JOHAN 16:13 - SHEEYU BAIBEL (BSI)

¹³ Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

JOHAN 16:13 Iomraidhean Croise

ISAIAH 11:2

Mapao vei Rako sünou puh hisü bupeilai, ae puh hisü ratsü, sükulou süyu tsü, maikhe maiye kholou süyu dokai, khouko, hasü alia Mapao ye piyu rako sü puh hi bulai,

JOEL 2:28

“Süsho phajü thaisü, Enou mai hrülai hi arako lakouh peilai; ne nahpoutu ae ne nahnaotu taonou rachi paolai, tsümai taonou me mulai, alia nahle mainou zho ngaolai.

JOHAN 12:49

Daiolouzü lah Amadonou chi paopamoe; ana Eye seiveyu Apuonou dai paolai ea kabüa paolai touyu chikhasü Ahi peikhaitoue.

JOHAN 14:17

Puh hai Ramai vanou achechena süngao peiyu Rako nasüe. Deiphao mainou puhye popei louhoe, daiolouzü sünanou puhye ngaomoe moa sümoe. Ana neletao louzü puhye süwe, daiolouzü puhnou neletaoye koa bue ea neletao lehi bue.

JOHAN 14:26

Ana Apuonou Azhih hinou seive peilaiyu soukha-apeio Rako Mashi sünanou ha teitei neletao hi doupeilai, alia Enou neletao hi paokhai touyu pfüphou neletaoye panou li-chopa loulai.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:12

“Enou neletao hi paore alaosou buhie, ana sütao veishi hai neletao nou chu pfüpai louhoe.

JOHAN 3:32

Puhnou ngaolouyu ea choulouyu süna vanou puhnou zhopaoh souwe, ana maita linoua puh zhopaoh sü polou moe.

JOHAN 8:38

Enou Apuoye koa ngaoyu nasü Enou paowe, alia neletao nou neletao puo hinou choulouyu nasü souwe.”

SEI-ATAMAI VAHTAO 11:28

Alia puletao hrohinou Agaba tea kuyu mai sünanou tashu laloua deiphao buh teitei hisü ngaopi shoyu tokaayu sü vevuzü laire tea Rakovei khouko hinou rai-anou paopae; alia süsü Klaudia nou veduwo soubu kinou pae.

SEI-ATAMAI VAHTAO 20:23

Enou süyuwo louzü hukha ea veahoyu sünou Eye khoa bue tea nuhdu liki hinou Rako Mashinou Ahi zhopaoh soua paongaoyu süna likhei baie.

SEI-ATAMAI VAHTAO 27:24

‘Paul pikhaiso! Ne Kaisar nghojü hi ve lavuzülai, alia zhukhaio Ramai nou neye zhuvea peiyu vanou neye koa dzüluki hinou laiyu maikhemai hrülaiye sü khaipa peilai,’ tea paoe.

2 THESSALONIMAI 2:12

Sübüa acheche naye sü louchemoa mah hinou vashoa hrüa buyu maitao hrülaiye mah-e tea chikukou peiwulai.

2 THESSALONIMAI 2:3

Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe.

EBRIAMAI 1:1

Raiki teilehi Ramai nou Eh pou-pao maitao hi rachipaola maitao vanou bo akuku hilonou vuh taoli chipao peie,

1 JOHAN 2:20

Ana neletaoye sü Mashio nanou theadzü napeire, alia süsü neletao hrülainou süwe.

1 JOHAN 2:27

Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

1 JOHAN 5:6

Jisu Khrista hai puhvei dzükhao dayu dzü ea puh athai vei zhe sünaye koa ve. Puhsü dzü likheiye koa vebai moe, ana dzü ea zhe ahaiye koa ve. Alia lah Rakonou-a haisü chekhaoe tea zhopaoh souwe, daiolouzü Rako hai cheche baie.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 1:19

Südonou nenou ngaolouyu, süolouzü chuchu pa-a buyu ea thaikhaihi palaiyu sütaosü rükhaio.