JOHAN 15:1 - SHEEYU BAIBEL (BSI)

¹ “E darkha bejü acheche nasüe, ea Apuonou darkha kipei-khowo süe.

JOHAN 15:1 Iomraidhean Croise

SOLOMON VEI LOU 7:12

Koa darkha kipei hi zishoa nou talai khe, alia darkhabe hai lahpa pamoyu zhulai, darkha pa pahpa pamoyu zhulai, ae vajüshithou be pah pamoyu zhulai. Sühinou alesha sü E neye peilai.

ISAIAH 4:2

Süzhou teithe Mapao nou teidei sühi poube ae süübe khesü soudusho peilai, alia teidei sühinou pa-a buyu shinamara khesü panou shokhai toua buyu Israel maitao vei kathe ae khaophu panou soulai.

ISAIAH 60:21

Neletao mai hrülai nou cheche-a hrüa bailai; ae teidei sü teisa vei soure donou poloulai. Avei aduso nasü mai hrülai hi soungao peire donou Enou puletaoye shothou peie, Enou puletaoye sü soupeie.

ISAIAH 61:3

Zion hinou dopfü buyu maitao hi vounai thaosü pouparaizhao peire donou, levea-a buyu na thaosü savayu pove peire donou, dopfüa buyu thaosü paoshoyu pove peire donou Mapao nou Eye doloua seitawe. Puletao hai Mapao nou shokhai touyu süübe ali bülai, puletao nou acheche nasü soulai, alia Mapao nou soukhai touyu vahtao donou puhye sü paosholai.

JEREMIAH 12:10

Vakou teidei khomai alao nou avei darkha toupei sü soushiwure; puletao nou avei dou sü taika chichiwure; puletao nou veishoa buyu avei teidei sü radeiki soupeire.

JEREMIAH 2:21

Enou neletaoye dopa louyu darkhabe sou-a thoutai aveih nou shothou peie. Ana neletao hai rekou vei darkha tyashi datare! Neletao hai tah-ratayu ae muh hayu darkhabe ali soutare.

EZEKIEL 19:10

Nevei pfü hai reipe hinou shokhai touyu darkhabe ali bütou touwe. Daiolouzü sühinou dzü hai veisho-a bukouteyu donou darkhabe nasü süünghou nou ae rashithou nou hopoa nou bubaie.

HOSEA 10:1

Israel mai haio shivei shoyu darkhabe ali büe. Puletao nou thou shipou pakhaie bashara ye thoyu buh sü soupou paloua baire; puletao vei teidei veipu pakhaie rah kukhe ye thoyu ki sü souvei pua baire.

ZEKHARIAH 3:8

Keilo, Napao Peichana Joshua, alia neye koa vah souyu napao maitao, haisü keilo, daiolouzü neletao hai rako aveih mai soulaire: zhukhaio, Enou neletao hisü avei kilai Baokao tea kuyu nasü seive peilai.

MATHIU 15:13

Jisu nou chila peie, “Rakibu Apuonou shomoyu süübe tali sü maanoupu paipawulai.

MATHIU 20:1

“Raki Vedeihai ki paopu alinou shohna hinou tapaloua puhvei darkha kipei hi vah soure maiye zho kutayu büe.

MATHIU 21:33

“Nada kukheli keikhaio. Teile alihi darkha kipei ali koyu ki paopumai ali bue, alia süna pehao hisü bokhanou khahaore, alia sühisü darkha dzü sühre donou deibvüli raokhaire, alia reihkhaobuh ali soukhaire, alia sünasü panou kipei khomaitaoye souloua teidei akuhi vetare.

MARK 12:1

Süthaisü Jisu nou puletao hi nadanou paotare: “Teile lihi darkha kipei koyu maili bue, alia sünasü bokhanou kha sühaowure, alia darkha dzü süloure donou deibvüli raokhaire, alia reihkhaobuh ali soukhaire. Süthaisü puhnou darkha kipei nasü kipei khomaitaoye panou soulou-a teidei akuli hi veitare.

LUK NOU RÜYU KO AVEIBVÜ 13:6

Süthaisü Jisu nou puletao hi nada hainasü paopeie: “Mai alivei darkha kipei hi doushibe ali bue; alia puhnou taveloua be sühinou doushi phoue, ana halia phouhae.

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

JOHAN 1:9

Mai hrülaiye souva peiyu checheyu ava nasü deiphao hi velou loure.

JOHAN 15:2

Ahinou tao-a buyu rashi shimoyu bo veishi puhnou vilaiwu baiwe; alia rashi shiyu bo veishiye panou rashi shipure donou puhnou soushee peiwe.

JOHAN 6:32

Südonou Jisu nou puletao hi paoe, “Cheche vuzünou Enou neletao hi paowe, raki hinou neletaoye raokhao peiyu nasü Moses moe; ana Apuonou neletaoye raki hinou acheche raokhao nasü peiabaie.

JOHAN 6:55

Daiolouzü Avasou hai touso chekhaoe, alia Azhe hai chekhaoa küloure nasüe.

ROMMAI 11:17

Shothou khaitouyu Oliv süübotao sü chata louzü, sühisü rekou vei Oliv süübonou pove cholouwe. Nele tahrüh kukhemai taosü rekou vei Oliv süübe süna kue, alia chuo ne sü Jihudimai vei rako hilo chihshoyu hrümai naye koa lou zha ngaozho loure.

1 KORINTHMAI 3:9

Daiolouzü Eletaowo Ramaiye koa vah souzhoyu maitaoe, alia neletaowo Ramai vei ludoue. Neletaowo Ramai Ki-e.

1 JOHAN 2:8

Sütoukhaia Enou neletao hi chikha ashuli rüwe, daiolouzü hainavei acheche nasü Khrista hinou ngaoe ea neletao hi-a ngaoe. Daiolouzü teizhi nasü talata-a bure, alia checheyu ava nasü varupoa bure.