JOHAN 15:20 - SHEEYU BAIBEL (BSI)

²⁰ Enou neletao hi paopeiyu chipao nasü lilo; ‘Kilai talia puh paopu jünou dumoe.’ Puletao nou Eye souvea-souho louzü, puletao nou neletaoye-a souvea souholai; puletao nou Achi zülouzü, puletao nou neletao chi-a zülai.

JOHAN 15:20 Iomraidhean Croise

EZEKIEL 3:7

Ana Israel maitao nou nevei chipao khesü keipeinülai moe, puletao nou avei chipao-a keipeilai moe.

MATHIU 10:24

“Doumai li-a puhvei dou-apeio jünou dumoe; moa kilai alihai puhvei paopu jünou dumoe.

MARK 10:39

Puhainou puh hi chila peie, “Ehnou soulousüe.” Alia Jisu nou puhaihi paoe, “Chechenou Enou kü vuzülaiyu pai nasü nele-a külai ea Eye dzükhao dalaiyu zhai hinou nele-a dzükhao dalai.

LUK NOU RÜYU KO AVEIBVÜ 2:34

Süthaisü Simeon nou puletao hi hapei-a puh pfü Meri hi paoe, “Zhukhaio, nahtou hainasü Israel maitao alao donou kaotare ea maitaoli donou lashu loure, alia maikhe mainou paoshisho peilaiyu shee süna donou dopapei khaitoue,

LUK NOU RÜYU KO AVEIBVÜ 6:40

Rozümai alinou puhvei dou-apeio jünou dumoe, ana rozümai hrülainou puhnou doure doucheyu thainou puhvei dou-apeio bübailai.

JOHAN 10:31

Sükisü Jihudimai taonou puhye deire donou kou chuh polou khaire.

JOHAN 11:57

Sükisü napao adumaitao ea Phariseemai taonou raia kharochi peire, süolouzü puletaoye panou Jisu ye niloure donou maitalinoua Jisu nou buyu buh sülouzü sünanou tave puletao hi süngaopei vuzülai.

JOHAN 13:16

Cheche vuzünou Enou neletao hi paoe, kilai talia puh paopu jünou dumoe; moa seita-a buyu puhnou seipeiyu puh jünou dumoe.

JOHAN 5:16

Alia Jihudimainou Jisu ye souveayu sü süna vanoue, daiolouzü puhnou vah hainasü Soteithe zhounou soue.

JOHAN 7:32

Maisou khemainou Jisu vanou chi kulealeayu sü Pharisee maitao nou chouloure, alia napao adumaitao ea Phariseemai taonou puhye niloure donou reih maiye seive-e.

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

JOHAN 8:52

Jihudimai taonou puh hi paoe, “Chuo Eletao nou nehi rashi ali bue touyu sü süloure. Abraham-a rachi paolamaitao-a thaikhaire, ana ‘Maita linou Achipao hai züa bulouzü, puhnou athai nasü daokhai laimoe;’ tea nenou paoe.

JOHAN 8:59

Südonou puletao nou puhye deire donou chuh kou poloure; ana Jisuwo puh lah tutsü loua Rathoki hinou tapare.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

1 KORINTHMAI 4:12

Ehnou lah Eh bahnou te-a vah souloure. Ehye chapeiyu kisü Ehnou hapeiwe; Ehye souvea peiyu kisü, Ehnou shameawe.

2 KORINTHMAI 4:9

Ehye sü souvea souhopeie, anou Ehye hakia samai ha-a thaopeimoe; Ehye dakhao peie ana souhawumoe;

1 THESSALONIMAI 2:15

Pule Jihudi maitao nou Mapao Jisu ea rachipaola maitaoye southea-e, alia Ehye souveasho peiwu-a hutare. Daizhozhou puletao nou Ramai züphi sousa! Daizhozhou puletao nou maikhe maiye ngaobasa!

2 TIMOTHI 3:12

Acheche nou Khrista Jisu ye koa rahrümai hinou hrüyu züpayu mai taye sü souvea-souholai;

1 SAMUEL 8:7

ae Mapao nou haibüa chila peie, “Maikhe mainou ne hi paoyu chi veishi keitou toulo. Daiolouzü puletao nou neye malai moe, ana Eye malai-a baie ae puletao nou Eye sü panou puletao pei hi veo souba-a baie.