JOHAN 14:21 - SHEEYU BAIBEL (BSI)

²¹ “Achikhatao polouyu ea sütao zülouyu mai sünasü Eye leshiyu nasüe. Eye leshiyu puhye Apuonou leshilai; alia E-a puhye leshilai ea E lah Eye puh hi pongaolai.”

JOHAN 14:21 Iomraidhean Croise

2 VEMAITO 18:6

Puhnou Mapao hi chilee chechetou teanou bue, ae puh chi hai zümoyu sü soukhai timoe, ana Mapao vei chikhatao puhnou Moses hi peikhai touyu teitei hai soutaosoua nou rei-a hrüe.

LOUTAO 35:27

E kao-a baie tea paoyu jüpa-a buyu maitaoye sü panou savayu hinou shusoua haibüa teisa nou shapao khaio, “Mapao hai daizhou koute du-e! Puhvei kilai nanou veilouyu sü puhnou jüpa-a bubaie.”

TAPALOUYU 33:18

Moses nou paoe, “Zhuvea nou nevei khouko ava nasü E-a ngaowo.”

TSÜCHITAO 8:17

Eye leshiyu maitaoye sü Enou leshie; alia Eye toutei-a phouyu maitao nou Eye ngaoloulai.

JEREMIAH 31:31

Mapao nou paoe, “Enou Israel ae Judah maiye koa vo ashu soure teile sü velaire.

ZEPHANIAH 3:17

Mapao, neletao vei Ramai sü neletao hi bue, Reih Aveiwo nou neletaoye reih veilouyu peie, Puh-a neletaoye koa asa sholaire, Puhnou neletaoye leshiyu hinou sousheepu peilai; Puh-a neletao donou khonüki büa asasho-a lou soulai.

LUK NOU RÜYU KO AVEIBVÜ 11:28

Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”

JOHAN 14:15

“Neletao nou Eye leshi louzü, Achikha taosü neletao nou zülai.

JOHAN 14:18

“Enou neletaoye vearouna kua thaowu laimoe; E neletao hi khaive khailai.

JOHAN 15:14

Enou neletao hi chikha peiyu hai neletao nou soulouzü, neletao hai Asamaie.

JOHAN 16:14

Puhnou Eye soudusho peilai, daiolouzü puhnou Avei nasü poloua sünasü neletao hi paopeilai.

JOHAN 16:27

daiolouzü Puo lah puhnou neletaoye leshiwe. Puhnou neletaoye leshiwe daiolouzü neletao nou Eye leshiwe ea Esü Apuo hinou ve touyusü neletao nou louche loure.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

SEI-ATAMAI VAHTAO 22:18

alia zho sühinou Enou Mapaoye ngao-a puhnou haibüa Ahi paoe, ‘Takhaio! Jerusalem hinou thala-a tawo, daiolouzü Avanou peiyu nevei zhopaoh sü puletao nou popei laimoe.’

2 KORINTHMAI 12:8

Süna vanou Enou Mapaowo hinou lüh asü veachi paoe ea süna pota peire donou puh hinou khoe.

2 KORINTHMAI 3:18

Südonou Eletao hrülaisü pah homoa Mapao vei khouko ava nasü ngao-a bue; alia Rako baiyu Mapaowo hinou veyu khouko ava sünanou Eletaoye sü dukoulailaiyu khouko ava nahi puh zhu kheihao-a soudathou peire.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

PAODAKHAIYU CHIKHA 11:13

“Südonou neletao Ramai Mapao ye leshilo alia neletao tsüle, rako ae pfüchi veishi nou pothou puh kuvah soulo tea zhou Enou neletao hi peibuyu kharochi hai soutaosou zütou loure touyusho-o,

PAODAKHAIYU CHIKHA 7:13

Puhnou neletaoye leshi peilai, ha peilai, sübüa neletaoye panou toudzüa alao hrüloulai; puhnou neletao vei teidei-a shiha peilai, sübüa panou neletao vei chamou, shinamara ae theadzü khesü veishoa chachi loulai, alia kikhaorüa panou tyakapa loulai. Puhnou neletao paipao mai hi apaopei khaitouyu shiha teitei sü neletao hi peilai.

2 THESSALONIMAI 2:16

Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou

2 TIMOTHI 4:22

Mapaowo nou ne rakoye koa buyu souloutheo. Ramai zhuvea nou neletao hrülaiye koa buyu soulouwo.

1 JOHAN 2:5

Ana maitalinou puh chi züa bulouzü, puh hisü chekhao-a Ramaiye leshiyu nasü southou liche peiwure. Haivanou Eletao nou Eletao hai puh hinou bue touyu sü süloure:

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 5:3

Daiolouzü Eletao nou Ramaiye leshiyu süvei kowo louzü puh chikhatao züyu süsüe. Alia puh chikhataohai Eletaoye donou tatei leyu süna moe,

2 JOHAN 1:6

Alia eletao nou puhvei chikha züa tae touyu sü leshiyu hai nasüe; neletao nou shurai hinou choulouyubüa, puhvei chikhana louzü neletao hai leshi hinou ta-a bulo touyu nasüe.

PONGAOPEIYU 2:17

“Nou pfüa buyu puhnou Rako nou lüloumaime taohi pao-a buyu nasü keiloukhaio! “Reih kolouyu puh hisü pokukhai touyu manna sü Enou peilai, alia ngaolouyu puh likheinou sübaiyu zhih ashu rüthoukhai touyu chuh kaali Enou puh hi peilai.

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.

PONGAOPEIYU 3:20

Zhukhaio, Esü kikhu hinou la-a khouwe; maitalinoua Apaisü chouloua kikhu houpeilouzü Enou puh hisü talouloua puhye koa touzholai, alia puhnou Eye koa touzholai.