JOHAN 15:14 - SHEEYU BAIBEL (BSI)

¹⁴ Enou neletao hi chikha peiyu hai neletao nou soulouzü, neletao hai Asamaie.

JOHAN 15:14 Iomraidhean Croise

1 VEMAITO 4:5

Nathan nahpoutu Azariah nou teidei peicha maitao peikhowo sü soue, Nathan nahpoutu Zabud napao nou veo vei paodou-apeio soue.

2 VEMAITO 18:6

Puhnou Mapao hi chilee chechetou teanou bue, ae puh chi hai zümoyu sü soukhai timoe, ana Mapao vei chikhatao puhnou Moses hi peikhai touyu teitei hai soutaosoua nou rei-a hrüe.

2 PUOPAOKO 20:7

Ne hai Etao vei Ramai nasüe. Nevei Israel maitao nou teidei hai hi talouyu phaki, teidei hai hi hrüa buyu maitaoye nenou hulai peie, ae teidei hainasü ne sawo Abraham vei tyaosholea hi teisa vei panou soure donou peie.

TAPALOUYU 7:6

Mapao nou kharochi peiyu büa Moses ae Aaron nou soue.

TSÜCHITAO 18:24

Samai kamaio khaokhao tisou-a samai soua baiwe, ana samai kamaio thaihou jüraimai jünoua hei-a thaoyu bue.

SOLOMON VEI LOU 5:1

Atupai, aleshipai, avei kipei hisü E vere, Enou avei kainüvei pou khesü pojülaire, Enou voudzü sü avei voudzüpho koa nou toulai, Enou rashidzü sü avei chonaodzü koa sho-e. Toukhaio, Oh aleshipu, alia ke khaio; lesha nasü nenou khamo koute ke khaio.

ISAIAH 41:8

“Ana akilai maitao, Israel neye sü Enou dopa louyu maitao-e, ae asawo Abraham vei tyaosholea maitaoe.

JEREMIAH 32:23

Ana puletao nou talou teidei nasü polouyu thai, puletao nou nevei chikha khesü zübare, moyuma nenou paodou peiyu thaifüa hrümore; nenou soupfülo tea kharochi peiyu alia puletao nou soupfülou more. Südonou nenou veahoyu haitao veishi sü puletao hi pove peie.

EZEKIEL 12:7

Mapao nou ahi soukhaio tea paoyu sü Enou soupeie. Süzhou teithe Enou nüpoa tayu mai ali nou nado souloua tayu büa souloue, ae koukhe teimai loutayu phaki Enou kivo sü abah nou soucha loua sühinou E sü tare. Mai hrülai nou eye zhua buyu hinou Enou sahkou nasü aphaova popaloua Enou tare.

MATHIU 12:50

Daiolouzü rakibu Apuo vei leli souyu maitali sü Athaihou jürai, Atu ea Apfüe.”

LUK NOU RÜYU KO AVEIBVÜ 12:4

“Asamaitao, Enou neletao hi paoe, pfüphaoye southealou khaia süthai halia soupulou hoyu puletaoye piso.

JOHAN 13:17

Neletao nou haitaohai sülouzü, sütao soua buyu neletao donou rakoveie.

JOHAN 14:15

“Neletao nou Eye leshi louzü, Achikha taosü neletao nou zülai.

JOHAN 14:21

“Achikhatao polouyu ea sütao zülouyu mai sünasü Eye leshiyu nasüe. Eye leshiyu puhye Apuonou leshilai; alia E-a puhye leshilai ea E lah Eye puh hi pongaolai.”

JOHAN 14:28

‘E talai, alia neletao hi E khaive khailai,’ tea Enou neletao hi paoyusü neletao nou chouloure. Neletao nou Eye leshi louzü, neletaosü lesa loulai, daiolouzü Esü Apuohi tawe; daiolouzü Puonou Ajünou duhie.

JOHAN 2:5

Puh pfünou kilai maitaohi paoe, “Puhnou neletao hi apao tali soukhaio.”

JEMS 2:23

Alia haibüa, “Abraham nou Ramaiye louche, alia puh lü vanou Ramai nou puhye achechemai alie tea poloure,” touyu sheeyu larübvü chi nasü vete loure. Alia südonou Abraham ye Ramai vei samai tea kuloure.

1 JOHAN 5:3

Daiolouzü Eletao nou Ramaiye leshiyu süvei kowo louzü puh chikhatao züyu süsüe. Alia puh chikhataohai Eletaoye donou tatei leyu süna moe,

RUTH 3:6

Südonou honapai nou thai hisü hotare alia puh nai Noami nou paopeiyu büa souwe.