JOHAN 15:16 - SHEEYU BAIBEL (BSI)

¹⁶ Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 15:16 Iomraidhean Croise

SHURAI 18:18

Abraham vei tounahtao hai dushoyu ae khoushoyu tyahrü ali soulai alia puh vanou tyahrü teiteiye Enou shiha peilai.

LOUTAO 145:4

Nenou soukhai touyu vah haso khesü khaphao ali hinou khaphao ali hi paosho poa koulai; puletao nou nevei khupayu vah khesü shapaolai.

LOUTAO 71:18

Chuo Esü tsüloure ae apei paopare, Eye thaolai peiso, Oh Ramai! Enou nevei khouko ae aduso nasü vere khaphao veishi hi shapao peia buyu phaki Eye koa salai peio.

TSÜCHITAO 11:30

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

ISAIAH 27:6

Vere teithe hiolouzü, Jakob vei tyaosholea, Israel maitao hai beima tsülou loulai, ae puletao hai veishoa nou duso paloua pah palai, alia deiphao teitei sü puhvei rashithou nou phoutaolai.

MIKAH 5:7

Shokhai toua buyu Israel maitao hai tyahrütao hrohinou Mapao nou seive peiyu vidzü ae teirü kou shopeiyu pounghou bülai. Puletao nou Ramai ye louche-a bailai, maiye louchepu khailai moe.

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

MATHIU 7:7

“Khokhaio, alia süsü neletao hi peilai, phoukhaio, alia neletao nou ngaoloulai; houkhaio, alia süsü neletao hi houthou peilai.

LUK NOU RÜYU KO AVEIBVÜ 6:13

Alia teitheloukhaie puhnou puh vei rozümaitaoye kuloua puletao hrohinou mai kiahaiye doloure ea puletaoye sü puhnou sei-atamaitao tea zhih sapeiwure:

JOHAN 13:18

“Enou neletao veishi vanou paomoe; Enou dolouyu maitaoye sü Enou süe; ana haisü sheeyu larübvü hinou haibüa paoyusü vete loure donoue, ‘Eye koa raokhao zhitouyu puhnou Eye hrailoure!’

JOHAN 15:19

Neletao hai deiphao veie toulouzü, deiphao mainou lah puhveiye sü leshilai. Ana neletao hai deiphao maivei moyu donou, alia Enou neletaoye deiphao hinou dolouyu donou, deiphao mainou neletaoye ngaorawe.

JOHAN 15:5

“E darkha bejü nasüe, neletaosü bo taoe. Ahinou tobai soumoa buyu ea Enou puh hi buyu mai sünasü rashi alaosou shilai; daiolouzü E loumoa neletao nou hatalia soulou hoe.

JOHAN 6:70

Jisu nou puletao hi chila peie, “Enou neletao kiahaiye dolou mowu? Ana neletao hrohinou aliwo louzü rashi nasüe!”

SEI-ATAMAI VAHTAO 1:24

Süthaisü puletao nou haibüa veachi paoe, “Mapaowo nenou maikhemai hrülai vei lesü sükhaiwe, südonou Judas nou lah puhvei buh hi vetare donou thaowuyu sei-atamai taovei kuvah buh haina hi puhthao lou soupei loure

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 10:41

Sütoukhaia maikhemai hrülaihi ngaopeimoe, ana Ramai nou raia dopacheyu zhopaoh maitao likhei hi ngaopeibaie, süolouzü puhnou athai hinou hrishu louyuthai puhye koa toushoyu Eletao nou ngaobaie.

SEI-ATAMAI VAHTAO 22:14

Sükisü puhnou paoe, ‘Eh puopao Ramai nou neye puhvei li-choyu sü süloure donou, Achecheoye sü ngaoloure donou ea puh mü hinou puh paisü chouloure donou neye doloure.

SEI-ATAMAI VAHTAO 9:15

Ana Mapao nou puh hi paoe, “Tawo, daiolouzü tahrüh kukhe hi, vemai taohi, ea Israel maitao nghojü hi Azhih pove peire donou puh hai Enou dopakhai touyu Avei bahsei alie.

ROMMAI 1:13

Athaihou jürai khemai, neletao nou süpeikhaio, süolouzü vuh taoli Enou neletao hi vere donou soudawe, ana süsü vetelou more donou halinou Eye khua buloure. Enou tahrüh kukhe hrohia souyu kua neletao hrohia hayu rakoye Enou nilou nüwe.

