JOHAN 14:27 - SHEEYU BAIBEL (BSI)

²⁷ “Kaonayu hai Enou neletao hi thaodai khaitoue; Avei kaonayu nasü Enou neletao hi peikhaitoue; Enou neletao hi peiyu hai deiphao mainou peiyu kumoe. Neletao lehai chorowuso, moa piwuso.

JOHAN 14:27 Iomraidhean Croise

2 PUOPAOKO 20:30

Südonou Jehoshaphat nou veo soua buki kaona-a hrüloue, daiolouzü Ramai nou puhye sü kaozhou ashi vere teitei hinou vupeie.

JOB VEI LARÜBVÜ 34:29

Ramai nou halia soukhai toulai moe touyu thaio mai linoua puhye paoshi laimoe. Puhnou puhvei pah pfüku louyu thaio, Etaoye soukha peire mai lia ha-a bailai.

LOUTAO 11:1

E Mapao hinou bailouwe. Ne kabüa ahi haibüa paowe, “Raohou büa deichiva zhao palo;

LOUTAO 112:7

Puhnou ko ashi khesü chouyuma ngaopilai moe; puhvei lü hai khousho-a nou bue, ae puhnou Mapao ye louche-a bua bailai.

LOUTAO 27:1

Mapao hai avei ava ae Eye khailupa apeio nasüe; Enou mailia ngaopi laimoe. Mapao nou Eye kaozhou ashi teitei hinou vupa peiwe, haliro Enou ngaopire sü ha-e.

LOUTAO 28:3

Mai ashi maitao, vah ashi souyu maitao, ae chipao lako aveih nou pao-a buyuma le khevai hai ngaorayu phoutao-a buyu maitaoye koa Eye mah duka peiso.

LOUTAO 29:11

Mapao nou puhvei maitao hi pfüchi sü peie, ae kaonayu sünou puletaoye ha peie.

LOUTAO 56:11

Enou puhye sü louchewe, ae haliro Enou ngaopi laimoe. Kezhe pfüyu mai ali nou Eye dai soupeilou süyu buge?

LOUTAO 56:3

Khoukhoulai Mapaowo, Enou ngaopiyu phaki, Enou neye sü lülouchewe.

LOUTAO 72:2

sükoulouzü puhnou nevei maitaoye sü kaozü hinou khasa-a hrüloulai, ae veahoyu maitaoye sü acheche hinou sa-a hrüloulai.

LOUTAO 72:7

Puhvei hrümai sasü checheyu naye panou phoulea-a bulo, ae sava-a kaonayu nasü panou khouh va-a nou bubusa sü bupeio!

LOUTAO 85:10

Tobai soumoa leshi peiyu ae louchilou veiyu nasü tave daolai; acheche ae kaonayu nasü alinou aliye mütei-a kholai.

LOUTAO 91:5

Nenou khei teile hi kaozhou ashi daore donou ngaopi laimoe, moyuma heaki mai ashi mainou dure donou pilai moe

TSÜCHITAO 3:25

Sümo ngaomo hinou maishi mainou ngaopiha tiyu, alia puhmai nou haka tayu phaki, sükhesü ne ngaopiwuso.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 41:10

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

ISAIAH 41:14

Mapao nou paoe, “Shikhaotu büa lülohoa buyu Israel maitao, ngaopiso, Enou neletaoye soukha peilai. E hai neletaoye khailupa apeio, Israel maivei Sheeyu Ramai nasüe.

ISAIAH 54:13

“Enou neletaoye sü doupeilai, alia neletao hisü vasayu ae kaonayu sü peilai.

ISAIAH 55:12

“Neletao nou Babilon sü asah shopoa thaowua tapalai, ae kaonaphi-a neletaoye nuhdu hinou süthaisa-a tapeilai. Neletao nghoujü nou deichi khenou lou soulai, ae süübetao-a asah soua bah taolai.

ISAIAH 57:19

Enou kaonayu sü mai hrülai hi peilai! Enou avei maitaoye sü souvei peilai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

JEREMIAH 1:8

Puletaoye ngaopiso, daiolouzü Enou neye vupeilai. Mapao Enou haisü paowe.”

