JOHAN 14:20 - SHEEYU BAIBEL (BSI)

²⁰ Teithe sükisü, Esü Apuohi bue, neletaosü Ahi bue ea Esü neletao hi bue touyusü neletao nou sülai.

JOHAN 14:20 Iomraidhean Croise

JOHAN 10:38

Ana Enou sütaosü soua bulouzü, neletao nou Eye louche moyuma, Puosü Ahi bue ea Esü Puohi bue touyu süloure ea sheesha-a süa bure donou Avah taosü louche loukhaio.”

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 14:11

Eye louchelo, süolouzü Esü Puohi bue ea puosü Ahi bue; molouzü Enou souyu vah sütao vanou Eye louchelo.

JOHAN 16:23

“Teithe sükisü neletao nou Ahinou halia kholaimoe. Cheche vuzünou Enou neletao hi paowe, neletao nou hatali Puo hinou kholouzü, puhnou Azhih hinou sünasü neletao hi peilai.

JOHAN 16:26

Teithe sükisü neletao nou Azhih hinou kholai; alia Enou neletao sühsoua Puo hinou kholai tea Enou neletao hi paomoe;

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:26

Nenou Eye leshi peiyu lesha nasü puletao hi bure donou, alia E-a puletao hi bure donou, Enou ne zhihsü puletao hi süngao peire, alia sünasü Enou süngaopu peikhailai.”

JOHAN 17:7

Alia nenou Ahi peikhai touyu teiteisü ne hinou vebaie touyu sü puletao nou chuo süloure;

JOHAN 6:56

Avasou touyu ea Azhe keyu puhsü Ahinou tobai soumoa bue, alia E-a puh hi tobai soumoa bue.

ROMMAI 16:7

Atarai soua buyu ea Eye koa hukhahi louzhoyu Andronikas ea Junias ye-a khurüwe; puhai sü sei-atamaitao hrohinou zhih tashowe, alia Enou Khristamai soutamo jühinou puhai sü souloure.

ROMMAI 8:1

Südonou chuo Khrista Jisu hinou hrüa buyu maitao donou mah dukhaiyu hare.

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

2 KORINTHMAI 12:2

Khrista hinou buyu mai aliye po kiadai jühinou raki asü chenahi pohah kheyu sü Enou süwe (pfüphao noupu pokheho pfüphao loumosa Ewo sümoe, Ramai likhei nou süwe),

2 KORINTHMAI 13:5

Neletao hai lühi bubu mosa neletao lahnou zhai zhukhaio ea chikukhaio. Neletao nou zhai zhuyu süna hinou laloumo baiyuwo deinou, Khrista Jisu hai neletao hi bue touyu sü veimosoua neletao nou süwe?

2 KORINTHMAI 5:17

Südonou maitalinou Khrista hi buloure toulouzü, puhsü basha ashu datare; aku nasü tare, zhukhaio, ashu nasü vere.

2 KORINTHMAI 5:19

Ehvei chipaowo louzü Ramai nou Khrista vanou emai hrülaiye puhye koa souchavei loure. Ramai nou puletao vei mahpei sü choa puletao pei hi motouyu soumoe, alia puhnou Eletao hi maikhe maiye koa souchavei louyu chipao nasü peikhaitoue.

GALATIAMAI 2:20

Khristaye koa Eye sü Kros vanou veatheare; chu hria buyu nasü Emoe, ana Alekhe hinou hria buyu puhsü Khristae. Chu Enou vasou hinou hria buyu hrü haina hai Enou Eye leshi peiyu ea Adonou lah puhye thoupeiyu Ramai Nahpoutuye lüyu vanou hria bue.

EPHESAMAI 2:10

Daiolouzü Eletao hai Khrista hinou vah avei panou soua bure donou soupeikhai touyu puhvei vahmaitao baie süolouzü Eletaoye panou vah aveitao soua buloure raia Ramai nou Eletaoye donou soudachere.

KOLOSSEMAI 1:19

Daiolouzü Nahpoutu nou lah puh hi Ramai zhai chekhoua buyu sü Ramai puhvei leli nasüe.

KOLOSSEMAI 1:27

Ramai nou soudawuyu süwo louzü puhnou maikhemai hrülai donou khaikhai touyu toure nishoyu ea vashoyu puhvei kheitsü hainasü puhmaitaohi süngao peiyu süsüe. Alia kheitsü sünawo louzü neletao hi buyu Khrista süsüe, süvei kowo louzü neletao-a Ramai khouko ava hisü koa zha ngaozholai.

KOLOSSEMAI 2:9

Daiolouzü, puhvei emai hrü hisü, Ramai zhai teiteisü buchewe,

1 JOHAN 4:12

Maitalinoua Ramaiye ngaokhai mohie, ana Eletao nou alinou liye leshi louzü, Ramai sü Eletao hi tobai soumoa bue ea puh leshisü Eletao hinou southou lichewure.