ROMMAI 1:5

Puh vanou Ramai nou Ahi Khristaye donou sei-atamai ali souloua tahrüh hrülaiye panou louche loua paoyu züyu hi süthai loupeire donou teile zhou avei peikhaitoue.

ROMMAI 15:4

Daiolouzü sheeyu larübvü nou Eletao hi peikhai touyu shameayu ea le soudu peiyu vanou Eletao nou reitei-a buloure donou daoraikinou rüthoukhai touyu teitei sü Eletaoye doupeire donou rüthoukhai toue.

ROMMAI 9:21

Lee souyu pao nanou puh züpa thaifüa naike ali vanou lee ahai souloua lee alinou khonühki seire donou ea kukhe alinanou teisa seire donou souyu hai puhvei zü hawu?

1 KORINTHMAI 10:11

Haitao veishi sü mai kukhetaoye donou nada büa paloure, alia sütaosü Eletaoye tukha peire donou rüthou khaitoue. Daiolouzü Eletao sü akhai velaiyu teile hinou hrüa bue.

GALATIAMAI 1:15

Ana Eye namo jühinou Ramai puhvei zhuvea hinou Eye sü doloure, alia puhye kuvah souloure kuloure.

EPHESAMAI 2:10

Daiolouzü Eletao hai Khrista hinou vah avei panou soua bure donou soupeikhai touyu puhvei vahmaitao baie süolouzü Eletaoye panou vah aveitao soua buloure raia Ramai nou Eletaoye donou soudachere.

KOLOSSEMAI 1:23

Ovai, neletao nou lü hinou tobai soumoa, lü khaimoa ea latoupoa buvuzülai, alia neletao nou Ko Aveina choulouyuki ngaolouyu areih süna hinou lah neletaoye panou tala tayu sü aetou peiwulaimoe. Deiphaomai hrülaihi paodouyu Ko Avei haina vanou Paul Eye-a ku-vahmaili soupeire.

KOLOSSEMAI 1:6

Neletao nou Ramai zhuvea choulou raiki ea süsü chechewe tea sülourai kihinou shua neletao hronou buyu büa, Ko Avei nanou thaokhaimoa ha pove peiwe ea süsü deiphao teiteihi-a paodoupoa tawe.

1 TIMOTHI 2:7

Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!

2 TIMOTHI 1:11

Ko Avei haina donou Ramai nou Eye ko paodou-apeimai, sei-atamai ea dou-apeimai ali souloure doloure,

2 TIMOTHI 2:2

Alia nenou zhopaoh maitaoli nghojünou Enou paoyu chou-choulouyu doupeiyu taosü poloua mai kukhe maiye-a doupei lousü laiyu puletao bah hi lüthou peikhaio.

TITA 1:5

Enou neye Krit hi thaokhaiyu süvei qowo louzü neye panou souchelou moyu vahtao sü soushee loure ea nuhdu liki hi tsümai buh thoupei loure süsüe. Enou paodou peiyu chitaosü lichokhaio:

EBRIAMAI 11:4

Lü vanou Abel nou Kain vei jünou veikouyu posheelayu nanou Ramai hi popeie. Puh lü vanou puh hai chechemai alie touyu vei zhopaoh hai puhnou Ramai hinou ngaoloue, daiolouzü Ramai nou puhvei sapeina taosü ae-ao tea popeie. Puhsü thaitakhaia, puh lü vanou chu koutea puhnou chi pao-a bue.

JEMS 3:18

Alia kaonayu pove peiyu mainou acheche vei chachiyu hai kaonayu hinou vuthou peikhai toue.

1 PITAR 3:15

Ana neletao le hinou Khristaye Mapaowo nasüe tea tsükhoulo. Neletao lekhehi buyu areihna vanou neletao hi chi nouyu puh hisü chila peire teisanou soudalo,

1 PITAR 3:2

daiolouzü neletao vei zhaihrü hai daizhozhou sheesa ea tsükhoulou veisa touyu sü puletao nou ngaoloulai.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

1 JOHAN 4:19

Eletao nou leshiwe daiolouzü puhnou Eletaoye rai-a leshipeie.