JOHAN 15:7 - SHEEYU BAIBEL (BSI)

⁷ Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 15:7 Iomraidhean Croise

1 VEMAITO 3:5

Süzhou khei Ramai nou puh mekou hinou taveloua puh hi noue, “Enou neye donou dai peiyu ne jüpawe?”

JOB VEI LARÜBVÜ 22:26

Süthaisü nenou Ramai ye teisa nou louche-a nevei savayu pfüphou hai Ramai hinou ngao-a bailai touyu süloulai.

JOB VEI LARÜBVÜ 23:12

E teisa nou puh vei chikha thaipfüa soupfüa baie, E lah ajüpa hinou moa puh jüpa thaipfüa ta-a baie.

LOUTAO 119:11

Nevei nghingao hinou mahmo soumore donou Enou nevei chikha khesü avei tsüle hi thoukhai toue.

LOUTAO 37:4

Savayu nasü Mapao hinou phoulo, ae puhnou neye sü nenou jüpa-a buyu veishi ne hi peilai.

TSÜCHITAO 10:24

Maishi mai nou piyu nasü puh pei hi ve-a bailai, ana acheche mainou jüpa-a buyu khesü ngaoloulai.

TSÜCHITAO 4:4

apuo nou Eye paodou peie. Puhnou haibüa paoe, “Enou doupeiyu khesü licholo ae sütao hai ngaikhai touso. Enou kharochi peiyu khesü zülo, sükulouzü ne hriloulai.

ISAIAH 58:8

“Sükulouzü Enou neletaoye teithe payu büa panou vapha loulai, ae neletaoye thasho-a nou souvei peilai. Neletaoye sü Enou teisa nou koa salai peilai ae vupa peilai.

JEREMIAH 15:16

Nenou paoyu chipaotao sü Enou soutaosoua keinou peie. Khoukobu Ramai Mapaowo, Esü nevei baie, ae südonou nevei chipao khesü Eye donou vasayu nasüe.

MATHIU 7:7

“Khokhaio, alia süsü neletao hi peilai, phoukhaio, alia neletao nou ngaoloulai; houkhaio, alia süsü neletao hi houthou peilai.

JOHAN 14:13

Nahpoutu vanou Puoye soudusho peiloure donou, neletao nou Azhih hinou khoyu talisü Enou soupeilai.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 16:23

“Teithe sükisü neletao nou Ahinou halia kholaimoe. Cheche vuzünou Enou neletao hi paowe, neletao nou hatali Puo hinou kholouzü, puhnou Azhih hinou sünasü neletao hi peilai.

JOHAN 8:31

Süthaisü Jisu nou puhye louche louyu Jihudimai taohi paoe, “Neletao nou Achipao hinou tobai soumoa bulouzü, neletao hai chekhaoa Arozümai taoe,

JOHAN 8:37

Enou neletao hai Abraham tyaonahmai taoe touyu süe; ana neletao nou Eye southeare donou phouwe, daiolouzü Achipao hai neletao lekhehi buh hae.

GALATIAMAI 4:2

Puhnou taibu kisü puh puonou puhye donou teile khada peimo koutesü puhye sü mainou khoa ea puh vah sü mainou zhua bue.

GALATIAMAI 5:16

Ana Enou paowe, Rakoye panou neletao hrümaisü süthaia taloukhaio, sübülouzü neletao nou vasou züpa rukhasü souwu laimoe.

PAODAKHAIYU CHIKHA 6:6

Enou zhou teithe neletao hi peikhai touyu kharochi hainasü ngaikhai tisho.

KOLOSSEMAI 3:16

Khrista vei chipao sünaye panou neletao lekhehi nisho-a bulo. Ratsü teitei noupu neletao alinou liye doupeio ea süpeikhaio. Neletao lenou Ramai hi kalo paoyu noupu Rathoyu lou, paoshoyu lou ea sheeyu loutaosü soukhaio.

1 JOHAN 2:14

Anah khe maitao Enou neletao hi rüwe, daiolouzü neletao nou Puoye süwe. Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahlemaitao, Enou neletao hi rüwe, daiolouzü neletaosü khouwe; alia Ramai vei chipaosü neletao hinou tobai soumoa bue, alia neletao nou ashinaye sü koloure.

1 JOHAN 2:27

Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.

1 JOHAN 3:22

Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.

1 JOHAN 5:14

Eletao sü Ramai nghojünou khuvei-a bue, daiolouzü Eletao nou süvuzüe süolouzü puh leli thaifüa hatali Eletao nou puh hinou kholouzü puhnou Eletaoye keipeie.