JOHAN 14:12 - SHEEYU BAIBEL (BSI)

¹² Cheche vuzünou Enou neletao hi paowe, ‘Eye loucheyu puhnou Enou souyu vahtao sü puh-a soulai; alia haitao jünou duyu vahtao-a puhnou soulai, daiolouzü Enou Apuohi tawe.

JOHAN 14:12 Iomraidhean Croise

MATHIU 21:21

Jisu nou puletao hi chila peie, “Chekhaoa Enou neletao hi paoe, süolouzü neletao nou lüloua lekikhai molouzü, neletao nou Enou doushi bevahi soukhai touyu süna likheithe soubaimoa, deichi haina hai, ‘Mipoa zaihi zhaolouwo,’ tea paolouzü süsü souloulai.

MARK 11:13

Puhnou doukonou doushibeli sünghou nou bonoupoa buyu sü zhingaoloua sühinou doushilia ngaolaihi mosa tea taho zhue. Ana puhnou sühi takouyu phakisü sünghou khaikho ngaolou baire, daiolouzü sükihai doushi shiyu khouteile mohie.

MARK 16:17

Alia louche louyu maitao hisü shee haitaonou thaifüpoa talai: Azhih hinou puletao nou rashitaoye hupalai; puletao nou la ashu ashu paolai;

JOHAN 14:28

‘E talai, alia neletao hi E khaive khailai,’ tea Enou neletao hi paoyusü neletao nou chouloure. Neletao nou Eye leshi louzü, neletaosü lesa loulai, daiolouzü Esü Apuohi tawe; daiolouzü Puonou Ajünou duhie.

JOHAN 16:7

Ana Enou neletao hi acheche nasü paowe: Enou tayuhai neletao donou veipuhie, daiolouzü E tamo louzü, soukha-apeio nasü neletao hi velaimoe. Ana Enou talouzü, puhye Enou neletao hi seive peilai.

JOHAN 4:37

Daiolouzü ‘Kamainou vuthoue ea kukhe alinou chiloue’ tea paoyu sü chekhaoe.

JOHAN 5:20

Daiolouzü Puonou Nahpoutuye leshie alia lah puhnou soua buyu teitei sü puh hi pongaopeiwe. Alia neleye panou khupa loure donou sütao jünou dukouyu vahtao-a puhnou puh hi ngaopeilai.

JOHAN 7:33

Sükisü Jisu nou paoe, “Enou neletaoye koa phajü donou bulaihie, alia süthaisü Esü Eye seive peiyu puh hi vetalai.

JOHAN 7:39

Hainahai Jisu nou puhye loucheyu maitao nou ngaolaiyu Rako vanou paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

SEI-ATAMAI VAHTAO 10:46

Daiolouzü la sütho tyali pao-a buyu ea Ramaiye paoshoa buyu sü puletao nou chouloure. Sühinou Pitar nou paoe:

SEI-ATAMAI VAHTAO 16:18

Alia puhnou sükua teithe taoli shapoa tae. Ana akhai kisü Paul sü vamosho loure. Südonou puhnou rako süna hi reiveloua paoe, “Jisu Khrista zhih hinou Enou neye puh hinou tapalouwo tea tukha-a paowe!” Alia süphabü hinou rako sünanou puhye thaowu-a tapare.

SEI-ATAMAI VAHTAO 19:12

Sükua puh vasou hinou pahsousah moa sazha sü poloua lishi maitao hi poveyu kisü puletao sounou sü veiloue ea rashi tao-a puletao hinou tapaloue.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 2:41

Südonou puh chipao polouyu maitaoye sü dzükhao dapeire, alia teithe süzhounou mai the asüpha puletao mehi thoupu peire.

SEI-ATAMAI VAHTAO 4:16

sübüa paoe, “Mai haina hai hisü Eletao nou dai soulai? Daiolouzü puhai nou khupa vah aduli souloure touyu sü Jerusalem hi hrüa buyu maikhemai hrülainou süloure, alia süsü Eletao-a motou louhoe.

SEI-ATAMAI VAHTAO 4:33

Alia Mapao Jisu nou hrishu louyu vanou sei-atamai taonou khouko dushoa zhopaoh soue ea zhuvea dushoa puletao hrülai pei hi kou loupeie.

SEI-ATAMAI VAHTAO 4:4

Ana chipao süna choulouyu mai alaosou louche loure; alia maikhemai sütao pei phouyu kisü mai thengou pha pare.

SEI-ATAMAI VAHTAO 5:15

Südonou Pitar nou ta-a buyu hinou puh khunguhai panou puletao kamai vahi dakhai loure koute donoua maikhe mainou sounou maitaoye duvahi poveloua puletaoye züh phaohi ea zha phaohi pozü khaipeie.

SEI-ATAMAI VAHTAO 6:7

Alia haikua Ramai vei chipao sü pumaimai kheloure; alia Jerusalem hisü rozümai alaosou pukhe loure ea napaomai alao lü süna poloure.

SEI-ATAMAI VAHTAO 8:7

Daiolouzü sheemoyu rakonou louyu maitaoli hinou sütao sü shusou raoloua tapare; alia pothaimai ea phi chamai taoli veiloure.

SEI-ATAMAI VAHTAO 9:34

Alia Pitar nou puh hi paoe, “Inia, Jisu Khrista nou neye souvei peiwe; shuloua ne zühsü soulo.” Alia thalasoua puhsü shuloure.

SEI-ATAMAI VAHTAO 9:40

Ana Pitar nou puletao hrülaiye panou vakou lüpawu-a kou khou khüloua veachi paoe; süthaisü puhnou thaiphao nahi reiveloua, “Tabitha, tashulouwo tea paoe.” Sühinou puh nghi hepa loure ea Pitarye ngaoloua tashu chobu loure.

ROMMAI 15:19

alia haisü shee ea khupa vah ea Ramai Rako khouko vanou souloure. Alia haibüa Jerusalem hinou Illurikam hi koute taveyu veihdu hisü Enou Khrista vanou Ko Avei nasü soutaosoua paodoue.