JOHAN 16:28 - SHEEYU BAIBEL (BSI)

²⁸ Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 16:28 Iomraidhean Croise

LUK NOU RÜYU KO AVEIBVÜ 24:51

Alia puhnou puletaoye hapeia buyu hinou, puhsü puletao hinou rataloua, rakihi sakhere.

LUK NOU RÜYU KO AVEIBVÜ 9:51

Alia Jisu ye rakihi pokhewu laiyu teithe ngheikouyu kisü, puhnou Jerusalem hi tare donou le latouloua sühilo pah pfürei loure.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 14:28

‘E talai, alia neletao hi E khaive khailai,’ tea Enou neletao hi paoyusü neletao nou chouloure. Neletao nou Eye leshi louzü, neletaosü lesa loulai, daiolouzü Esü Apuohi tawe; daiolouzü Puonou Ajünou duhie.

JOHAN 16:10

acheche vanou louzü, Esü Puohi talai, alia neletao nou Eye ngaopukhai laimoe;

JOHAN 16:16

“Phajütou thaisü neletao nou Eye ngaolaimoe; alia phajütou thaisü neletao nou Eye ngaopu khailai.”

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 16:5

Ana chuo Esü Eye seive peiyu puh hi tavelaire; sütoukhai-a neletao hrohinou maita linoua Ahi, ‘Ne daiki vetalai?’ tea noumoe.

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:13

Ana chuo E nehi tavewe; alia Avei asah nasü lah puletao lehi liche-a buloure donou Enou deiphao bubu kinou chi haitaohai paowe.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 8:14

Jisu nou chila peie, “Elah Avanou zhopaoh peia bu-a Azhopaoh hai chekhaoe, daiolouzü E hai daikinou vesa ea daiki tahosa touyu hai Enou süwe, ana neletao nou E hai daikinou vesa moa daiki tahosa touyu hai sümoe.

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.