JOHAN 14:26 - SHEEYU BAIBEL (BSI)

²⁶ Ana Apuonou Azhih hinou seive peilaiyu soukha-apeio Rako Mashi sünanou ha teitei neletao hi doupeilai, alia Enou neletao hi paokhai touyu pfüphou neletaoye panou li-chopa loulai.

JOHAN 14:26 Iomraidhean Croise

LOUTAO 51:11

Eye nevei nghoujü hinou hulai peiso; ae nevei sheeyu rako nasü ahinou pota peiso.

ISAIAH 54:13

“Enou neletaoye sü doupeilai, alia neletao hisü vasayu ae kaonayu sü peilai.

ISAIAH 63:10

Ana puletao nou puhye khaitya-a dure, alia puhvei sheeyu rakoye sü le souvea peie. Südonou puhnou puletao vei ngaobamai souloua puletaoye reih soue.

MATHIU 1:18

Jisu Khrista hai haibüa naloure. Puh pfü Meri hai Josef ki towure, ana puhai ve komo jühinou Rako Mashi hilonou puh hai nahtu ali hrülaire touyu sü puhnou süloure.

MATHIU 1:20

Haibüa puhnou tsücho-a buyu hinou mekou hi nou Mapao vei rakivamai alinou puh hi veloua paoe, “David nahpoutu Josef, Meri ye ne chapfü soure hai ne piso. Daiolouzü puhnou pou pfüyu hai Rako Mashi hinoue.

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

MATHIU 3:11

Neletao le daloure touyu pongaore donou Enou neletaoye dzünou dzükhao dapeie, ana Athainou vere puhwo neletaoye Rako Mashinou ea meinou dzükhao dapeilai. Puhwo Ajünou dukou shohie; alia Ewo puh phikha potayu koutea khamoe.

MARK 12:36

Rako Mashinou David ye süpeia panou haibüa paoe: ‘Mapaowo nou A Mapao hi paoe: Enou ngaobamai taoye pove ne phihea soupeimo koutesü Abahkha zhoulo vanou bulo.’

MARK 13:11

Alia puletao nou neletaoye niloua chikuki hi saveyu kisü, neletao nou daichi paolaisa tea raia dowuso; teile veyu kinou, neletao hi peiyu talisü paokhaio. Daiolouzü neletao nou paoyu chipaotao sü neletao vei laimoe; sütaosü Rako Mashi hinou velai.

LUK NOU RÜYU KO AVEIBVÜ 1:15

daiolouzü puhsü Mapaowo nghojü hinou dulai. Puh sü darkha zhaoh-a moa kukhe zhaoh talia külaimoe, alia puhsü nakourai hinou Rako Mashinou phoulai.

LUK NOU RÜYU KO AVEIBVÜ 1:35

Rakivamai sünanou puh hi chila peie, “Rako Mashi nou nehi kou loulai, alia Aku Kulaivei khouko sünanou neye züloulai. Südonou nakoure sheeyu nah sünaye sü Ramai Nahpoutu tea kulai.

LUK NOU RÜYU KO AVEIBVÜ 1:41

Alia Elizabeth nou Meri vei khurüyu chidoh nasü choulouyu kisü, puh pou hinou buyu nah nasü hotuotuo loure; alia Elizabeth sü Rako Mashinou lou phouloure

LUK NOU RÜYU KO AVEIBVÜ 1:67

Puhpuo Zekharia sü Rako Mashinou phoupei loure ea haibüa rachi shapare:

LUK NOU RÜYU KO AVEIBVÜ 11:13

Südonou shi-a buyu neletao koute-a neletao nahmaitao hi avei nataonou peilou sülouzü, daizhozhou koute kou-a rakibu Puonou puh hinou khoyu maitao hisü Rako Mashinou peilaisa.”

LUK NOU RÜYU KO AVEIBVÜ 2:25

Alia sükisü sühisü Simeon tea kuyu mai ali Jerusalem hi bue. Mai hainasü checheyu ea Ramai hinou leishoa Israelmai taoye sousa peilaiyu teile nasü zhia buyu mai alie, alia Rako Mashinou puhye koa bue.

