JOHAN 16:2 - SHEEYU BAIBEL (BSI)

² Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 16:2 Iomraidhean Croise

ISAIAH 65:5

Süthaisü puletao nou maikhe mai hi haibüa paoe, ‘Etao hinou tavai talo! Etao hai sheesha touwe, neletaoye panou deilou shie-e!’ Sübüyu maitao hai Enou zhuthou louhoe, avei lekha sü puletao hi nghikhailai moyu mei büa tao-a panou bulai.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

DANIEL 11:33

Tsüveiyu süthai-apei maitao nou maitaoliye kaozü hinou doupeilai. Ana phazütou thaisü, puletao kamai-a nou khoche hinou thailai, kamai-a nou mei nou deithawulai, ae maitaoliye sü puletao vei nakhesü shaoloua hukhamai soua sapoa tawulai.

MATHIU 10:28

Alia pfüphaoye southealou khaia rakoye southealou hoyu puletaoye piso; ana pfüphao ea rako ahaiye koa meizaihi pothou souhalou süyu Ramaiye pilo.

MATHIU 24:9

“Süthaisü puletao nou neletaoye souvea souhore donou thoupeilai, alia neletaoye southealai; alia Azhih donou neletaoye tahrüh veishinou ngaoralai.

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 12:42

Sütoukhaia, Jihudimai peichamai koutea mai alaosou puhye loucheloue, ana Phariseemai taoye piyu donou puletao nou sünasü dua paopamoe, molouzü puletaoye rathobuh hinou huta shulai;

JOHAN 16:25

“Enou neletao hi chi haitao hai nada hinou paopeire. Ana Enou neletao hi nada hinou paomoa, Puo vanou dua neletao hi paopei laiyu phasü vere.

JOHAN 16:32

Zhukhaio, neletaosü lahlah kihi poraveloua Eye lah thaokhai laiyu phasü laire, alia chekhaoa pha sünasü veloure. Ana Elah baimoe, daiolouzü Apuonou Eye koa bue.

JOHAN 4:21

Jisu nou puh hi paoe, “Naotupai, Eye louchepei khaio, Puoye deichi haina hinou moa Jerusalem hinou nelenou tho more pha nasü vere.

JOHAN 4:23

Ana chekhaoyu ratho mainou Puoye rako ea acheche hinou tholaiyu phasü vere, alia chue, daiolouzü Puonou puhye sükua thoyu sü phoue.

JOHAN 9:22

Puh pfüpuo nou Jihudimai taoye piyu donou sünahai paoe, daiolouzü maita linou Jisu ye Khrista-e tea louche louzü, puhye sü rathobuh hinou hutalai tea Jihudimai taonou kukou chere.

JOHAN 9:34

Puletao nou puh hi chila peie, “Ne sü mahnou züa nakou khaitoue, alia nenou Eletaoye doupei laiwu?” Alia puletao nou puhye hulaire.

SEI-ATAMAI VAHTAO 5:33

Puletao nou chi haina hai choulouyu kisü rarousholoua sei-atamai taoye southea nüsho loure.

SEI-ATAMAI VAHTAO 7:56

“Zhukhaio! raki houpakhai touyu ea Mai Nahpoutu nou Ramai bah zhoulo vanou la-a buyu sü ngaoe,” tea paoe.

1 KORINTHMAI 4:13

Ehye sou ahrao peiyu kisü, Ehnou khu-leshi chipaonou chila peiwe, chukoute hai Ehsü deiphao hi nghou kua ea hashi taa-ngiyu büwe.

PHILIPPIMAI 3:6

alia lenouyu hilonou paolai toulouzü Esü lüloumai meye souveayu mai alie. Cheche hrü hrüyu hilonou paolai toulouzü, Esü chaa ali-a hazheiyu mai alie.

PONGAOPEIYU 6:9

Alia Zhaotu sünanou paoshee angou chena hapayu kisü Ramai vei chipao paodouyu vanou ea puletao nou cheche-a zhopaoh souyu donou southeawuyu rako sütaoye sü sheelabuh khehinou Enou ngaoe.

CHIKUAPEI MAITAO 6:30

Süthaisü puletao nou Joash hisü ve paoe, “Ne nahpoutu sü haihi sapakhaio, puhye southalai, daiolouzü puhnou Baal rathobuh sü soushire alia Asherah vei bashara nasü daode laiwure.”