DOPFÜYU 3:17

Enou pfüphao veiyu ae kaonayu alia savayu khesü ngaiwure.

EZEKIEL 2:6

“Ana thai-a bailaiyu mainare, ne puletaoye ngaopiso, moa puletao vei chipao khesü piso. Puletao nou neye paoshilai ae ngaoralai; puletaoye koa hrüyu hai tushi shoyu chuhlyakhaoye koa buyu bütoua bailai.

DANIEL 4:1

Veo Nebukhadnezzar nou deiphao hinou hrüyu mai hrülai hi, tyahrü teitei hi ae la kukua paiyu maitya veishi hi haibüa chi paotae: “Neletao mai hrülai nou savayu sü soulou theo!

DANIEL 6:25

Süthaisü Darius veo nou deiphao hrüyu tyahrü teitei hi, maitya hrülai hi ae la kukua raoyu mai veishi hi haibüa kharochi rüloua seitae: Mai hrülai nou savayu sü soulou theo!

ZEKHARIAH 6:13

Puhnou Mapao vei Rathoki nasü soushulai, alia veo vei tsükhouyu sü puh hi bulai, ae puh nou vebuh hi buloua teidei hai kholai. Puh vebuh hisü napao mai ali koa bulai, alia puh haiko hisü kaonayu ae mailili ye tsükhoua hrülai.’

MAIPEI PHOUYU 6:26

Mapao ye panou neletaoye jüpalo ae neletaoye kaonayu sü peiyu soulo.

MATHIU 10:26

“Südonou puletaoye piso; daiolouzü popangaolai moyu hokhaikhai touyu halia hae, moa kukhaitoua sülai moyu alia hae.

LUK NOU RÜYU KO AVEIBVÜ 1:79

alia Eletao phisü kaonayu ludu hilo süthai-sata peire donou, khailu peiyu vei teinghi avasü raki hinou Eletao pei hisü koupeilai.”

LUK NOU RÜYU KO AVEIBVÜ 10:5

Neletao nou ki talihi talouyu kisü, raikaia, ‘Ki hainahi kaonayu buloutheo!’ tea paowo.

LUK NOU RÜYU KO AVEIBVÜ 12:4

“Asamaitao, Enou neletao hi paoe, pfüphaoye southealou khaia süthai halia soupulou hoyu puletaoye piso.

LUK NOU RÜYU KO AVEIBVÜ 2:14

“Aku kulai raki hinou Ramaiye sholo, alia deiphao hinou puh züpa soua buyu maitao hrohisü kaonayu buloutheo!”

JOHAN 14:1

“Neletao le chorowuso; Ramaiye lülo, Eye-a lülo.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 20:19

Rathozhou süna koukhe hisü rozümai taonou Jihudimai taoye piyu donou kikhu khua vedzü louyu kisü, Jisu nou tave puletao hrohinou laloua puletao hi paoe, “Neletao hi kaonayu buloutheo.”

JOHAN 20:21

Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

JOHAN 20:26

Teithe acha thaisü, puh rozümai taosü kikha hinou vedzüa bupukhaire, alia Thomas-a puletaoye koa bue. Kikhu taosü khukhaitoue, ana Jisu nou tave puletao hrohinou laloua paoe, “Neletao hi kaonayu buloutheo.”

SEI-ATAMAI VAHTAO 10:36

Mai hrülai vei Mapao soua buyu Jisu Khrista vanou kaonayu vei ko avei paodou peiyu hai Ramai nou Israel maitao hi seive peiyu chipao nasüe touyu sü neletao nou süwe.

SEI-ATAMAI VAHTAO 18:9

Alia khei ali hisü Mapaowo nou Paul hi zhokounou paoe, “Pikhaiso, ana thaokhaimoa chi paokhaio, ngasou buso,

ROMMAI 1:7

Südonou Enou Ramai nou leshiyu ea lah puhmai souloure donou kulouyu Rom hi buyu neletao hrülai hi rüwe: Eletao Puo Ramai ea Mapao Jisu Khrista nou neletao hi zhuvea ea kaonayu sü peitheo.

