JOHAN 15:4 - SHEEYU BAIBEL (BSI)

⁴ Ahinou tobai soumoa bulo, alia Enou neletao hi tobai soumoa bulai. Bo talinou bejü hi tobaisoumoa taomo louzü rashi shilou hoyu kua, neletao-a Ahinou tobai soumoa bumo louzü rashi shilou hoe.

JOHAN 15:4 Iomraidhean Croise

SOLOMON VEI LOU 8:5

Rükou nou leshipai ye khopoa laiyu hona hai thaoe? Phobe phinou Enou neye soukai peiwure, buh tehinou nepfü sü veashowure, buh sühinou neye nyapeiyu paisü veashowure.

HOSEA 14:8

Oh Israel, neletao vei bashara nasü E poa daisoulai? Neletao ye kikopa peiyu nasü E baie. Teisa nou daia buyu süübe ali büa Ewo bubaie, Ahinou neletao vei rashithou sü ve-a baie.”

MATHIU 12:33

“Avei rashi ngaoloure donou neletao nou boh veiyu süübe buvu zülai; neletao vei boh shiyu süübe bulouzü, neletao nou ashi rashi ngaolou bailai; daiolouzü süübe aliye sünavei rashi hinou sheelou baiwe.

LUK NOU RÜYU KO AVEIBVÜ 8:15

Alia deivei buh hi dekou louyu taonou, chipao süna chouloua sünasü sheeyu ea paoyu züyu lekhe hinou poteiloua shameayu vanou rashi shilouyu puletaoe.

JOHAN 14:20

Teithe sükisü, Esü Apuohi bue, neletaosü Ahi bue ea Esü neletao hi bue touyusü neletao nou sülai.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 6:56

Avasou touyu ea Azhe keyu puhsü Ahinou tobai soumoa bue, alia E-a puh hi tobai soumoa bue.

JOHAN 8:31

Süthaisü Jisu nou puhye louche louyu Jihudimai taohi paoe, “Neletao nou Achipao hinou tobai soumoa bulouzü, neletao hai chekhaoa Arozümai taoe,

SEI-ATAMAI VAHTAO 11:23

Puhnou tavekhaie Ramai vei zhuvea nasü ngaoloua puhsü lesasho loure; alia puletao le teiteinou cheche-a Mapao hinou tobai soumoa buloure donou puhnou puletao hrülaiye soutaosoua süpeie.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

2 KORINTHMAI 13:5

Neletao hai lühi bubu mosa neletao lahnou zhai zhukhaio ea chikukhaio. Neletao nou zhai zhuyu süna hinou laloumo baiyuwo deinou, Khrista Jisu hai neletao hi bue touyu sü veimosoua neletao nou süwe?

GALATIAMAI 2:20

Khristaye koa Eye sü Kros vanou veatheare; chu hria buyu nasü Emoe, ana Alekhe hinou hria buyu puhsü Khristae. Chu Enou vasou hinou hria buyu hrü haina hai Enou Eye leshi peiyu ea Adonou lah puhye thoupeiyu Ramai Nahpoutuye lüyu vanou hria bue.

EPHESAMAI 3:17

alia lü vanou Khrista nou puhvei kihai neletao lekhe hinou souloure donou Enou veachi paowe. Alia leshi hinou neletaosü maa tsülou loure ea kifü soushu paloure donou Enou veachi paowe,

PHILIPPIMAI 1:11

Neletao hrümaisü Ramai kathe paoloure ea puhye paosho loure Jisu Khrista likhei hinou vebaiyu acheche vei rashithou sünanou phoupei loulai.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

KOLOSSEMAI 1:27

Ramai nou soudawuyu süwo louzü puhnou maikhemai hrülai donou khaikhai touyu toure nishoyu ea vashoyu puhvei kheitsü hainasü puhmaitaohi süngao peiyu süsüe. Alia kheitsü sünawo louzü neletao hi buyu Khrista süsüe, süvei kowo louzü neletao-a Ramai khouko ava hisü koa zha ngaozholai.

KOLOSSEMAI 2:6

Südonou neletao nou Khrista Jisu ye nou Mapaowo süe tea polouyu donou, puhye koa ali soua hrülai.

1 THESSALONIMAI 3:5

Moshilaiyu ko haina vanou Enou shamea louho vuzüa neletao vei lü nasü süloure donou Enou Timothiye seivewe, daiolouzü bo ali hilonou rashi nanou tave neletaoye thaoloua Eletao nou te-a vah soukhai touyu teiteisü raoha bailai moma touyu sü Enou ngaopiwe.

EBRIAMAI 10:39

Ana Eletaowo thaikhai tayu ea hakayu mai sütao moe. Ana Eletaowo lü buyu ea khailu louyu mai sütaoe.

1 JOHAN 2:6

Ramai hinou tobai soumoa bue tea paoyu puhnou Jisu Khrista nou hrüyu bütoua hrüvu zülai.

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.