JOHAN 14:19 - SHEEYU BAIBEL (BSI)

¹⁹ Phajü thaisü, deiphao mainou Eye ngaopukhai laimoe, ana neletao louzü Eye ngaolai; daiolouzü Enou hriyu donou, neletao-a hrilai.

JOHAN 14:19 Iomraidhean Croise

JOHAN 11:25

Jisu nou puh hi paoe, “Ehai hrishuyu ea ahri nasüe; Eye loucheyu mai talinou puh hai thaiyuma hrilai;

JOHAN 12:35

Jisu nou puletao hi chila peie, “Phajü donou ava nasü neletaoye koa bupulai. Avana bubu kinou neletao nou takhaio, molouzü teizhi nanou neletaoye nulou shulai; teizhi hinou tayu mai sünanou puh hai daiki tahosa touyu sümoe.

JOHAN 13:33

Anahkhemai, phajü donou Enou neletaoye koa bubailaire. Neletao nou Eye phoulai; ana Enou Jihudimai taohi paoyu kua chuo Enou neletao hi paowe, ‘Enou tayu buh hisü neletao nou velouhoe.’

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 16:16

“Phajütou thaisü neletao nou Eye ngaolaimoe; alia phajütou thaisü neletao nou Eye ngaopu khailai.”

JOHAN 16:22

Sübüa, neletao hi-a chupha hisü le veayu bue, ana Enou neletaoye ve daopulai ea neletao lesü saloulai, alia maita linoua neletao vei sayu nasü neletao hinou pota laimoe.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

JOHAN 7:33

Sükisü Jisu nou paoe, “Enou neletaoye koa phajü donou bulaihie, alia süthaisü Esü Eye seive peiyu puh hi vetalai.

JOHAN 8:21

Jisu nou puletao hi paopukhaie, “E talai, alia neletao nou Eye phoulai, ana neletao hai neletao mah hinou thailai, Enou tayu buh hisü neletao velou hoe.”

SEI-ATAMAI VAHTAO 10:41

Sütoukhaia maikhemai hrülaihi ngaopeimoe, ana Ramai nou raia dopacheyu zhopaoh maitao likhei hi ngaopeibaie, süolouzü puhnou athai hinou hrishu louyuthai puhye koa toushoyu Eletao nou ngaobaie.

ROMMAI 5:10

Eletao sü Ramai vei ngaoba maitaoe, ana puhnah poutu athai vanou puhnou Eletaoye puh samai soupeire. Chuo Eletao sü Ramai samai soulouyu vanou, daizhozhou koua Khrista vei ahrü nanou Eletaoye khailu peilai!

ROMMAI 8:34

Sübüyu thaisü, thaohnou puletao hi mah dukhailai? Khrista nou laiwu? Moe! Daiolouzü puhwo thailoua hrishu loure ea Ramai bah zhoulo vanou bua Eletaoye donou Eletao süh soua khoa bue!

1 KORINTHMAI 15:20

Ana athai hinou zhia buyu maitao hai hrishu vuzülai touyu lapeiyupao soure donou Khrista hai athai hinou hrishu cheche loure.

1 KORINTHMAI 15:45

Daiolouzü sheeyu larübvü nou paoe, “Mai raina Adam sü hrirai pfüyu mai ali souloure;” ana Adam nanawo hrirai peilouyu rako souloure.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.