LUK NOU RÜYU KO AVEIBVÜ 24:49

Alia zhukhaio, Apuonou peilai tea paopeikhai touyu nasü Enou neletao hi seive peilai; ana reikonou kou neletaoye khoukonou züpeimo koutesü nuhduna hinou chao-a buwo.”

LUK NOU RÜYU KO AVEIBVÜ 3:22

alia Rako Mashisü pfüzhonou khao büa kou puh pei hi taoloure. Alia raki hinou pai alisü haibüa shakoue, “Ne sü Enou leshi shoyu Anah Poutue. Enou nehisü rukha shore.”

JOHAN 1:33

Ewo louzü puhye sümoe; ana dzünou dzükhao dapeire donou Eye seivepeiyu puhnou Ahi paoe, ‘Rakonou kou maili peivahi taoa buyu nenou ngaolai; puh hai Rako Mashinou dzükhao dapeiyu mai sünasüe.’

JOHAN 12:16

Sükisü puh rozümai taonou hainavei ko alia sükhai moe; ana Jisu nou adusho hi hrishu louyu thainou, haina hai puh vanou rükhaitoue ea haisü puletao nou puh hi soupeire touyusü puletao nou sükinou liloure.

JOHAN 14:16

Alia Enou Puo hinou kholai ea neletaoye koa teisanou bure soukha-apeio kukhe ali puhnou neletao hi peilai.

JOHAN 14:25

“Haitao teiteisü neletaoye koa bubukinou neletao hi Enou paopeire.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:7

Ana Enou neletao hi acheche nasü paowe: Enou tayuhai neletao donou veipuhie, daiolouzü E tamo louzü, soukha-apeio nasü neletao hi velaimoe. Ana Enou talouzü, puhye Enou neletao hi seive peilai.

JOHAN 2:22

Südonou puhnou athai hinou hrishu louyu kisü, puh rozümai taonou puletao hi haihai puhnou paokhai toue touyusü liloure, alia puletao nou sheeyu larübvü ea Jisu nou paokhai touyu chipao nasü louche loure.

JOHAN 20:22

Alia puhnou sübüa paoyu thaisü, puhnou puletao pei hi ssü houkhaipei-a paoe, “Rako Mashi sü ngaoloukhaio.

JOHAN 6:45

Rachi paolamaitao larübvü hinou, ‘Alia puletao hrülaiye Ramai nou doupei loulai,’ tea rüwure. Puo hinou choulouyu ea doulouyu mai talinou Ahi vewe.

JOHAN 7:39

Hainahai Jisu nou puhye loucheyu maitao nou ngaolaiyu Rako vanou paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

SEI-ATAMAI VAHTAO 1:2

süolouzü puhye raki hi pokheyu teithe koute vei ko teitei sü Enou rüwure. Puhye raki hi pokhemojü puhnou Rako Mashi khouko vanou dopa louyu puhvei sei-atamai taoye chikha pei-a doupeie.

SEI-ATAMAI VAHTAO 1:4

Alia puhnou puletaoye koa vedzüa buyu hinou, puletao hi chikha hainasü peie: “Neletao Jerusalem thaowu-a taso, ana Apuonou peilai tea apaopeikhai touyu süolouzü Enou neletao hi paongaoyu sapeina sünasü khoa bulo.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 11:16

Sükisü Mapao vei chipao süolouzü puhnou kakua: ‘Johan nou dzünou dzükhao dapeie, ana neletaoye louzü Rako Mashinou dzükhao dapeilai,’ tea paoyu sü Enou liloure.

SEI-ATAMAI VAHTAO 13:2

Alia puletao nou Mapaoye thoa ea lüh-a bukinou Rako Mashinou puletao hi paoe, “Enou Barnabas ea Saulye panou soulai tea kulouyu vah süna donou puhaiye Eye donou dokupa khaipeio.”

SEI-ATAMAI VAHTAO 13:4

Sübüa puhaiye sü Rako Mashinou seitawu-a puhaisü Selukia hi takoure; alia sühinou Kupra hi koutesü dzüluki nou saopoa tare.

