JOHAN 13:13 - SHEEYU BAIBEL (BSI)

¹³ Neletao nou Eye ‘Dou-apeio’ ea ‘Mapao’ tea kuwe; alia neletao nou kuyu hai kuzüe daiolouzü Esü sünasüe.

JOHAN 13:13 Iomraidhean Croise

JEREMIAH 1:12

Mapao nou paoe, “Süsü cheche-e, ae Enou avei chipaotao sü vete loure donou zhu-a bue.”

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

LUK NOU RÜYU KO AVEIBVÜ 10:28

Jisu nou puh hi paoe, “Nenou kaobüa kheloure; haisü soukhaio, alia ne hriloulai.”

LUK NOU RÜYU KO AVEIBVÜ 6:46

“Neletao daidonou Enou neletao hi paopeiyu nasü soumoabu lukhu Eye nou ‘Mapao, Mapao’ tea kuwe?

LUK NOU RÜYU KO AVEIBVÜ 7:43

Simon nou chila peie, “Khaipei kouyu puhnoulai tea Enou chowe.” Alia Jisu nou puh hi paoe, “Nenou zütoua paowure.”

JOHAN 11:2

Mapaoye kaivei theadzünou napeiyu ea puh phihi puh peishunou posou peiyu paisü Meri hainapaie; sou-a buyu maina sü puh pou Lazaras süe.

JOHAN 11:28

Puhnou chi sünasü paowuyu thaisü, taloua taho puh matoupai Meriye kuloua puh hi kheikheisoua paoe, “Dou-apeio sü buh haihi bue ea neye phoua bue.”

JOHAN 11:3

Südonou tuhainou Jisu hi ko seiho-a paoe, “Mapao, nenou leshiyu puhsü sou-a bure.”

1 KORINTHMAI 12:3

Südonou Enou neletaoye panou sülou nüwe süolouzü Ramai Rako nou süthaia laiyu maitalinoua, “Jisu hai cha ngaotheo!” tea paolou hoe, alia maitaliye Rako Mashi nou süthai peimoa, “Jisu hai Mapaowo süe,” tea paopa louhoe.

1 KORINTHMAI 8:6

Eletaoye donou louzü Puo, Ramai puh likheithe bubaie. Puh hinou ha teitei vebaie ea Eletao sü puhye donou hribaie, alia Mapao alikhei süolouzü Jisu Khrista bubaie. Puh vanou na teitei sü souloue ea puh vanou Eletao sü hribaie.

EPHESAMAI 6:9

Paopu maitao, süzhaibüa neletao-a neletao vei qilatao hisü soukhaio ea soupiyu sü thaowuwo. Neletao ea neletao vei qilatao hai hrüzhai ali hinou mai hrülaiye chikuyu rakivabu Mapaowo puhvei baie touyu sü li-cholo.

PHILIPPIMAI 2:11

alia Puo Ramaiye paoshoa Jisu Khrista hai Mapaowo süe tea mai hrülai nou du-a paopalai.

PHILIPPIMAI 3:8

Chechenou na sütao likhei baimoe, ana muhtei koushoyu A Mapao Khrista Jisu vei tsü süna donou Enou ha teitei hai halia kokhaimoe tea choloure, puhye donou Enou ha teiteisü polaiwure; Enou Khristaye zhiloure donou sütao teiteisü nghouh büa choloure,

JEMS 2:19

Nenou Ramai alikhei bubaie tea louchewu? Veishore! Süsü rashitao koutenou-a louchewe alia pi-a nguwe.