JOHAN 15:18 - SHEEYU BAIBEL (BSI)

¹⁸ “Deiphao mainou neletaoye ngaora louzü, sünanou neletaoye ngaoramo jühinou raia Eye ngaorare touyusü sülo.

JOHAN 15:18 Iomraidhean Croise

1 VEMAITO 22:8

Ahab nou haibüa chila peie, “Mapao vei leli nasü noupu loure mai ali bupu hie. Puh sü Imlah nahpoutu Mikaiah toue. Ana Enou puhye ngaora-e; daiolouzü puhnou avanou haliro vei-a paopei moe, ana ashi khaikho nou paopei-a baiwe.” Jehoshaphat nou paoe, “Veo, ne sübüa paoyu kaomoe.”

TSÜCHITAO 29:27

Mai ashi maiye sü acheche mainou ngaora-e, ae acheche maiye mai ashimai nou ngaora-e.

ISAIAH 49:7

Sheeyu Israel maivei Ramai ae puletaoye khailupa apeio nou tyahrü hrülai nou jüpamoa ngaora sho-a buyu ae nuh teidei kho-a buyu maitao vei kilai na hisü haibüa paoe, “Veo maitao nou neletaoye phapeiyu sü ngaolai, ae puletao nou lashu neletaoye tsükhou peilai; veo mai nahtao-a neletaoye ngaoloua puletao nou deiphi nakou neletaoye khurülai.” Daiolouzü neletaoye sü puhvei kilai panou soulai tea dolouyu vanou louchelou veiyu Israel maivei Sheeyu Ramai Mapao nou puhvei apaopei khaitouyu nasü soupeilai.

ISAIAH 53:3

Puhye sü mainou ngaora-a pomoyu mai ali baie, veasho-a laiyu mai ali baie, ae sounou sou-a laiyu mai ali büa baie. Mai linoua puhye sü zhu chamoe, ae Etao nou puhye sü ngaora-a tsükhou peimoe.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

ZEKHARIAH 11:8

Eye ngaorayu zhaokhomai asütao, E heamea pulou hoyu vanou puletaoye sü khouh ali levainou hulaiwure.

MATHIU 10:22

Alia Azhih vanou mai hrülainou neletaoye ngaoralai. Ana akhai koute healouyu puhye sü khaipeilai.

MATHIU 24:9

“Süthaisü puletao nou neletaoye souvea souhore donou thoupeilai, alia neletaoye southealai; alia Azhih donou neletaoye tahrüh veishinou ngaoralai.

MATHIU 5:11

“Neletao nou Athaifümai souyu donou mainou neletaoye sou ahraopei, souvea-souhopei ea mada-a chishi tyalinou paopeiyu kisü rakoveie.

MARK 13:13

Adonou mai hrülainou neletaoye ngaoralai. Ana akhai koute shamea louyu puhye sü khaipeilai.

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 16:1

“Neletaoye panou kao-du tamore donou chi haitaohai Enou neletao hi paopeire.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 3:20

Daiolouzü ashi vah souyu mai veishinou avaye ngaorawe, alia avahi vemoe, süku molouzü puhvei vah taosü popa ngaowushulai.

JOHAN 7:7

Deiphao mainou neletaoye ngaoba louhoe, ana sünanou Eye ngaobawe daiolouzü Enou puh vah taohai ashi baie tea zhopaoh peiwe.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 3:13

Südonou Athaihou jürai khemai, deiphao mainou neletaoye ngaora louzü khupawuso.

1 JOHAN 3:3

Khrista nou sheeyu donou puh hi areih haina buyu mai hrülai nou lah puhye shee-a khailouwe.