JOHAN 16:21 - SHEEYU BAIBEL (BSI)

²¹ Naotumai alinou nare kisü khya soushowe, daiolouzü puhvei veare phasü vere; ana nah sünaye nalouyu thaisü deiphao hi nah ali nakoure tea puhnou le sayu donou puhvei veayu nasü ngaiwu baiwe.

JOHAN 16:21 Iomraidhean Croise

SHURAI 3:16

Naotupai hi puhnou paoe, “Enou neye sü panou veashoa poupfülai, alia veashoa panou nah nalai, sübüyuma nenou nechaaye jüpa bailai, ae puhnou nepei kholai.”

JOB VEI LARÜBVÜ 11:16

Süthaisü latayu dzüduye lichopu moyu büa nevei veayu teitei ha-a ngaiwu bailai.

LOUTAO 113:9

Puletao nou nahapfü soua buyu maiye sü tsükhou peie, puhnou puletaoye sü tounah peia panou asayu sü ngaoloue. Mapao ye paosholo!

ISAIAH 13:8

Puletao hai ngaopi talai, sounou ae veahoyu sünou puletao hi velai, puletao hai naotumai nou nah nalaiyu phaki khya souyu büa veasholai. Puletao hai maili nou aliye zhuloua ngaopilai, ae puletao pah sü mei taoyu büa hraoyu nou phoutaolai.

ISAIAH 21:3

Avei zho kounou ngaoyu ae chouyu vanou Esü ngaopi shore alia apfüphao teitei sü sousho-a bure. Enou souyu hai naotumai ali nou nah nayu phaki souyu büa souwe.

ISAIAH 66:7

“Avei sheeyu nuhdu nasü naotumai ali nou nah nare teile vemo jünou ae khya soukhai moa nou nah nalouyu büa bailai.

MIKAH 4:10

Jerusalem hi maitaore, naotumai ali nou tounah nare phaki souyu büa neletao sü lüa nou dakhaio, daiolouzü chuo neletao hai nuhdu sü thaokhaiwua hihro vaohro hinou ho hrüta laire. Neletao nou Babilon hisü tawulaire, ana sühi hoyuma Mapao nou neletaoye sü ngaoba maitao hinou vupeilai.

MIKAH 4:9

Neletao daisounou shusoua krawe? Neletao daisounou nah nalaiyu phaki khya souyu büa bue? Neletao vei veo sü harevu, molouzü neletaoye paodou peire mai hadou?

GALATIAMAI 4:27

Daiolouzü haibüa rüthoure: “He nahahpai, ne lesalo! Nah nare donou khya soukhai moyupai, sasa-a shaphobou khaio! Daiolouzü chaanou thaokhaimoa koa buyu süpai jünou lah mi-a buyu painou nahmai bukou shohie.”

1 THESSALONIMAI 5:3

Maikhe mainou, “Kaona-a bure ea kao-zoushi hare,” tea paoyu teile sühinou naotu mainou nah nare kihi khya soungha palouyu büa sükhaimoa ha-kayu sü puletao pei hi velai, alia sükisü maitalia tupalou laimoe.