ROMMAI 15:13

Areih dzüla vei Ramai nou Rako Mashi vei khouko vanou neletao vei areih nasü panou thaokhaimoa dupa loure donou neletao vei lülouche-a buyu hisü sayu ea kaonayu pfüphounou thouphou peiyu souloukhaio.

ROMMAI 5:1

Südonou chuo lü vanou Ramaiye koa Eletaoye souzü peiwuyu vanou, Eletao Mapao Jisu Khrista vanou Eletao hai Ramaiye koa kaonayu buloure.

ROMMAI 5:10

Eletao sü Ramai vei ngaoba maitaoe, ana puhnah poutu athai vanou puhnou Eletaoye puh samai soupeire. Chuo Eletao sü Ramai samai soulouyu vanou, daizhozhou koua Khrista vei ahrü nanou Eletaoye khailu peilai!

ROMMAI 8:6

Kezhe züpaye panou tukha-a sahrüyu sünanou athai povewe; Rako züpaye panou tukha-a sahrüyu sünanou ahri ea kaonayu povewe;

1 KORINTHMAI 1:3

Ramai Eletao Puo ea Mapao Jisu Khrista nou neletao hi zhuvea ea kaonayu peiyu sü souloutheo.

GALATIAMAI 1:3

Ramai Eletao Puo ea Mapao Jisu Khrista nou neletao hi zhuvea ea kaonayu peiyu sü souloukhaio.

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

GALATIAMAI 6:16

Zhai haina thaifüa tayu puletao hrülai ea Ramai vei Israel maitao pei hi kaonayu ea zhuvea buyu sü souloutheo.

PHILIPPIMAI 4:7

Alia tsü süyu teitei jünou koushoyu Ramai vei kaonayu sünanou Khrista Jisu ye koa ali soulouyu hinou neletao vei tsü-lesü khotou peiloulai.

KOLOSSEMAI 1:2

Kolosse hi buyu Khristaye koa ali soulouyu hinou cheche-a Eh thaihou jürai soua buyu Ramai vei maitaohi rüwe: Ramai Eletao Puonou neletao hi zhuvea ea kaonayu peiyu sü souloutheo.

KOLOSSEMAI 1:20

Südonou Nahpoutu vanou Ramai nou teideiphao teiteiye sü lah puhye koa chavei loure donou le laloure. Ramai nou puh Nahpoutu vei kros vanou thaiyu athai süna vanou kaonayu pove peire ea sübüa deiphao hi ea rakihi buyu na teiteiye sü lah puhye koa sou chavei peiwure.

KOLOSSEMAI 3:15

Alia Khrista vei kaonayu sünanou neletao lesü panou tukha sahrüloukhaio; daiolouzü kaonayu hainahi Ramai nou neletaoye pfüphao alihi kuve dzüpei khaitoue. Alia kalo pao-a bulo.

2 THESSALONIMAI 1:2

Eletao Puo Ramai ea Mapao Jisu Khrista nou neletao hi zhuvea ea kaonayu peiyu sü souloutheo.

2 THESSALONIMAI 3:16

Chuo kaonayu vei Mapao puhnou teisanou ea ludu teitei hinou neletao hi kaonayu peiyu sü soulouwo. Mapao nou neletao hrülaiye koa buyu sü souloukhaio.

2 TIMOTHI 1:7

Daiolouzü Ramai nou Eletao hi piyu rako peimoe ana khouko, leshi ea lahye tukhalou süyu vei rakona peikhaitoue.

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

EBRIAMAI 7:2

alia Abraham nou reihbuh hinou ngaolouyu na teitei hinou zha kiruo hinou alisü puh hi peie (Melkizedek touyu vei ko araina louzü, “Acheche vei veo” toue; alia puh hai Salem teidei hi veoyu donou puh zhih ko hai “Kaonayu vei Veo” tea pao-a paowe.)

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”