JOHAN 15:11 - SHEEYU BAIBEL (BSI)

¹¹ “Avei sayu nahai neletao hi buloure donou, alia neletao vei sayuhai liche loure donou Enou haitaosü neletao hi paopeire.

JOHAN 15:11 Iomraidhean Croise

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

ISAIAH 62:4

Neye sü “Thaowua tayu pai” tea sapulai moe, moyuma neye “Hulaiyu pai” tea kupulai more, ana neye sü “Asah sü honapai-e,” ae nevei füdei sü “Shanghi soulouyu Pai,” tea kulai. Daiolouzü Mapao nou neye jüpa-e, alia nevei füdei nasü puhnou maipu ali büa khopeilai.

JEREMIAH 32:41

Enou puletaoye donou havei soupeiyu vanou asalai, ae puletaoye sü teidei hai hinou teisa donou soushukhai peilai.

JEREMIAH 33:9

Süthaisü Jerusalem hai Eye donou savayu, tsükhouyu ae khaophu souyu buh ali souwulai; alia Jerusalem hi buyu maitaoye donou Enou haveili soupeia ae savayu pove peia bushe touyu ko khesü deiphao hi tyahrü veishi nou chouloua ngaopi shopoa ngulai.”

ZEPHANIAH 3:17

Mapao, neletao vei Ramai sü neletao hi bue, Reih Aveiwo nou neletaoye reih veilouyu peie, Puh-a neletaoye koa asa sholaire, Puhnou neletaoye leshiyu hinou sousheepu peilai; Puh-a neletao donou khonüki büa asasho-a lou soulai.

LUK NOU RÜYU KO AVEIBVÜ 15:23

Süthaisü taloua hrüvei velai chotuo nasü dathealoua povekhaio, alia Eletao tou-shoa nüh nülaikhe;

LUK NOU RÜYU KO AVEIBVÜ 15:32

Ana Eletao sasa-a nüh nüzüe, daiolouzü ne thaihou hainasü thailoua hridashu loure ea hawuyu hinou ngaoloure.’”

LUK NOU RÜYU KO AVEIBVÜ 15:5

Alia puhnou sünaye ngaolouyu kisü, sasholoua sünaye sü puh phaovahi popakhailoua

LUK NOU RÜYU KO AVEIBVÜ 15:9

Alia puhnou süna ngaolouyu kisü, puhnou puh samaitao ea kinapa taohi paoe, ‘Eye koa sazho peikhaio, daiolouzü Enou hawuyu shapo nasü ngaoloure.’

JOHAN 16:24

Chu koute neletao nou Azhih hinou hatalia khokhai mohie. Khokhaio ea neletao vei asah nasü chekhoure donou neletao nou ngaoloulai.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 17:13

Ana chuo E nehi tavewe; alia Avei asah nasü lah puletao lehi liche-a buloure donou Enou deiphao bubu kinou chi haitaohai paowe.

JOHAN 3:29

Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

ROMMAI 15:13

Areih dzüla vei Ramai nou Rako Mashi vei khouko vanou neletao vei areih nasü panou thaokhaimoa dupa loure donou neletao vei lülouche-a buyu hisü sayu ea kaonayu pfüphounou thouphou peiyu souloukhaio.

2 KORINTHMAI 1:24

Haisü Ehnou neletao vei lü pei hi paopu sounüyu donou moe; neletao lesare donou Ehnou neleye koa vah soubaie, daiolouzü neletao hai neletao vei lü hinou latoua bure touyu sü Ehnou süwe.

EPHESAMAI 5:18

Zhaoh shozhiwuso, daiolouzü sühisü soula-pfülayu alaosou bue; süjüwo Rakonou phoupeia bulo.

PHILIPPIMAI 1:25

Alia Ehai hripu shulaihie touyu sü louche-a neletao vei vah veipure ea lü hinou lesa-a buloure donou Ehai neletao hrülaiye koa hri-a bupushu laihie touyu sü Enou süwe,

1 THESSALONIMAI 5:16

Phabusa nou salo,

1 PITAR 1:8

Puhye ngaolou mokhai-a neletao nou puhye leshiwe, alia chu neletao nou puhye ngaomokhai-a neletao nou puhye louchewe ea paoshalou hoa savawe,

1 JOHAN 1:4

Ehvei sayu hai chekhou loure donou haisü Ehnou rüwe.

2 JOHAN 1:12

Enou neletao hi rüre alaosou bue, ana Enou larü ea larüdzü nou sei-a rükhailai moe. Süjüwo, Eletao vei asah nasü panou chekhou loure donou Apfüzho nou neletao hi taveloua neletaoye zhukhei haonou tave dao-a chiphare sü Enou rei-a bue.