JOHAN 13:5 - SHEEYU BAIBEL (BSI)

⁵ Süthaisü puhnou raikhaohi dzü lathouloua rozümaitao phisü khüpei tare ea puh khyahi zhakhai touyu sazha sünanou poloua puletao phisü southepei tare.

JOHAN 13:5 Iomraidhean Croise

SHURAI 18:4

Neletao phi khüloure donou Enou dzü chita popa peilai, alia süübe haina phinou solowo.

SHURAI 19:2

alia puhnou paoe, “Apaopuwo, Enou nehai hi khowe, zhuvea-a nou ne kilai aki hi zhoukhei ve phi dzükhü loua chao baio, alia dosho shona kushuzhi loua ne hainou tare veidu nasü tabaio.” Ana puhai nou “Moe, ahaio zhoukhei kijüdu hinou chaoa bailai,” tea paore.

SHURAI 43:24

Kilai nanou puletaoye sü kikha saloure alia dzü peia panou puletao phi khüloure ae puletao rheisüh-a panou to touloure.

2 VEMAITO 3:11

Veo Jehoshaphat nou noue, “Mapao hinou daibülai tea noulou veiyu rachipaola peiyu mai lia hai hi buha-e?” Veo Joram vei reihmai peikhoyu mai ali nou chila peie, “Shaphat nahpoutu Elisha hai buh hai hinou bue. Puh hai Elijahye soukha apeio nasüe.”

LOUTAO 51:2

Avei tsüle ashi teitei sü khüshee peio ae avei mahmo khesü soushee peio.

TAPALOUYU 29:4

“Aaron ae puh nahpoutu maitaoye Enou buyu Ratho kipao hi taloure kikhubomü hinou save khailoua dzükhü sheepeio.

ISAIAH 1:16

Neletao lah soushee-a bulo, neletao hai anghingao hinou vah ashi souyu teitei sü thaokhai touwo. Vah ashi souyu nasü bailo,

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

LEVIMAI LARÜBVÜ 14:8

Veilouyu maina nou puhvei sabanü hai dzü shaowulai, puh vasou hi mai buyu veishi hai sailaiwulai, ae dzü khüloulai. Süthaisü puh hai naanou hinou shee-a bailai. Puhnou fühao hi taloua bailai, ana teithe anai koute hai puhnou puhvei kijü hinou bua bailai.

ZEKHARIAH 13:1

“Sübüyu teithe veyu phaki, David kihikhamai alia Jerusalem hinou hrüa buyu maitao vei mah ae sheemoyutao khüsheere donou dzühou ali soupeilai.

LUK NOU RÜYU KO AVEIBVÜ 7:38

alia Jisu phi thailova hinou laloua ea kra-a puh nghidzünou kou Jisu phi hisü jaokhai loure, alia puh phisü puh peishunou posoupeia ea puh münou kou muloua kainüvei theadzü sünanou puh phihisü lakhailoua napeiwure.

LUK NOU RÜYU KO AVEIBVÜ 7:44

Sühinou puhnou naotupai hi reiveloua Simon hi paoe, “Naotupai hainaye ne ngaowu moe? Enou nekihi tave, alia nenou Aphi donou dzü peimoe, ana puhnou puhvei nghidzünou Aphisü souchaloua puhvei peishunou southe peire.

JOHAN 13:10

Jisu nou puh hi paoe, “Dzü khülouyu mai sünanou puh phi likhei baimoa kukhe khüpuyu komoe; daiolouzü puhwo pfüphao teiteinou sheewe. Alia neletao sü sheewe, ana neletao hrülainou sheekhaiyu moe.”

JOHAN 13:6

Puhnou Simon Pitar hi takoue; alia Pitar nou puh hi paoe, “Mapao, newo Aphi khülaiwu?”

JOHAN 13:8

Pitar nou puh hi paoe, “Hakilia nenou Aphi khükhai laimoe!” Jisu nou puh hi chila peie, “Enou neye khüpei molouzü, nenou Eye koa zha zhoyu hae.”

JOHAN 19:34

Ana reihmaitao hrohinou mai alinou Jisu na hisü heung nou khüpeie, alia sübü hinou zhe alia dzü küpare.

SEI-ATAMAI VAHTAO 22:16

Alia daidonou ne chu chao-a bue? Shulouwo ea dzükhao dalouwo, alia puh zhihsü kua ne mahtaosü khrüshee louwo!’

1 KORINTHMAI 6:11

Neletao kamai sü sübüyu maibaie. Ana neletaowo mah hinou soushee loure; neletaowo Ramai hi shee-a popeire, neletaowo Mapao Jisu Khrista zhih hinou ea Eletao Ramai vei Rako hinou Ramaiye koa souzü loure.

EPHESAMAI 5:26

Haisü puhnou lüloumai meye puhvei chipao vanou dzü hinou khüshee peiwu-a soushee peiyu thainou sünaye Ramai hi posheela peire donou soue;

1 TIMOTHI 5:10

alia puh hai vahvei souyu hinou zhih tayu maipfüli soulai; süolouzü puh nahmaiye soutaosoua ki-ko peiyu, shevai-shesüye shetou peiyu, sheeyumai phidzü khüpeiyu, vea-laimaiye soukha peiyu, alia vahvei teitei hinou lenou shoyu maipfüli soulai.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 5:6

Jisu Khrista hai puhvei dzükhao dayu dzü ea puh athai vei zhe sünaye koa ve. Puhsü dzü likheiye koa vebai moe, ana dzü ea zhe ahaiye koa ve. Alia lah Rakonou-a haisü chekhaoe tea zhopaoh souwe, daiolouzü Rako hai cheche baie.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.

CHIKUAPEI MAITAO 19:21

Südonou puhnou homaitao ye saloua puh ki hi save loure, ae rheisüh panou pou touloure, alia puletao phi dzü khüpeia panou touso sü touloure.

1 SAMUEL 25:41

Abigail nou deiphi nakou khurüloua paoe, “Esü puhvei kilai baie, ae puhvei kilai maitao phi dzükhü peire donou tuda-a bue.”