JOHAN 16:12 - SHEEYU BAIBEL (BSI)

¹² “Enou neletao hi paore alaosou buhie, ana sütao veishi hai neletao nou chu pfüpai louhoe.

JOHAN 16:12 Iomraidhean Croise

MARK 4:33

Jisu nou haibüyu nadataonou seia puh chipao sü maikhe mai hi paodoupeie; alia maikhe mainou soutaosoua sülou süyu hinou puhnou puletaoye doupeie.

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 15:15

Enou neletaoye kilaitao tea kupu more, daiolouzü kilai nanou puhvei paopunou dai sousa touyu sümoe. Ana Enou neletaoye samaitao tea kuloure, daiolouzü Enou Apuo hinou choulouyu teiteisü neletao hi Enou paongao peire.

JOHAN 16:11

chikuyu vanou louzü, deiphao hainavei paopuye chi kuwure.

JOHAN 16:13

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

SEI-ATAMAI VAHTAO 1:3

Puhvei vea-hoyu thai teithe raidai levai hinou puhsü hriwe touyu sü motoulou hoyu zhopaohnoupu lüh taoli lah puhnou puletao hi ve ngaopeie. Alia puletao nou puhye ngao-a buyu hinou puhnou puletao hi Ramai Vedei vanou chi paongao peie.