JOHAN 15:2 - SHEEYU BAIBEL (BSI)

² Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

JOHAN 15:2 Iomraidhean Croise

JOB VEI LARÜBVÜ 17:9

Tsükhou, khuhao züe tea choyu maitao sü puletao nou kao-a baie tea choloukhai khai-a baire.

LOUTAO 92:14

tsülouyu thai-a rashithou alao shipeiyu bülai, ae teisa nou daiva-a nou khouchi-a bukoulai.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

ISAIAH 27:9

Ana Israel maivei mah khesü puletao nou haibüa soulouzü khaipeilai, ae puletao vei mahmo khaipeiyu rashithou meichekho-a buyu shee sü haibülai: ra kukheye thoyu buh ae chuhsho khesü naika souphoyu büa soupe souposasa khaiwuo, ae Ashera rapfüpai vei zhurai soukhai touyu basharatao, moyuma kainüvei poa meideiyu posheela buh teitei panou ali-a bumoa souhakhai toulai.

ISAIAH 29:19

Touha-soha laimai ae nataiyu maikhesü Israel maivei sheeyu Ramai Mapao hinou vasayu sü ngaopuloulai.

DANIEL 11:35

Tsüveiyu süthai-apei maitaoli ye sü southawulai, ana haibüyu vanou maikhe maiye souveipu peilai ae sousheepu peilai. Haibüa nou soukou laiyu hai Ramai nou akhai teile dade khaitouyu nasü koumo koute soulai.

HOSEA 6:3

Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

MALAKAI 3:3

Puhnou shahu sousheeyu alia souveiyu mai ali büa chobulai, alia puhnou Levi nahpoutu khemai sü soushee peilai alia acheche sheelayu nasü Mapao hi peimosa puletao sü sana ae shahu sousheeyu büa sousheelai.

MATHIU 13:12

Daiolouzü buyu puh hisü peipulai, sübüa puhnou alaosou buloulai; ana hazheiyu puh hinou puh hi daotu buyu koute-a pota bailai.

MATHIU 13:33

Süthai-a Jisu nou nada kukheli puletao hi paopeie: “Raki Vedeihai naotumai alinou sou hai phou asühi thouloua souke teitei lapamosa pothou hükhai touyu kheih büe.”

MATHIU 15:13

Jisu nou chila peie, “Rakibu Apuonou shomoyu süübe tali sü maanoupu paipawulai.

MATHIU 21:19

Alia puhnou dupe hinou doushi beli ngaoloua sühi takoue, ana süva hisü sünghou baideinou halia ngaolou moe. Südonou puhnou süübe nahi paoe, “Nehinou shi lia shipu khaiso!” Alia sübü hinou doushi be nasü kirüh tare.

MATHIU 25:29

Daiolouzü buyu mai tali hisü peipulai, alia puhnou alao buloulai; ana hayu puh hinou puhvei buyuna koute-a pota bailai.

MATHIU 3:10

Chukoute-a süübetao mahi mareisü daothou khaitoua bue; südonou rashi avei shimoyu süübetaoye sü vikaowu-a meihi polaithouwu baiwe.

MATHIU 3:12

Thaihi thoutaosü soushee loure donou puh bah hi thouhü bue. Puhnou puhvei southou taosü puhvei thoupaohi pove dzülai, ana thouba taosü puhnou ngheikhailai moyu meihi pothou deiwulai.”

MATHIU 7:19

Rashi avei shimoyu süübe taliye sü vilaiwu-a meihi polaithouwu baiwe.

MARK 4:20

Ana mai kukhetaowo deivei buh hi vuthou khaitouyu thoutaitao kue. Puletao nou chipao nasü chouloua süsü poloure ea shithou shiloure: kamainou shirou, kamainou rairou, alia kamainou kaih shiloue.”

LUK NOU RÜYU KO AVEIBVÜ 8:13

Alia chuhrao pei hi dekou louyu taonou, chipao süna chouloua sasa-a polouyu maitaoe, ana maa chülou moyu donou phajütou loucheloua athao veyu kisü kaotayu puletaoe.

JOHAN 15:1

“E darkha bejü acheche nasüe, ea Apuonou darkha kipei-khowo süe.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 15:3

Neletaowo louzü Enou neletao hi paopeiyu chipao nanou sousheepei chere.

JOHAN 15:6

Maita linou Ahinou tobai soumoa bumolouzü, puhye sü boli kua shilaiwu-a panou kita baiwe; alia sübüyu botaoye sü podzüloua meihi polaithou deiwu baiwe.

JOHAN 15:8

Neletao nou rashi alaosou shiloua Arozümaitaoe touyu zhopaoh souyu sünanou Apuoye soudusho peiwe.

JOHAN 17:12

Enou puletaoye koa bubu kisü, nenou Ahi peikhai touyu nezhih süna khouko vanou Enou puletaoye khotou peire; sheeyu larübvü hinou paoyu nasü vetere donou ha-kare nahpoutu likhei baideinou puletao kukhe louzü mailia hamoe daiolouzü Enou puletaoye khotou peire.

ROMMAI 11:17

Shothou khaitouyu Oliv süübotao sü chata louzü, sühisü rekou vei Oliv süübonou pove cholouwe. Nele tahrüh kukhemai taosü rekou vei Oliv süübe süna kue, alia chuo ne sü Jihudimai vei rako hilo chihshoyu hrümai naye koa lou zha ngaozho loure.

ROMMAI 11:22

Ramai hai daizhozhou zhuvea süsa ea daizhozhou poushisa touyu sü hai hinou Eletao nou ngaoe. Puhwo kaotayu maitao hisü poushishoe, ana puhvei zhuvea hinou nenou tobai soumoa bulouzü nehisü zhuvea peilai. Ana sükumore toulouzü ne-a chatalai.

ROMMAI 8:28

Eletao nou süwe süolouzü ha teitei hinou Ramaiye leshiyu puletaoye donou süolouzü puhvei leli thaifüa kulouyu puletao hisü Ramai nou avei donou vah soubaie.

1 KORINTHMAI 13:1

Enou emai ea rakivamai la taonou paokhaia, leshi halouzü, Esü hu dayu kho moa hu baiyu kho bübaie.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 12:15

Ramai vei zhuvea hinou thaikhai talou more donou ea khataoyu matsülou loua paopa maiye soubvüa mai alaoye souzhaiwu more zhutoulo.

1 JOHAN 2:19

Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.