JOHAN 15:27 - SHEEYU BAIBEL (BSI)

²⁷ alia neletao-a Avanou zhopaoh soulai, daiolouzü neletao-a shurai hinou Eye koa bue.

JOHAN 15:27 Iomraidhean Croise

MARK 1:1

Haihai Ramai Nahpoutu, Jisu Khrista vei Ko Avei nae.

LUK NOU RÜYU KO AVEIBVÜ 24:48

Neletaowo louzü haitao teiteivei zhopaoh soure maitaoe.

JOHAN 19:35

Süna ngaolouyu puhnou zhopaoh peire, alia puhvei zhopaoh sü cheche-e. Alia neletaoye panou louche loure donou puhnou acheche nasü paobaie touyu sü puhnou süwe.

JOHAN 21:24

Chi haitao vanou zhopaoh peiyu ea chi haitao rükhaiyu rozümai nasü hainae; alia puhvei zhopaoh hai chechewe touyu hai Eletao nou süe.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 13:31

alia puhye koa Galilee hinou Jerusalem hi takheyu maitao hisü puhnou teithe taoli puh zhu ngaopeie ea chuo puletao nou maikhemai hi puhvei zhopaoh soua bue.

SEI-ATAMAI VAHTAO 18:5

Sailas ea Timothi nou Makedonia hinou velouyu kisü Paul sü ko paodouyu hinou teile teitei pei-a Jihudimaitao hi Jisu hai Khristae tea zhopaoh peia bue.

SEI-ATAMAI VAHTAO 23:11

Thainaisho kheisü Mapao nou Paul ngheiki tave laloua paoe, “Khuveilo! Daiolouzü nenou Jerusalem hinou A zhopaoh peilouyu kua, Rom hi-a nenou Azhopaoh peivuzülai.”

SEI-ATAMAI VAHTAO 3:15

Neletao nou Ahripao naye sü southeare, ana Ramai nou puhye sü athai hinou souhrishu loure. Eletao sü sünavei zhopaoh maitaoe.

SEI-ATAMAI VAHTAO 4:20

daiolouzü Ehwo Ehnou ngaoyu ea chouyu nasü paomo shalouhoe.”

SEI-ATAMAI VAHTAO 4:33

Alia Mapao Jisu nou hrishu louyu vanou sei-atamai taonou khouko dushoa zhopaoh soue ea zhuvea dushoa puletao hrülai pei hi kou loupeie.

1 PITAR 5:1

Südonou lah E-a tsümaili soua, Enou neletao hrohi buyu lüloumaime tsümaitao hi khoe. Ehai Khrista veahoyu veihi zhopaohmai alie, alia pongaopei laiyu khouko ava hisü E-a zha ngaozholai.

1 PITAR 5:12

Enou acheche thaihou jüraimai alie tea poa buyu Sailas vei soukha hinou jüshoyu Seiko haina hai Enou neletao hi rüwe. Enou haihai Ramai vei chekhaoyu zhuvea nasüe tea zhopaoh peia neletaoye le souho peiwe. Sühinou soutaosoua la-a bulo.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.