JOHAN 13:21 - SHEEYU BAIBEL (BSI)

²¹ Jisu nou sübüa paoyu thaisü, puh lehai veasho loure, alia dua paopae, “Cheche vuzünou Enou neletao hi paoe, neletao hrohinou alinou Eye peithoulai.”

JOHAN 13:21 Iomraidhean Croise

MATHIU 26:21

alia puletao nou toua buyu hinou, Jisu nou paoe, “Chechenou Enou neletao hi paoe, neletao hrohinou alinou Eye shohdo soupeilai.”

MATHIU 26:38

Sükisü puhnou puletao hi paoe, “Ale hai veathou thaire soua bure; haihinou bua Eye koa zhai helo.”

MARK 14:18

Alia puletao nou arübuh vanou toua bubu kinou, Jisu nou paoe, “Enou chekhaoa neletao hi paoe, neletao hrohinou alinou süolouzü Eye koa touyu nanou Eye shoh soupeilai.”

MARK 3:5

Jisu nou lekhanoupu maikhemai hi zhuloua ea puletao le khouleyu vanou levealoua mai sünahi paoe, “Nebah topalo.” Alia puhnou puh bah sü topae, alia süsü veiloure.

JOHAN 11:33

Jisu nou Meri ea puhye koa taveyu Jihudimai taonou krayu ngaolouyu kisü puh lehai daisho loure;

JOHAN 11:35

Jisu sü krare.

JOHAN 11:38

Südonou Jisu hai le daisho puloukhaia khühhi tave; khüh sünasü chuhlea hinou raokhaitoue, alia süna pei hisü chuhlinou shikhai toue.

JOHAN 12:27

“Chuo Alehai veasho loure, alia Enou dai paolai? ‘Apuo, pha teile haina hinou Eye khaipapeio’ tea Enou paolaiwu? Moe, soure vah haina donou Enou pha hainahi velou loure.

JOHAN 13:18

“Enou neletao veishi vanou paomoe; Enou dolouyu maitaoye sü Enou süe; ana haisü sheeyu larübvü hinou haibüa paoyusü vete loure donoue, ‘Eye koa raokhao zhitouyu puhnou Eye hrailoure!’

JOHAN 13:2

Koukhe tovai nasü vai-a buyu hinou, rashi nanou Simon nahpoutu Iskariot Judas lekhehi Jisu ye ngaobamai bah hi shoh southou peire tsü nasü pothou peire.

JOHAN 13:22

Thaoh vanou puhnou paosa touyu teipei lia sükhaimoa rozümai taonou alinou liye zhue.

SEI-ATAMAI VAHTAO 17:16

Chuo Paul nou Athen hinou Sailas ea Timothiye khoa buyu hinou nuhdu sühisü bashara taonou phoua buyu sü ngaoloua puh lesü vamosho loure.

1 JOHAN 2:19

Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.