JOHAN 14:17 - SHEEYU BAIBEL (BSI)

¹⁷ Puh hai Ramai vanou achechena süngao peiyu Rako nasüe. Deiphao mainou puhye popei louhoe, daiolouzü sünanou puhye ngaomoe moa sümoe. Ana neletao louzü puhye süwe, daiolouzü puhnou neletaoye koa bue ea neletao lehi bue.

JOHAN 14:17 Iomraidhean Croise

TSÜCHITAO 14:10

Lüthou nou lah vei veayu nasü süwe, alia shevai-shesü maili noua puhvei lesayu nasü zha ngaozholai moe.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

ISAIAH 59:21

Alia Enou neletaoye koa vo soulai: Avei khouko ae achipao khesü teisa panou neletao vei soure donou neletao hi peilai. Südonou chu nou poa neletao nou achi zülai ae neletao vei nahmai hi sükhesü doupeilai, alia vere teitei hie neletao nou achi züa neletao vei nahmai ae tyaosholea hisü achi zülo tea doupeio.”

EZEKIEL 36:27

Enou avei rako sü neletao hi thoupeilai, ae neletaoye panou avei chikhatao hinou talai ae avei kharochi khesü neletaoye panou soutaosou züa nou hrüloulai.

MATHIU 10:20

Daiolouzü neletao nou paore chitaosü neletao vei laimoe; ana sütaohai neletao Puovei Rakonou neletao lekhe hinou paopa peilai.

JOHAN 14:16

Alia Enou Puo hinou kholai ea neletaoye koa teisanou bure soukha-apeio kukhe ali puhnou neletao hi peilai.

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:13

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

1 KORINTHMAI 14:15

Sükuyu thaisü Enou dai soulai? Enou Arakonou veachi paolai, ana Enou Atsünou-a veachi paolai; Enou Arako nou lou soulai, ana Enou Atsünou-a lou soulai.

1 KORINTHMAI 2:14

Ana pfüphao zhai thaifüa hrüyu mainou Ramai Rakovei sapeina taosü ngaolouhoe, daiolouzü sütaosü puhye donou avobaie, alia puhnou sütaosü sülouhoe, daiolouzü sütaosü Rako hilovei tsü pfüa sülou bailai.

1 KORINTHMAI 3:16

Neletaowo Ramai vei rathokie ea Ramai Rakonou neletao lekhe hi bue touyu sü neletaowo sümowu?

1 KORINTHMAI 6:19

Nevei pfüphao hai ne lekhe hinou hria buyu ea Ramai nou nehi peikhai touyu Rako Mashi vei rathoki nasüe touyu sü ne sümowu? Neletaowo lah neletao vei moe ana Ramai vei baie,

2 KORINTHMAI 13:5

Neletao hai lühi bubu mosa neletao lahnou zhai zhukhaio ea chikukhaio. Neletao nou zhai zhuyu süna hinou laloumo baiyuwo deinou, Khrista Jisu hai neletao hi bue touyu sü veimosoua neletao nou süwe?

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

GALATIAMAI 4:6

Alia neletao hai puh nahmaitao touyu sü pongaore donou Ramai nou puhnah Poutu vei Rakosü Eletao lehi seive thoupeie, alia rako sünanou, “Abba! Apuo!” tea raopawe.

EPHESAMAI 2:22

Puhye koa ali soulouyu hinou neletao-a kukhemai hrülaiye koa puh rako vanou Ramai nou buloure buh ali koa soushupa loure.

EPHESAMAI 3:17

alia lü vanou Khrista nou puhvei kihai neletao lekhe hinou souloure donou Enou veachi paowe. Alia leshi hinou neletaosü maa tsülou loure ea kifü soushu paloure donou Enou veachi paowe,

KOLOSSEMAI 1:27

Ramai nou soudawuyu süwo louzü puhnou maikhemai hrülai donou khaikhai touyu toure nishoyu ea vashoyu puhvei kheitsü hainasü puhmaitaohi süngao peiyu süsüe. Alia kheitsü sünawo louzü neletao hi buyu Khrista süsüe, süvei kowo louzü neletao-a Ramai khouko ava hisü koa zha ngaozholai.

2 TIMOTHI 1:14

Nehi lüthou peikhaitouyu acheche nasü Eletao lekhe hinou hria buyu Rako Mashi vei khouko vanou khotoulo.

1 JOHAN 2:27

Ana neletaoye donou louzü, Khrista nou puhvei rako hai neletao pei hi lakhai peiwure. Puh Rakonou neletao hi busasü, neletaoye donou maitaliye panou neletao hi doupeiyu matsü hae. Daiolouzü puhvei Rakonou neletaoye sü hateitei vanou doupeiwe, alia puhnou doupeiyu sü chechewe, madamoe. Südonou Rakonou doupeiyu sü zülo, alia Khristaye koa ali soua bulo.

1 JOHAN 3:24

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.

1 JOHAN 4:4

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

1 JOHAN 5:7

Zhopaoh mai asü bue;

PONGAOPEIYU 2:17

“Nou pfüa buyu puhnou Rako nou lüloumaime taohi pao-a buyu nasü keiloukhaio! “Reih kolouyu puh hisü pokukhai touyu manna sü Enou peilai, alia ngaolouyu puh likheinou sübaiyu zhih ashu rüthoukhai touyu chuh kaali Enou puh hi peilai.