JOHAN 13:23 - SHEEYU BAIBEL (BSI)

²³ Rozümaitao hrohinou Jisu nou leshiyu nasü Jisu ye dasa-a bue.

JOHAN 13:23 Iomraidhean Croise

2 SAMUEL 12:3

toure hana sü puhnou hrüpove khaitouyu zhaotu ali khei bubaie. Puhnou sünatuye sü leshisho-a puhvei nahmaitaoye koa ki-a puhvei ki hinou hrüzho-a baie. Puhnou tousoyu touso vuzünou panou touso-a hrüa bue. Puhvei pai khao hinou panou touso toua ae daopo-a puh nah naotupai ali kheihao-a bue.

1 VEMAITO 4:5

Nathan nahpoutu Azariah nou teidei peicha maitao peikhowo sü soue, Nathan nahpoutu Zabud napao nou veo vei paodou-apeio soue.

LUK NOU RÜYU KO AVEIBVÜ 16:22

“Süthaisü tosüa laiyu mai sünasü thaitare ea puhye sü rakivamai taonou rakiva Abraham ngheiki hi sakhe peire. Hanimaipou süna-a thaitare ea povure;

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 11:3

Südonou tuhainou Jisu hi ko seiho-a paoe, “Mapao, nenou leshiyu puhsü sou-a bure.”

JOHAN 11:36

Südonou Jihudimai taonou paoe, “Zhukhaio, puhnou daizhozhoa puhye leshisa!”

JOHAN 11:5

Jisu nou Martha ea puh matoupai alia Lazaras ye leshie.

JOHAN 13:24

Südonou Simon Pitar nou puh hi nghisailoua paoe, “Puhnou paoyusü thaohyesa, puh hinou noukhaio.”

JOHAN 13:25

Südonou rozümai sünanou Jisu khaohilo pei pfüna kouloua puh hinou noue, “Mapao, sünasü thaoh-e?”

JOHAN 19:26

Jisu nou puhpfü ea puhnou leshiyu rozümai sünanou ngheikinou la-a buyu sü ngaoloua, puhpfühi paoe, “Naotupai, ne nahpoutuye zhukhaio!”

JOHAN 20:2

Südonou puhnou Simon Pitar ea Jisu nou leshiyu kukhe rozümai sünahi taveloua puhai hi paoe, “Puletao nou Mapaoye khüh hinou potare, alia puletao nou puhye kahi pokhairesa touyu sü Ehnou sümoe!”

JOHAN 21:20

Pitar nou thailo reiveyu kisü Jisu nou leshiyu rozümai nanou puhaithai füpoa laiyu ngaoe. Rozümai sünasü koukhe vai touyuki Jisu khao hinou vüa, “Mapao, neye shoh soupeire nasü thaoh-e?” tea nouyu nasüe.

JOHAN 21:24

Chi haitao vanou zhopaoh peiyu ea chi haitao rükhaiyu rozümai nasü hainae; alia puhvei zhopaoh hai chechewe touyu hai Eletao nou süe.

JOHAN 21:7

Jisu nou leshiyu rozümai nanou Pitar hi paoe, “Haina hai Mapao-e!” Simon Pitar nou sünasü Mapao-e touyu choulouyu kisü, puhnou puh sahnü nouthouloure (daiolouzü vah souyu donou puhsü baitoua bue) alia zaihi choloure.