JOHAN 15:8 - SHEEYU BAIBEL (BSI)

⁸ Neletao nou rashi alaosou shiloua Arozümaitaoe touyu zhopaoh souyu sünanou Apuoye soudusho peiwe.

JOHAN 15:8 Iomraidhean Croise

ISAIAH 60:21

Neletao mai hrülai nou cheche-a hrüa bailai; ae teidei sü teisa vei soure donou poloulai. Avei aduso nasü mai hrülai hi soungao peire donou Enou puletaoye shothou peie, Enou puletaoye sü soupeie.

ISAIAH 61:3

Zion hinou dopfü buyu maitao hi vounai thaosü pouparaizhao peire donou, levea-a buyu na thaosü savayu pove peire donou, dopfüa buyu thaosü paoshoyu pove peire donou Mapao nou Eye doloua seitawe. Puletao hai Mapao nou shokhai touyu süübe ali bülai, puletao nou acheche nasü soulai, alia Mapao nou soukhai touyu vahtao donou puhye sü paosholai.

HAGGAI 1:8

Deichi hi taopa lou-a süü pove Aki sü soutakhaio, sütilouzü E-a sühinou asalai alia Eye khuhao zü hinou khuhao khaio.”

MATHIU 5:16

Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

MATHIU 5:44

Ana chuo Enou neletao hi paowe: neletao ngaobamaiye leshilo ea neletaoye souvea-souhomaiye donou veachi paopeio,

MATHIU 9:8

Maisounou süsü ngaoloukhaie khupaloure ea emai hi sübüyu khouko peiyu vanou Ramaiye paosho loure.

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

JOHAN 13:35

Neletao hi alinou ali donou leshiyu nasü bulouzü, süvanou neletao hai Arozümai-e touyusü mai hrülainou süloulai.”

JOHAN 15:5

“E darkha bejü nasüe, neletaosü bo taoe. Ahinou tobai soumoa buyu ea Enou puh hi buyu mai sünasü rashi alaosou shilai; daiolouzü E loumoa neletao nou hatalia soulou hoe.

JOHAN 8:31

Süthaisü Jisu nou puhye louche louyu Jihudimai taohi paoe, “Neletao nou Achipao hinou tobai soumoa bulouzü, neletao hai chekhaoa Arozümai taoe,

1 KORINTHMAI 10:31

Sübülouzü veire, neletao nou tou-a sho-a moa hatali soupfü-a hateitei sü Ramai kathe donou soukhaio.

1 KORINTHMAI 6:20

neletaoye sü muhnou hrüloure. Südonou neletao vei pfüphao hinou Ramai kathe soulo.

PHILIPPIMAI 1:11

Neletao hrümaisü Ramai kathe paoloure ea puhye paosho loure Jisu Khrista likhei hinou vebaiyu acheche vei rashithou sünanou phoupei loulai.

TITA 2:10

moa puletao hinou khei-reia potouwu laimoe. Süjüwo puletao nou soupfüyu teitei hisü Ramai Eletao Khailu-apeio vei doupei zhaina zhih avei pove loure donou puletao nou puletao hai teisanou veibaiwe ea louchelou veiwe touyu soungaolai.

TITA 2:5

lahye tukha-a ea shee-a hrüloure, kikha vah soutoutou-a hrüloure, zhuvea peilou süre ea puletao chaamai khakhehi hrütoua maitaliye panou Ramai chipao hai paoshiwu more donou douzü peilai.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

1 PITAR 4:11

Maita linou ko paodou louzü süsü Ramai chipaonou paodoulai, maita linou kuvah soulouzü süsü Ramai nou puh hi peikhai touyu khoukonou poa kuvah soulai, sükua Jisu Khrista vanou Ramaiye ha pfüphou hinou paosho loure soulai. Kathe ea adusho sü Jisu Khrista veie teisanou. Amen.