JOHAN 15:15 - SHEEYU BAIBEL (BSI)

¹⁵ Enou neletaoye kilaitao tea kupu more, daiolouzü kilai nanou puhvei paopunou dai sousa touyu sümoe. Ana Enou neletaoye samaitao tea kuloure, daiolouzü Enou Apuo hinou choulouyu teiteisü neletao hi Enou paongao peire.

JOHAN 15:15 Iomraidhean Croise

LOUTAO 25:14

Mapao hai puhvei chi züa buyu maitao vei samai khamai-e, ae puhnou koa vo soukhai touyu nasü puletao hi süngao peie.

TSÜCHITAO 18:24

Samai kamaio khaokhao tisou-a samai soua baiwe, ana samai kamaio thaihou jüraimai jünoua hei-a thaoyu bue.

AMOS 3:7

Rachi paola-apei mai hi süngao peikhai toumoa Mapao Ramai hai haliro souwu moe.

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

LUK NOU RÜYU KO AVEIBVÜ 10:23

Süthaisü puhnou rozümaitao hi reiveloua puletao hi kheia paoe, “Neletao nou ngaoyutao ngaoyu nghithoutao sü rakoveie!

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 13:16

Cheche vuzünou Enou neletao hi paoe, kilai talia puh paopu jünou dumoe; moa seita-a buyu puhnou seipeiyu puh jünou dumoe.

JOHAN 15:20

Enou neletao hi paopeiyu chipao nasü lilo; ‘Kilai talia puh paopu jünou dumoe.’ Puletao nou Eye souvea-souho louzü, puletao nou neletaoye-a souvea souholai; puletao nou Achi zülouzü, puletao nou neletao chi-a zülai.

JOHAN 16:12

“Enou neletao hi paore alaosou buhie, ana sütao veishi hai neletao nou chu pfüpai louhoe.

JOHAN 17:26

Nenou Eye leshi peiyu lesha nasü puletao hi bure donou, alia E-a puletao hi bure donou, Enou ne zhihsü puletao hi süngao peire, alia sünasü Enou süngaopu peikhailai.”

JOHAN 20:17

Jisu nou puh hi paoe, “Eye deiso, daiolouzü E Apuohi khelou mohie; ana Athaihou jürai taohi taho puletao hi haikua paokhaio, ‘Esü Apuo ea neletao Puo, A Ramai ea neletao Ramai hi kheta-e.’ ”

JOHAN 4:19

Naotu süpainou puh hi paoe, “Dou-apeio, nehai rachi paolamai alie touyu sü Enou süe.

JOHAN 8:26

Enou neletao vanou paore ea chikure alaosou bue; ana Eye seive peiyu puhsü chekhaoe, alia Enou puh hinou choulouyu nasü deiphao mai hi Enou paongao peiwe.”

SEI-ATAMAI VAHTAO 20:27

Daiolouzü Enou neletao hi Ramai vei lichoyu teitei paongaoyu hisü halia pokukhaiyu hae.

ROMMAI 7:15

Enou souyu sü Enou sümoe; daiolouzü Enou sounüyu nasü Enou soumoe, ana Enou ngaorayu sünanou Enou soubaiwe.

1 KORINTHMAI 2:16

Haisü sheeyu larübvü nou paoyu kuwe, “Thaohnou Mapao tsü süwe? Thaohnou puhye doupeilou süwe?” Sütoukhaia, Eletao hi Khrista vei tsü bue.

GALATIAMAI 4:6

Alia neletao hai puh nahmaitao touyu sü pongaore donou Ramai nou puhnah Poutu vei Rakosü Eletao lehi seive thoupeie, alia rako sünanou, “Abba! Apuo!” tea raopawe.

EPHESAMAI 1:9

Ramai puhnou puhvei ratsü ea lekhe hinou zhingao-a buyu teiteinou koa puhnou soulai tea soudakhai touyu nasü souloure, alia Khrista vanou souche khowulai tea le layu puhvei kheikhei souyu leli nasü Eletao hi pongao peire.

EPHESAMAI 3:5

Daoraiki teile hisü kheitsü haina vanou emai hi paongao peimoe, ana chuo Rako vanou kheitsü hainasü Ramai nou puhvei sheeyu sei-atamai taohi ea rachi paola maitao hi pongao peire.

KOLOSSEMAI 1:26

chipao haisü puhnou tala tayu maihrü teitei hi emai hrülai nghojünou poku khaitouyu kheitsü sünasüe ana chuo süsü puh maitao hi popa ngaopeiwure.

PHILEMON 1:16

Alia chuwo puh hai qila likhei baimore, ana qila ali jünou koushore: puh hai Khrista hinou leshiyu thaihou jürai ali souloure. Daizhozhou puh hai Eye donou koshosa! Ana koulih soua puh hai pfüphao hilonou ea Mapao hinou daizhozhou neye donou veikousa.

JEMS 1:1

Ramai ea Mapao Jisu Khrista vei kilai Jems hinou deiphao buh liki hinou raroupoa buyu Ramai vei mai khü kiahaitao hisü khurüyu chidoh seiwe.

JEMS 2:23

Alia haibüa, “Abraham nou Ramaiye louche, alia puh lü vanou Ramai nou puhye achechemai alie tea poloure,” touyu sheeyu larübvü chi nasü vete loure. Alia südonou Abraham ye Ramai vei samai tea kuloure.

1 PITAR 1:11

Puletao nou teilesü dukinou laisa ea süsü kabüa velaisa tea te-a phoue. Pha hainasü Khrista vei Rakonou puletao hi louloua Khrista hai veahoyu shamea vuzülai ea süshonou puhvei kathesü ngaolai tea rai-a paopa peiyu teile süsüe.

2 PITAR 1:1

Jisu Khrista vei kilai ea Sei-atana Simon Pitar hinou — Eletao Ramai ea khailu-apeio Jisu Khrista vei achechena vanou Eletao vei muh teishoyu lü sübüa peikhai touyu puletao hi seiwe:

JUD VEI SEIKO 1:1

Jisu Khrista kilai ea Jems thaihou Jud hinou— Ramai nou kupa louyutao süolouzü Puo Ramai vei leshi hinou hrüa buyu ea Jisu Khrista donou pokukhai touyutao hi rüe.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,