista vei Ramai ea Puo, zhuvea peilousü Puo ea ha teitei hinou le souva peiyu Ramai puhye sü Eletao nou kalo paolaikhe!

2 KORINTHMAI 13:11

Akhai hinou, thaihou jürai maitao, vei-a buwo! Liche loure donou telo; Enou khoa buyu hisü keipeikhaio; alinou liye aetoupeio; kaona-a hrüpeio. Alia leshi ea kaonayu vei Ramai nou neletaoye koa bupeilai.

2 KORINTHMAI 2:14

Ana Ramaiye kalo paowe! Daiolouzü Khristaye koa ali soulouyu hinou Ramai nou Eletaoye sü teisanou kolouyu hi süthai salaipeie, alia Eletao vanou Khristaye sülouyu tsü navei kai nüvei nasü buh likihi panou vurao tawe.

2 KORINTHMAI 4:7

Sütoukhaia veikou shoyu khouko haina sü Ramai hinou vebaie, Eletao hinou vemoe touyu sü pongao peire donou rako vei kini haina Eletao sü nai leetao bübaie.

2 KORINTHMAI 6:4

Süjüwo Ehnou ha teitei hinou lah Ehhai Ramai kilaitao baie touyu sü chihshoa shameayu hinou, souvea peiyu hinou, toure-shore hayu hinou ea pepoyu ve daoyu hinou zhopaoh souwe.

2 KORINTHMAI 7:4

Enou neletaoye loucheshoa bue; Enou nele vanou khaophu soushoa bue! Ewo levayu nou phoua bure. Ehnou veahoyu pfüphou hia Ewo lesashoa bue.

GALATIAMAI 1:4

Eletaoye zhodo maikha ashi haina hinou khaipa peire donou, Eletao Ramai ea Puo puhvei li-choyu thaisü füa Khrista puh lahnou puhye sü Eletao vei mah donou thoupeiwure.

GALATIAMAI 6:14

Sütoukhaia Eye donou louzü Eletao Mapao Jisu Khrista vei krosna vanou likhei khaophu soubailai; daiolouzü puhvei krosna vanou deiphao hai Ahinou thaire, alia E-a deiphao hinou thaire.

PHILIPPIMAI 4:7

Alia tsü süyu teitei jünou koushoyu Ramai vei kaonayu sünanou Khrista Jisu ye koa ali soulouyu hinou neletao vei tsü-lesü khotou peiloulai.

KOLOSSEMAI 1:20

Südonou Nahpoutu vanou Ramai nou teideiphao teiteiye sü lah puhye koa chavei loure donou le laloure. Ramai nou puh Nahpoutu vei kros vanou thaiyu athai süna vanou kaonayu pove peire ea sübüa deiphao hi ea rakihi buyu na teiteiye sü lah puhye koa sou chavei peiwure.

1 THESSALONIMAI 3:4

Daiolouzü Ehnou neleye koa bubuki hinou Eletaoye souvea vuzülai tea raia Ehnou nelehi paopeire; alia neletao nou süa buyu sübütoua paloure.

1 THESSALONIMAI 3:7

Südonou, thaihou jürai khemai, Ehvei kao-ashi ea vea-hoyu veishi hinou Ehye sü nele vanou neletao vei lü nanou le soudupeie;

2 THESSALONIMAI 3:16

Chuo kaonayu vei Mapao puhnou teisanou ea ludu teitei hinou neletao hi kaonayu peiyu sü soulouwo. Mapao nou neletao hrülaiye koa buyu sü souloukhaio.

2 TIMOTHI 3:12

Acheche nou Khrista Jisu ye koa rahrümai hinou hrüyu züpayu mai taye sü souvea-souholai;

EBRIAMAI 11:25

Puhnou phajü donou mah hinou vashoa hrüyu jünou Ramai vei maikhe maitaoye koa veaho zhoyu sü dolou.

EBRIAMAI 7:2

alia Abraham nou reihbuh hinou ngaolouyu na teitei hinou zha kiruo hinou alisü puh hi peie (Melkizedek touyu vei ko araina louzü, “Acheche vei veo” toue; alia puh hai Salem teidei hi veoyu donou puh zhih ko hai “Kaonayu vei Veo” tea pao-a paowe.)

1 PITAR 5:9

Neletao lü nasü tsüloua puhye sü nulo, daiolouzü deiphao teiteihi buyu thaihou jürai maitao hrülai-a haikuyu veahoyu hai daokhaiwe touyu sü neletao nou süwe.

1 JOHAN 2:13

Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahle maitao Enou neletao hi rüwe, daiolouzü neletao nou ashinaye sü koloure.

1 JOHAN 4:4

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.

CHIKUAPEI MAITAO 3:2

Puhnou haihai Israel mai bonakhatao, soureih soukhai toumoyu maitaoye panou soureih soudou loure donou shokhai pei khaitoue.