JOHAN 13:8 - SHEEYU BAIBEL (BSI)

⁸ Pitar nou puh hi paoe, “Hakilia nenou Aphi khükhai laimoe!” Jisu nou puh hi chila peie, “Enou neye khüpei molouzü, nenou Eye koa zha zhoyu hae.”

JOHAN 13:8 Iomraidhean Croise

SHURAI 42:38

Ana Jakob nou paoe, “Anah poutu sü neletaoye koa panou taloushie, puh jürai sü thaire chuo puh likhei thaisho khaitoua baie. Ludu donou hashi vedao louveie. Esü chuo tsüloure alia ale souveapu peiyu thaio Esü dopfüa athaimai kikou hota bailai.”

2 SAMUEL 20:1

Benjamin khü hinou Bikri nahpoutu Sheba hai zhaidou loumoyu mai ali bue. Gilgal hinou puhnou shabe houpalou-a haibüa paoe, “David veo hi Etao zha halia hae, Jesse vei nahpoutu ye Etao zhoyu hae! Oh, Israel maitaore, lahkuku ki hi vetarao!” tea shapa peire.

1 VEMAITO 12:16

Israel maitao nou veo hai puletao vei chi sü keipei laimore touyu sü zhingao loukhaie, puletao nou veo hisü haibüa paore, “Etao nou David hinou dai ngaore bue? Etao hai Jesse vei nahpoutu maitao hinou kikaa ngaore halia ha-e! Oh! Israel maitaore, lahkuku vei ki hi dakhai tawo. Rehoboam ye panou lah vei ki sü zhulo!” Sübüa Israel maitao hai lahkuku ki hisü dakhaitare.

LOUTAO 51:2

Avei tsüle ashi teitei sü khüshee peio ae avei mahmo khesü soushee peio.

LOUTAO 51:7

Avei mahmo khesü polai peio, sükulouzü E hai sheesha tea bailai; Eye dzü khü peio, ae Esü vüra jünou kaapua bailai.

ISAIAH 4:4

Ramai vei khouko sünou chiku pei-a tyahrü nasü soushee peilai alia Jerusalem vei mahmo ae sühinou zhe kükou khaitouyu khesü khüshee peilai.

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

ZEKHARIAH 13:1

“Sübüyu teithe veyu phaki, David kihikhamai alia Jerusalem hinou hrüa buyu maitao vei mah ae sheemoyutao khüsheere donou dzühou ali soupeilai.

MATHIU 16:22

Pitar nou puhye sakupaloua ea puhye züa paoe, “Mapao, Ranou balai! Haihai nehi hakia palaimoe.”

MATHIU 21:29

Alia puhnou chila peie, ‘E talaimoe,’ ana thaikhai hinou puhnou ledaloua tare.

MATHIU 26:33

Pitar nou chila peia puh hi paoe, “Puletao hrülainou ne vanou kaotayuma, Ewo hakia kaotakhai laimoe.”

MATHIU 26:35

Pitar nou puh hi paoe, “Ewo neye koa thai vuzü laiyu koutea Enou neye hakia motoulai moe!” Alia kukhe rozümai hrülai taoa sübüa paoe.

JOHAN 13:6

Puhnou Simon Pitar hi takoue; alia Pitar nou puh hi paoe, “Mapao, newo Aphi khülaiwu?”

JOHAN 13:9

Simon Pitar nou puh hi paoe, “Sükulouzü, Mapao, Aphi likhei baimoa Abah ea Apei-a khüpeio!”

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

SEI-ATAMAI VAHTAO 22:16

Alia daidonou ne chu chao-a bue? Shulouwo ea dzükhao dalouwo, alia puh zhihsü kua ne mahtaosü khrüshee louwo!’

1 KORINTHMAI 6:11

Neletao kamai sü sübüyu maibaie. Ana neletaowo mah hinou soushee loure; neletaowo Ramai hi shee-a popeire, neletaowo Mapao Jisu Khrista zhih hinou ea Eletao Ramai vei Rako hinou Ramaiye koa souzü loure.

EPHESAMAI 5:26

Haisü puhnou lüloumai meye puhvei chipao vanou dzü hinou khüshee peiwu-a soushee peiyu thainou sünaye Ramai hi posheela peire donou soue;

PAODAKHAIYU CHIKHA 12:12

Alia ne, ne nahpoutu ae nahnaotu, qila maitao alia teidei ngaomoa buyu neletao nuhdu hinou Levi maitao koa neletao Ramai Mapao nghoujü hinou neletao savazho khaio.

KOLOSSEMAI 2:18

Maitaliye panou puletao vei zho veishoa ngaowe touyu vanou, alia khao-zhai hinou natai-a hrüyu hrü vanou ea rakivamaiye thoyu vanou neletao vei khailu louyu vei buu nasü saopoa tayu souwuso. Daiolouzü ko lia hazheia haibüyu mainou puletao vasou vei tsüdo hinou khaophu souwe,

KOLOSSEMAI 2:23

Ovai, nutai-a panou rakivamaiye thoyu, khaozhai hinou natai-a hrüyu ea pfüphaoye tudei-tukhayu zhai haitaosü emai vei tsüdo hinou soushuloue: ana zhai sütaonou pfüphao vei züpa naye khaloure halia koyu hae.

TITA 3:5

puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.