JOHAN 14:6 - SHEEYU BAIBEL (BSI)

⁶ Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 14:6 Iomraidhean Croise

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 10:28

Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 10:7

Südonou Jisu nou puletao hi paopukhaie, “Cheche vuzünou Enou neletao hi paowe, E hai zhaotu taovei kikhu nasüe.

JOHAN 10:9

E hai kikhue; maita linou Ahinou talou louzü, puhsü khailu loulai, alia puhnou tapa talouloua poudai aveibuh ngaoloulai.

JOHAN 14:19

Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

JOHAN 15:1

“E darkha bejü acheche nasüe, ea Apuonou darkha kipei-khowo süe.

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 5:21

Daiolouzü Puonou athai maiye sou hrishu loua puletaoye ahri peiyu kua, Nahpoutua puhnou züpayu maitao hisü ahri peie.

JOHAN 6:33

Daiolouzü Ramai vei raokhaona louzü rakinou kouloua deiphao mai hi ahri peiyu sünasüe.”

JOHAN 6:51

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

JOHAN 6:57

Hriyu Apuonou Eye seiyu büa ea Enou Apuo vanou hriyu kua, Eye touyu mai talia avanou hrilai.

JOHAN 6:68

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

JOHAN 8:32

alia neletao nou acheche nasü süloulai, alia acheche nanou neletaoye mado soupeilai.”

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

SEI-ATAMAI VAHTAO 3:15

Neletao nou Ahripao naye sü southeare, ana Ramai nou puhye sü athai hinou souhrishu loure. Eletao sü sünavei zhopaoh maitaoe.

SEI-ATAMAI VAHTAO 4:12

Alia khailu loure sü kukhe maitali hi-a hae, daiolouzü Ehye khailu peilousü vuzüyu raki khehi maikhemai hrohi peikhai touyu zhih kukhe alia hae.”

SEI-ATAMAI VAHTAO 9:2

alia Mapao vei Ludu hinou ta-a buyu naotumai-a poutumai-a ngaodaomai taye niloua sütaoye sü puhye panou Jerusalem hi saveloure donou Damaska hi buyu rathobuh taohi peire kharochi seiko peio tea puh hinou tave khoe.

ROMMAI 15:16

panou tahrüh kukhe maitao donou vah souloure Khrista Jisu vei kuvahmai ali soupeiyu donoue. Sübüa tahrüh kukhe maitao hai Rako Mashi nou soushee peiyu Ramai nou polouveiyu popeiyu na ali souloure donou Enou Ramai hinou veyu Ko Avei nasü paodoua napaomai alikua kuvah soue.

ROMMAI 5:2

Lü vanou chu Eletao nou hrüa buyu Ramai vei zhuvea haina hi puhnou Eletaoye save thoupeire. Alia Eletao nou Ramai vei khouko ava zha ngaozhore rei-a buyu hisü lesa-a buwe!

ROMMAI 5:21

Südonou athaina vanou mahnou tukha sahrüyu büa achechena vanou Ramai zhuvea nou tukha sahrüa Eletao Mapao Jisu Khrista vanou Eletaoye teisa ahri hi süthai thoupeie.

1 KORINTHMAI 15:45

Daiolouzü sheeyu larübvü nou paoe, “Mai raina Adam sü hrirai pfüyu mai ali souloure;” ana Adam nanawo hrirai peilouyu rako souloure.

EPHESAMAI 2:18

Jihudimai ea tahrüh kukhemai Eletao hrülaisü Khrista vanou rako ali hinou Puo nghojü hi veloure.

KOLOSSEMAI 2:17

Haitao teitei hai thaikhai hi vere nataovei khu baie; chekhaoyu nawo louzü Khrista baie.

KOLOSSEMAI 2:9

Daiolouzü, puhvei emai hrü hisü, Ramai zhai teiteisü buchewe,

KOLOSSEMAI 3:4

Eletao vei ahri Khrista puh veyu kisü, neletao-a puhye koa veloua puh khouko avasü zha ngaozholai!

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

EBRIAMAI 9:8

Sükua souda khaitouyu haitaonou Rako Mashinou Eletao hi sahpao araina busasü Mashi Shilai Buh hi talou loure ludu nasü houpapei mohie touyu sü sheetoua paongao peiwe.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 PITAR 2:4

Emainou bakhai-a Ramai nou muhteishoe tea dolouyu hriyu chuh Mapao hisü tavelo.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 1:8

Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae.

1 JOHAN 2:23

Daiolouzü Nah Poutuye bayu maitalinou Puoye-a babaiwe; Nahpoutuye popeiyu puhnou Puoye-a popeiwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

1 JOHAN 5:6

Jisu Khrista hai puhvei dzükhao dayu dzü ea puh athai vei zhe sünaye koa ve. Puhsü dzü likheiye koa vebai moe, ana dzü ea zhe ahaiye koa ve. Alia lah Rakonou-a haisü chekhaoe tea zhopaoh souwe, daiolouzü Rako hai cheche baie.

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.