JOHAN 15:24 - SHEEYU BAIBEL (BSI)

²⁴ Enou puletao hrohinou maita linoua soukhai moyu vah taosü soumoe toulouzü puletaosü mah bupaimoe; ana chuo puletao nou sheetaosü ngaoloure, alia Eye-a Apuoye-a ahaiyenou ngaora loure.

JOHAN 15:24 Iomraidhean Croise

LOUTAO 81:15

Eye ngaora-a buyu maitaoye sü panou Eye ngaopi-a khurüa bailai, puletaoye sü panou teisa nou hraongu ngao-a bua bailai.

TAPALOUYU 20:5

Neletao nou bashara moyuma zhurai taraliye nakou tholai moe, daiolouzü neletao Ramai Mapao nasüe E baie, ae Esü ashiye zhuthoulou hoyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe.

TSÜCHITAO 8:36

ana Eye polou moyu mai sü lahye zhiloua baie; Eye ngaorayu maisü athai naye leshia baie.”

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

MATHIU 21:32

daiolouzü Johan Baptist nou neletaoye acheche ludu ngaopeia neletao hi tave, alia neletao nou puhye louche peibae; ana kikha khamaitao ea khakha maitao nou puhye loucheloue; alia neletao nou süsü ngaoyuma neletaosü thaikhai hi-a le daloua puhye louche peimoe.

MATHIU 9:33

Ana rashinaye sü hutalou bükhaie, mai sünasü chi paopa loure, alia maikhemai hrülainou khupaloua paoe, “Ehnou hatakia Israelmai hrohinou haibüyu hai ngaokhai mohie!”

MARK 2:12

Maikhe mainou zhua buyu hinou mai sünanou lashu puh züh sü poloua puletao nghojünou thalasou tare. Puletao hrülaisü khupasho loure ea Ramaiye sholoua paoe, “Ehnou haibüyu hai hakia ngaokhai mohie!”

LUK NOU RÜYU KO AVEIBVÜ 24:19

Puhnou puhaihi noue, “Daidai pare?” Puhai nou puh hi chilapeie, “Nazareth hi Jisu vanoue, puh hai Ramai ea maikhemai hrülai nghojünou khupa vah souyu ea chipao hinou khouko bushoyu rachi paolamai alie,

JOHAN 10:32

Jisu nou puletao hi paoe, “Apuo hinou vah avei alao Enou neletao nghojühi soungaore; sütao hrohinou kana vanou neletao nou Eye chuhnou deilai touwe?”

JOHAN 10:37

Enou Apuo vahtao soumo louzü, Eye loucheso.

JOHAN 12:10

Südonou napao adumai taonou Lazarasye-a southeare donou do phouloure,

JOHAN 12:45

Alia Eye ngaoyu mai talinou Eye seiveyu puhye-a ngaowe.

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 15:22

Enou taveloua puletao hi paopeimo louzü, puletao hai mah bupaimoe. Ana chuo puletao vei mah donou puletaoye khaipeire hare.

JOHAN 15:23

Eye ngaorayu puhnou Apuoye-a ngaorawe.

JOHAN 16:9

mah vanou louzü, puletao nou Eye louche moe;

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 5:36

Ana Ahi buyu zhopaoh sünanou Johan vei jünou dukou hie, daiolouzü souchere donou Apuonou Ahi peikhai touyu vah taonou, süolouzü Enou soua buyu vah haitao vuzünou Puonou Eye seivepeie touyu Avanou zhopaoh souwe.

JOHAN 6:36

Ana Enou neletao hi paoe, süolouzü neletao nou Eye ngaoloure ana neletao nou louche moe.

JOHAN 7:31

Sütoukhaia mai taolinou puhye louche loure; alia puletao nou paoe, “Khrista nanou veyu kisü puhnou mai hainanou souyu jünou koua shee soulaiwu?”

JOHAN 9:32

Deiphao soushu rainou maita linoua nghicha-a nakouyu mai tali nghithou souhepa peire touyu choukhai mohie.

JOHAN 9:41

Jisu nou puletao hi paoe, “Neletao hai nghichayu kowo, neletao mah sü bupaimoe; ana chuo, ‘Eletaowo ngaowe,’ tea neletao nou paoyu donou neletao mah sü bubaie.”

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 2:22

“He Israel maitao, chipao haitao sü keiloukhaio! Nazareth hi Jisu hai Ramai nou neletao hrohinou puh vanou mainou soulouho khupa vahtao ea sheetao souyu, süolouzü puh hai Ramai nou ae-ao touyu mai alie touyu sü neletao lah neletao nou süa bue.

ROMMAI 1:30

alia alinou li chi paoshiwe; puletao sü Ramai ngaoba maitaoe, puletao sü alinou liye sou ahrao peiwe, khaophu souwe ea adusho khawe; puletao nou ashi soupure tsü chowe ea pfüpuo chi zübawe;

PAODAKHAIYU CHIKHA 5:9

Neletao nou bashara moyuma zhurai taraliye nakou tholai moe, daiolouzü neletao Ramai Mapao nasüe E baie, ae Esü Ramai kukhe ngaoraiyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe.

2 TIMOTHI 3:4

khei-a ngaobamai mü boyu, le souyu, nou khouyu, Ramaiye leshiyu jünou pfüphao vayu naye leshiyu sükuyu sü palai;

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.