JOHAN 15:5 - SHEEYU BAIBEL (BSI)

⁵ “E darkha bejü nasüe, neletaosü bo taoe. Ahinou tobai soumoa buyu ea Enou puh hi buyu mai sünasü rashi alaosou shilai; daiolouzü E loumoa neletao nou hatalia soulou hoe.

JOHAN 15:5 Iomraidhean Croise

TSÜCHITAO 11:30

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

HOSEA 4:8

Neletao nou Amaitao vei mah vanou toungi loure; südonou neletao nou Amaitao ye sü panou mah soupu nüwe.

MATHIU 13:21

Ana sünanou lekhehi maa chülou moyu vanou phaso bukhai more. Alia chipao süna vanou souvea-souchoyu moa souvea-souhoyu daoyu kisü puletao nou thala-a süsü thaowure.

JOHAN 12:24

Cheche vuzünou Enou neletao hi paowe, southou pfüli hai deiphihi dekou louloua thaimosa süna lah bubaiwe; ana sünasü thaita louzü thou alaosou shilouwe.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 9:33

Mai haina hai Ramai hinou vemo louzü, puhnou halia soulou hoe.”

SEI-ATAMAI VAHTAO 4:12

Alia khailu loure sü kukhe maitali hi-a hae, daiolouzü Ehye khailu peilousü vuzüyu raki khehi maikhemai hrohi peikhai touyu zhih kukhe alia hae.”

ROMMAI 12:5

Süzhaibüa, Eletao hai alao khaia, Eletao sü Khristaye koa ali soulouyu hinou pfüphao alibaie, alia pfüphao alivei zha kukuyutao kua, Eletao-a alinou liye koa lou zhohrüloue.

ROMMAI 6:22

Ana chuo neletaoye sü mah hinou do soupeire ea Ramai qila souloure. Neletao nou zhiyu süolouzü hrümai teiteinou Ramai hi popeiyu süsüe, alia süna thousü teisa ahri nasüe.

ROMMAI 7:4

Athaihou jürai khemai, neletao hi-a zhai süsü büa bubaie. Razhai hilo sü neletao hai thaire daiolouzü neletao hai Khrista vei pfüphao zha alire; alia Ramai vei kuvah Eletao nou veipua souloure donou chuo neletao hai athai hinou hrishu louyu puhvei souloure.

1 KORINTHMAI 10:16

Eletao nou Ramai hi kalo paowu-a Mapao Lito touyu ki seiyu pai süna hinou poa keyu kisü, Eletao sü Khrista vei zhe nasü koa zha ngaozho loure mowu? Alia Eletao nou soukhoyu raokhao süsü Eletao nou po touyu kisü, Eletao sü Khrista vei pfüphaoye koa zha ngaozho loure mowu?

1 KORINTHMAI 12:12

Daiolouzü pfüphao hai ali baikhaia zha alao buyu büa, alia pfüphao zha teitei hai alaokhaia pfüphao ali baiyu kua, Khrista-a sübübaie.

1 KORINTHMAI 12:27

Neletao hrülai sü Khrista vei pfüphaoe, alia neletao mai ali linou sünavei zhataoe.

2 KORINTHMAI 13:8

Daiolouzü Ehnou chechenaye motoua hatalia soulou hoe, ana sünaye donou likhei ha teitei soubaie.

2 KORINTHMAI 9:10

Thoutai vuyu mai hi thoutai peiyu ea touso donou raokhao peiyu Ramai puhnou neletao hi moshilaiyu thoutai teitei-a peilai ea süsü panou paopaloua neletao nou pakhaimoa peiyu cha nasü panou alaosou puloulai.

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

EPHESAMAI 5:9

daiolouzü avavei shithou hai avei teitei, cheche-a hrüyu teitei ea acheche teiteihi buwe.

PHILIPPIMAI 1:11

Neletao hrümaisü Ramai kathe paoloure ea puhye paosho loure Jisu Khrista likhei hinou vebaiyu acheche vei rashithou sünanou phoupei loulai.

PHILIPPIMAI 4:13

Eye soukhou peiyu Khrista puh vanou Enou ha teitei soulousüe.

PHILIPPIMAI 4:17

Süsü Enou sapeina nasü züpashoa phouyu nou moe; süjüwo, neletao vei thou-sha pei hi zhiyu thoupuyu sü Enou phouwe.

KOLOSSEMAI 1:10

Süthaisü neletaosü Mapao vei züpa thaifüa hrülou süe ea teisanou puh züpa vah taonou soubailai. Neletao hrümai hinou vah aveivei shithou teiteisü shilai, alia neletaosü Ramai vei tsüna hinou dushu loulai.

KOLOSSEMAI 1:6

Neletao nou Ramai zhuvea choulou raiki ea süsü chechewe tea sülourai kihinou shua neletao hronou buyu büa, Ko Avei nanou thaokhaimoa ha pove peiwe ea süsü deiphao teiteihi-a paodoupoa tawe.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

1 PITAR 2:4

Emainou bakhai-a Ramai nou muhteishoe tea dolouyu hriyu chuh Mapao hisü tavelo.

2 PITAR 3:18

Ana Eletao Mapao ea khailu-apeio Jisu Khrista vei zhuvea ea tsü hinou tobai soumoa dushulo. Puh hisü chua, akhainou khaikoute-a adushosü souloutheo! Amen.