JOHAN 16:27 - SHEEYU BAIBEL (BSI)

²⁷ daiolouzü Puo lah puhnou neletaoye leshiwe. Puhnou neletaoye leshiwe daiolouzü neletao nou Eye leshiwe ea Esü Apuo hinou ve touyusü neletao nou louche loure.

JOHAN 16:27 Iomraidhean Croise

ZEPHANIAH 3:17

Mapao, neletao vei Ramai sü neletao hi bue, Reih Aveiwo nou neletaoye reih veilouyu peie, Puh-a neletaoye koa asa sholaire, Puhnou neletaoye leshiyu hinou sousheepu peilai; Puh-a neletao donou khonüki büa asasho-a lou soulai.

MATHIU 10:37

“Ajünou puhpuo moa puhpfüye leshi kouyu maitali sü Arozümai souzü moe; alia Ajünou puh nahpoutu moa puh nah naotupai ye leshi kouyu puhsü Arozümai souzü moe.

JOHAN 14:21

“Achikhatao polouyu ea sütao zülouyu mai sünasü Eye leshiyu nasüe. Eye leshiyu puhye Apuonou leshilai; alia E-a puhye leshilai ea E lah Eye puh hi pongaolai.”

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 2:11

Jisu nou raikaiyu shee haina hai Galilee hi buyu Kana hinou soua puh vei khouko-ava nasü pongaoe; alia puh rozümai taonou puhye loucheloue.

JOHAN 3:13

Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 7:29

Ana Ewo puhye süwe, daiolouzü Esü puh hinou ve, alia puhnou Eye seive-e.”

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

ROMMAI 8:3

Emai kezhenou lelou hoyu vanou razhainou soulou hoyu nasü Ramai nou souloure. Puhnou lah puhnah poutuye seikou peiwu-a mahye souhare donou mahmai zhaido hinou panou veloua mahye sü kezhe hinou mah dukhaire.

1 KORINTHMAI 15:47

Nainou souyu Adam raina sü deiphao hinou ve; Adam ahai chena sü raki vanou ve-e.

1 KORINTHMAI 16:22

Maitalinou Mapaoye leshi molouzü, puhsü cha ngaotheo! Maranatha — Eh Mapao, thala-a vepeio!

2 KORINTHMAI 5:14

Daiolouzü Khrista vei leshinou Ehye tukhapfüa bue, daiolouzü mai hrülai donou mai alinou thaipeire touyu sü Ehnou sütou loure; südonou mai hrülainou puhvei athai hisü koa lou zha ngaozhokhai loure.

GALATIAMAI 4:4

Ana apaokhai touyu teile süsü velouyu kisü, naotumai ali vanou panou razhai khehinou naloua Ramai nou lah puhnah Poutuye seive peie,

EPHESAMAI 6:24

Eletao Mapao Jisu Khristaye thaihoyu hayu lesha nanou leshia buyu maikhemai hrülai hisü Ramai zhuvea nou koa bupeiyu sü souloutheo.

1 TIMOTHI 1:15

Paokhai touyu chipao hainasü chechewe ea teiteinou poloua louchelou veie, süolouzü mahmaitaoye khaipeire donou Khrista Jisu sü deiphao hi ve-e. Alia mah maitao hrülai hrohinou Enou shishilai nasüe;

EBRIAMAI 12:6

Daiolouzü Mapaowo nou puhnou leshiyu mai hrülaiye sü tukhazü peiwe, alia puhnah soure maitaoye sü puhnou tudee peia salouwe.”

1 PITAR 1:8

Puhye ngaolou mokhai-a neletao nou puhye leshiwe, alia chu neletao nou puhye ngaomokhai-a neletao nou puhye louchewe ea paoshalou hoa savawe,

1 JOHAN 4:19

Eletao nou leshiwe daiolouzü puhnou Eletaoye rai-a leshipeie.

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.

PONGAOPEIYU 3:9

Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.