JOHAN 14:9 - SHEEYU BAIBEL (BSI)

⁹ Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 14:9 Iomraidhean Croise

SHURAI 26:9

Südonou Abimelek nou Isaakye kuloua paoe, “Honapai hai ne chapfüe! Ne daisou nou puhsü ne tupai baie tea paowe?” Isaak nou puh hi chila peie, “Honapai hai achapfüe tea paolouzü, haihi hrüa buyu mainou Eye southa shulai tea Enou choloua paore.”

LOUTAO 11:1

E Mapao hinou bailouwe. Ne kabüa ahi haibüa paowe, “Raohou büa deichiva zhao palo;

JEREMIAH 2:23

Ewo hashi nyamoe, Ewo Baal thaifüta moe tea neletao nou kabüa paolou khailai? Deikho hinou neletao nou mah souyu sü zhukhaio; neletao nou soupfüyu vah khesü zhukhaio. Neletao hai reshi sho-a laiyu racho ali büre,

MARK 9:19

Jisu nou puletao hi paoe, “O lühayu maikha, teile kasho doua Enou neletaoye koa bulai? Pha kasho Enou neletaoye sa-a shamea zholai? Nahpoutu sünaye Ahi sakoupeio!”

LUK NOU RÜYU KO AVEIBVÜ 12:56

Aveikho souyu maitao! Neletao nou deiphao ea tei zhai zhuloua dai palaisa touyu sü paolou süe; ana daidonou chu teile hainavei kosü neletao nou süloumoe?

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 10:30

E alia Puosü alibaie.”

JOHAN 12:45

Alia Eye ngaoyu mai talinou Eye seiveyu puhye-a ngaowe.

JOHAN 14:20

Teithe sükisü, Esü Apuohi bue, neletaosü Ahi bue ea Esü neletao hi bue touyusü neletao nou sülai.

JOHAN 14:7

Neletao nou Eye süa bulouzü, Apuoye-a neletao nou süwulai; alia chushonou neletao nou puhye süloue ea puhye ngaoloure.”

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

1 KORINTHMAI 15:12

Chuo Khrista hai athai hinou hrishu loure tea Ehnou paodou louzü, kabüa neletao hronou kamainou thaimai hai hrishu laimoe tea paowe?

PHILIPPIMAI 2:6

Puhwo teisanou Ramai zhai pfüa bukhaia, nutai nutsü-a Ramaiye dei-a hrülai tea puhnou chomoe.

KOLOSSEMAI 1:15

Khrista hai nghithounou ngaomoyu Ramai puhvei zhuraiwo nasüe. Puh hai basha teitei jünou dukayu nah naraiwo süe.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.