SEI-ATAMAI VAHTAO 15:28

Daiolouzü moshilaiyu zhai haitao baimoa kukhe süpuyu kou neletao pei hi pokhai moyu nanou veihie touyu sü Rako Mashi ea Ehnou ae touwe:

SEI-ATAMAI VAHTAO 15:8

Alia emai hrülai le süyu Ramai puhnou Eletao hi soupeiyu kua tahrüh kukhemai taohia Rako Mashi peiwu-a puhvei ae-ao touyu zhopaoh sü peire.

SEI-ATAMAI VAHTAO 16:6

Alia Rako Mashinou puletaoye panou Asia teidei hi ko paodou bayu donou puletao nou Phrugia ea Galatia teidei tachopoa tare.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 2:4

Sühinou puletao hrülaisü Rako Mashinou phoupeiloua Rakonou puletaoye süpeiyu thaifüa kukuyu la hinou paoshu loure.

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

SEI-ATAMAI VAHTAO 20:35

Mapao Jisu nou, ‘Ngaolouyu jünou peiyu nanou rako veie,’ tea paoyu puh chipao panou lichoa ha pfüphou haibüa khoua vah soua Eletao nou lelouho maiye soukha vuzülai touyu sü Enou neletao hi ngaopeiwure.”

SEI-ATAMAI VAHTAO 28:25

Südonou puletao hrohinou alinou liye veiva-a puletao sü potare, ana Paul nou chipao haina paomo jühiwo louzü puletao hai pota mohie, süolouzü “Daizhozhou veishoa Rako Mashinou Isaiah rachi paolawona mü hinou neletao puopao maitaohi paopeisa!

SEI-ATAMAI VAHTAO 5:3

Ana Pitar nou puh hi paoe, “Anania Rako Mashi hi mada loure ea füdei zholouyu hinou zha polo pokhai loure donou Saitanye panou daidonou ne lekhe hi phouloure?

SEI-ATAMAI VAHTAO 7:51

“He noukhouyu, alia le ea nou hee rode moyu maitao, neletaowo teisanou Rako Mashiye duwe. Neletao puomai taonou souyu kua neletao-a souwe!

SEI-ATAMAI VAHTAO 7:55

Ana Stephan louzü Rako Mashinou phoupeiloua raki hi zhitei kheyu kisü Ramai vei khouko ava ea Ramai bah zhoulo vanou Jisu nou la-a buyu sü ngaoloua,

ROMMAI 14:17

Daiolouzü Ramai Vedei hai ha tou-sho loure nali moe, ana acheche, kaonayu ea Rako Mashi hinou sayu süna süe.

ROMMAI 15:13

Areih dzüla vei Ramai nou Rako Mashi vei khouko vanou neletao vei areih nasü panou thaokhaimoa dupa loure donou neletao vei lülouche-a buyu hisü sayu ea kaonayu pfüphounou thouphou peiyu souloukhaio.

ROMMAI 15:16

panou tahrüh kukhe maitao donou vah souloure Khrista Jisu vei kuvahmai ali soupeiyu donoue. Sübüa tahrüh kukhe maitao hai Rako Mashi nou soushee peiyu Ramai nou polouveiyu popeiyu na ali souloure donou Enou Ramai hinou veyu Ko Avei nasü paodoua napaomai alikua kuvah soue.

ROMMAI 5:5

Alia areih nanou Eletaoye panou le veamoe, daiolouzü Eletao hi sa-a peikhai touyu Rako Mashi vanou Ramai nou puh leshi hai Eletao lethou hi lathou peire.

1 KORINTHMAI 12:3

Südonou Enou neletaoye panou sülou nüwe süolouzü Ramai Rako nou süthaia laiyu maitalinoua, “Jisu hai cha ngaotheo!” tea paolou hoe, alia maitaliye Rako Mashi nou süthai peimoa, “Jisu hai Mapaowo süe,” tea paopa louhoe.

