JOHAN 15:21 - SHEEYU BAIBEL (BSI)

²¹ Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 15:21 Iomraidhean Croise

LOUTAO 69:7

Neye donou Esü maichi mairao sü toua bure, ae hraongu sü Enou pfüa nou bure.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

MATHIU 10:18

Alia Avanou neletaoye puletao ea Tahrüh kukhemai nghojünou zhopaoh soure donou teidei khomai ea Vemaitao nghojühi savelai.

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 10:39

Lah hrümai khailu paloure te-a buyu maitali nou süsü ha-kabailai, ana Eye donou puh hrümai ha-kayu puhnou süsü ngaoloulai.

MATHIU 24:9

“Süthaisü puletao nou neletaoye souvea souhore donou thoupeilai, alia neletaoye southealai; alia Azhih donou neletaoye tahrüh veishinou ngaoralai.

MATHIU 5:11

“Neletao nou Athaifümai souyu donou mainou neletaoye sou ahraopei, souvea-souhopei ea mada-a chishi tyalinou paopeiyu kisü rakoveie.

MARK 13:13

Adonou mai hrülainou neletaoye ngaoralai. Ana akhai koute shamea louyu puhye sü khaipeilai.

LUK NOU RÜYU KO AVEIBVÜ 21:12

Ana sütao teitei pamojü hinou puletao nou neletaoye niloua souvea-souholai. Puletao nou neletaoye rathobuh taohi ea hukhahi thoupeilai, alia Azhih donou neletaoye vemaitao ea teidei khomaitao nghojühi savelai.

LUK NOU RÜYU KO AVEIBVÜ 21:17

Mai hrülainou neletaoye Azhih donou ngaoralai.

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 15:24

Enou puletao hrohinou maita linoua soukhai moyu vah taosü soumoe toulouzü puletaosü mah bupaimoe; ana chuo puletao nou sheetaosü ngaoloure, alia Eye-a Apuoye-a ahaiyenou ngaora loure.

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

JOHAN 8:54

Jisu nou chila peie, “Elah Eye tsükhoubai louzü, Avei tsükhouyu nasü halia moe; neletao nou, ‘Puh hai Eletao vei Ramaie’ tea paoyu puh hai Eye tsükhou peiyu Apuoe.

JOHAN 8:55

Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

SEI-ATAMAI VAHTAO 17:23

Daiolouzü Enou taveloua neletao nou thoyu na taosü zhuyu kisü Enou sheelabuh ali hinou, ‘Sümoyu ra alihi’ tea rüthoukhai touyu sü ngaoe. Südonou neletao nou sümoa thoyu nasü Enou neletao hi paongaowe.

SEI-ATAMAI VAHTAO 26:9

“E lah E-a Nazareth hi Jisu zhihye sü motoua ha tyali souzüe tea raiki chowe.

SEI-ATAMAI VAHTAO 3:17

“Alia Athaihou jürai maitao, neletao vei teidei khomai taonou souyu kua neletao-a sümoa soure touyu sü chuo Enou süloure.

SEI-ATAMAI VAHTAO 4:17

Ana ko süsü maikhemai hrohi panou paodoupu talou more donou Eletao nou puhaiye sü maitalihia zhih hainasü paodou putaso tea soupi-a tukhawu laikhe.”

SEI-ATAMAI VAHTAO 5:41

Süthaisü puletao nou zhih süna vanou ahrao ngaozüe touyu sü Ramai nou choloure tea sasa-a tsümeye thaowu-a tare.

SEI-ATAMAI VAHTAO 9:14

alia nezhih hinou kua buyu mai hrülaiye niloure donou puhnou napao adumaitao hinou soulouvei khouko sü ngaoloua buh haihi ve-e.”

SEI-ATAMAI VAHTAO 9:16

Daiolouzü Azhihye donou puhnou daizhozhou koute vea vuzülaisa touyu sü Enou puh hi ngaopeilai.”

ROMMAI 1:28

Alia puletao nou Ramai vanou chekhaoyu tsü nasü puletao vei tsü hi khaibayu donou, puhnou puletaoye sü ashi tsü hi ea kao-zümoyu zhaido hi thoupeire.

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

1 KORINTHMAI 2:8

Deiphao hainavei teideikhomai talinoua ratsü hainasü sümoe. Daiolouzü puletao nou süe toulouzü, puletao nou khouko avavei Mapaowoye kros vanou veatheawu laimoe.

2 THESSALONIMAI 1:8

Sükisü Ramaiye bayu ea Eletao Mapao Jisu vei Ko Aveina zübayu puletao pei hisü tudee peilai.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

3 JOHAN 1:7

Daiolouzü puletao nou lüloumo maitao hinou soukhayu halia pomoa tapayu sü puh zhih donou baie.

PONGAOPEIYU 2:3

Nenou shamealoue ea Azhih donou veahoyu sü daoloue, alia ne sü chathai takhaimoe.