JOHAN 13:34 - SHEEYU BAIBEL (BSI)

³⁴ Enou neletao hi chikha ashuli peiwe; neletao alinou liye leshilo. Enou neletaoye leshi peiyu büa, neletao-a alinou liye leshi vuzülai.

JOHAN 13:34 Iomraidhean Croise

LOUTAO 119:63

Nevei kuvah soua buyu maitao ae nevei chikha züa buyu mai hrülai hai avei samai-e.

LOUTAO 16:3

Mapao vei chilee checheyu maitao hai daizhou koute veisa! Enou sava kayu hai puletaoye koa buyu nasüe.

LEVIMAI LARÜBVÜ 19:18

Mai tarali hia khüngu sü phouso, moa puhye ngaora-a bukouso, ana nevei kinapa maiye lah neye leshiyu büa leshi peio. E hai neletao vei Mapao-e.

LEVIMAI LARÜBVÜ 19:34

Neletao nou puletaoye sü neletao vei thaihou jürai mai ali bütoua popeilai, ae lah neye leshiyu büa leshi peilai. Daiolouzü daoh vuli neletao-a Ejipt teidei hinou shetumai ali soua hrüe touyu nasü licholo. E hai neletao vei Ramai Mapao-e.

MATHIU 5:44

Ana chuo Enou neletao hi paowe: neletao ngaobamaiye leshilo ea neletaoye souvea-souhomaiye donou veachi paopeio,

JOHAN 15:17

Südonou Enou neletao hi chikha peia paoyu nasü hainae: alinou liye leshilo.

JOHAN 17:21

süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

ROMMAI 12:10

Thaihou jürai vei khu-leshi sünanou alinou liye leshilo, alia alinou liye tsükhouyu hisü lenou toulo.

ROMMAI 13:10

Leshi nanou puh kinapa hisü soumah tamoe; südonou leshiyu hai razhai pfüphou reichekhouyu nasüe.

ROMMAI 13:8

Neletao alinou liye leshiyu likheithe baimoa maitali vei pao halia pfüso; daiolouzü puh kinapaye leshiyu puhnou razhai nasü rei chekhouwure.

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

GALATIAMAI 6:10

Südonou Eletao nou teile kao-avei ngaosasü maikhemai hrülaihi koulihsoua lüloumai kikhahi bumaitao hisü avei vah soupei laikhe.

GALATIAMAI 6:2

Alinou likou pfükha peikhaio, alia sübüa Khrista vei zhai nasü souve tepeio.

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

KOLOSSEMAI 1:4

Daiolouzü Ehnou Khrista Jisu hi neletao vei lü buyu ea Ramai vei mai hrülaiye neletao nou leshiyu sü chouloure.

1 THESSALONIMAI 3:12

Ehnou neleye leshishoyu süzhou Mapao nou neleye panou alinou liye leshiyu ea maikhemai hrülaiye leshi pulailaiyu souloukhaio.

2 THESSALONIMAI 1:3

Eh thaihou jürai khemai, neletao vanou Ehnou teisanou Ramai hi kalo paovuzülai. Ehye donou süsü souzüshoe daiolouzü neletao vei lühai alaosou dumaimai khere ea neletao alinou liye donou leshiyu neletao vei leshinahai pulailai khere.

EBRIAMAI 13:1

Thaihou jüraiye leshiyu hai tobai soumoa bulouwo.

JEMS 2:8

Neletao nou sheeyu larübvü hinou ngaolouyu, “Lah nenou neye leshiyu büa nevei kinapaye leshilo,” touyu vedei vei razhai nasü züloure toulouzü neletao nou vei-a souloure.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

2 PITAR 1:7

alia rahrümai hisü thaihou jüraimaiye leshiyu sünanou ea thaihou jüraiye leshiyu sühisü leshi nanou thoupulo.

1 JOHAN 3:11

Neletao nou shurai hinou choulouyu chipao nasü haire; Eletao alinou liye leshi vuzülai.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.

1 JOHAN 4:21

Khrista nou Eletao hi peikhai touyu chikha nasü haire; Ramaiye leshiyu maitalinou puh thaihou jüraiye-a leshi vuzülai.

2 JOHAN 1:5

Alia südonou, leshiyu naotupai, Enou nehinou khowe, süolouzü Eletao hrülai alinou liye leshi laikhe. Haisü Enou ne hi ashu chikhali peia rümoe; chikha haina hai daorai kinou Eletao hi bure.