1 KORINTHMAI 6:19

Nevei pfüphao hai ne lekhe hinou hria buyu ea Ramai nou nehi peikhai touyu Rako Mashi vei rathoki nasüe touyu sü ne sümowu? Neletaowo lah neletao vei moe ana Ramai vei baie,

2 KORINTHMAI 13:14

Mapao Jisu Khrista zhuvea, Ramai leshi, alia Rako Mashinou koa bupeiyu sünanou neletao hrülaiye koa bupeiyu souloutheo. Amen.

2 KORINTHMAI 6:6

Ehnou sheeyu hinou, tsü hinou, shameayu hinou ea zhuvea peiyu hinou, Rako Mashi nou phoupeiyu hinou ea cheche-a leshiyu hinou,

EPHESAMAI 1:13

Neletaoye khailu louyu pove peiyu Ko Aveina, cheche chipao süna neletao nou choulouyu kisü neletao-a Ramai vei maitao souloure. Neletao nou Khristaye louche loure, alia Ramai nou neletao hi puhnou apaopei khaitouyu Rako Mashi nasü peiwu-a neletao pei hi puhvei paoshee nasü nokhaire.

EPHESAMAI 1:17

alia khouko avavei Puo, Eletao Mapao Jisu vei Ramai hinou neletaoye tsü souvei peiloure ea neletao hi Ramaiye pongao peiwu-a neletaoye panou puhye süloure donou neletao hi Rako nasü peiloure Enou khowe.

EPHESAMAI 4:30

Alia Ramai vei Rako Mashiye le souveaso, daiolouzü puh vanou neletaoye sü khailupapei laiyu teitheki donou paoshee soupeire.

1 THESSALONIMAI 4:8

Südonou doupeiyu hainaye ngaophou moyu maita linou emaiye moa neletaoye puhvei Rako Mashi peiyu Ramai puhye ngaophoumoe.

2 TIMOTHI 1:14

Nehi lüthou peikhaitouyu acheche nasü Eletao lekhe hinou hria buyu Rako Mashi vei khouko vanou khotoulo.

TITA 3:5

puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie.

EBRIAMAI 10:15

Alia Rako Mashinou-a süna vanou puhvei zhopaohsü Eletao hi peie. Raikai-a puhnou paoe,

EBRIAMAI 2:4

Sükuyu pha hinou Ramaia sühisü sheetaonou khupa vah tyalinou soua ea puhnou lichoyu thaifüa Rako Mashivei sapeina taonou pozhihpeia zhopaoh soungaopeie.

EBRIAMAI 3:7

Südonou Rako Mashi nou paoyukua, “Neletao nou zhou Ramai pai chouloure toulouzü

EBRIAMAI 9:8

Sükua souda khaitouyu haitaonou Rako Mashinou Eletao hi sahpao araina busasü Mashi Shilai Buh hi talou loure ludu nasü houpapei mohie touyu sü sheetoua paongao peiwe.

1 PITAR 1:12

Ramai nou rachi paolamai haitao hisü puletao vei vah hai lah puletao zhiloure donou moe ana neletao donou baie tea pongao peie, süolouzü chu neletao nou rakinou seikouyu Rako Mashi khouko vanou Ko Avei paosü peiyu rachi paopei maitao hinou choulouyu chi sütao vanou puletao nou raia paopeire. Rakivamai koutenoua chi haitao sü sülou nüshoa bue.

2 PITAR 1:21

Daiolouzü rachi talihai emai leli hinou vekhai mohie, ana Ramai hinou veyu chipaosü puletao nou paoyu kisü Rako Mashinou maikhe maiye sü süpei baie.

1 JOHAN 2:20

Ana neletaoye sü Mashio nanou theadzü napeire, alia süsü neletao hrülainou süwe.

1 JOHAN 2:27

Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.

1 JOHAN 5:7

Zhopaoh mai asü bue;

JUD VEI SEIKO 1:20

Ana leshiyu Asakhemai, neletaowo louzü lah neletao vei sheekayu lü süna hinou soushu palouwo ea Rako Mashi vei khouko hinou veachi paoa bulo,

PONGAOPEIYU 2:11

“Nou pfüa buyu puhnou Rakonou lüloumaime taohi pao-a buyu nasü keiloukhaio! “Reih kolouyu puhye sü athai ahai chenanou hakia souzhuwu laimoe.