JOHAN 16:11 - SHEEYU BAIBEL (BSI)

¹¹ chikuyu vanou louzü, deiphao hainavei paopuye chi kuwure.

JOHAN 16:11 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

MATHIU 12:18

“Zhukhaio, Enou dolouyu Akilainaye sü, Arakonou sasho-a buyu Aleshina. Enou Arakohai puh pei hi seive thoupeilai, alia puhnou Avei Chikuyu sü Tahrüh khemai hi paongao peilai.

MATHIU 12:36

“Enou neletao hi paowe, Chikuyu Teithe kisü mai hrülainou lah lahnou paopawuyu züdoumoyu chipao pfüphou vanou paloucho sü peilai.

LUK NOU RÜYU KO AVEIBVÜ 10:18

Jisu nou puletao hi paoe, “Raki hinou tei-peiyu büa Saitan nou dekouyu Enou ngaoe.

JOHAN 12:31

Chu deiphao hainaye chikure pha nasüe, chuo deiphao hainavei paopuye hutawulai.

JOHAN 14:30

Enou neletaoye koa phaso chipha khailai moe, daiolouzü deiphao hainavei paopusü laire. Puhnou Apei hi soure khouko hae;

JOHAN 16:12

“Enou neletao hi paore alaosou buhie, ana sütao veishi hai neletao nou chu pfüpai louhoe.

SEI-ATAMAI VAHTAO 10:42

Alia maikhemai hi ko avei paodou peire ea Ramai nou puhye sü panou hrimai ea thaimai pei hi chiku-apeio soure donou dopa peikhai touyu nasüe touyu zhopaoh soure donou Eletao hi chikha peikhaitoue.

SEI-ATAMAI VAHTAO 24:25

Alia acheche vanou, lahnou lahye tukhayu vanou ea thaikhai chikure vanou Paul nou pha-kuyu hinou Felix nou ngaopiloua chila peie, “Chuo ne ta-a bailai; Enou teile kao-avei ngaoyu kinou neye kudakhailai.”

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

ROMMAI 16:20

Süthaisü kaonayu vei Ramai nou Saitan ye thala-a neletao phi khenou taisasa-a khailai. Eletao Mapao Jisu zhuvea nou neletaoye koa buyu sü souloutheo.

ROMMAI 2:16

Alia, südonou Enou paodouyu Ko Aveina thaifüa, Ramai nou Jisu Khrista vanou emai hrülai vei kheitsüye chi kuyu Teithe kisü hai kheihaoa palai.

1 KORINTHMAI 4:5

Südonou kao-züyu teile vemo koute sü neletaowo maitali pei hia chi kuso. Mapao vemo koutesü akhai chikuyu nasü khoa bulai; puhnou chu teizhi hinou kheia buyu taosü avahi popalai ea emai le hinou pokukhai touyu taosü paopa ngaolai. Alia sükinou mai hrülainou Ramai hinou lah lahye paosho peire sü ngaolai.

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

EPHESAMAI 2:2

Süpha kisü neletaosü deiphao hi ashi luduna thaifüa tae; Ramai chi zübayu maitaoye chu tukha-a buyu rako, rateihi buyu rako hilo khoukotaovei peichana chi sü neletao nou züwe.

KOLOSSEMAI 2:15

Alia kros süna vanou Khrista nou lah puhye rako hilo paopumai ea peichamaitao khouko hinou do soupeire; alia puhnou kolouyu hinou puletaoye popa dua sou ahrao peiwure.

EBRIAMAI 2:14

Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue,

EBRIAMAI 6:2

dzükhao dayu, bah lakhai peiyu, thaimainou hrishuyu alia teisa halouho chikuyu vei vanou doupeiyu kifü nasü shupu khaikhai laimokhe.

EBRIAMAI 9:27

Emai hrülaisü vuhli thaivu zülai, alia süthaisü chikuyu süvelai.

2 PITAR 3:7

Ana chu buyu rakitao ea deiphao hainawo louzü panou meinou souhawure donou Ramai vei chikha sünanou pokhaiwure. Sütaosü ramai loumoyu maikhe maitaoye chikuyu ea souhawumo teithe koute donou pokhaire.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.