JOHAN 13:1 - SHEEYU BAIBEL (BSI)

¹ Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 13:1 Iomraidhean Croise

TSÜCHITAO 8:31

mainou hrülou veiyu deiphao vanou lesa-a ae deiphao mai donou vasa-a bure.

JEREMIAH 31:3

kadou shoyu buh hinou puletao hi ve ngaopeie. Israel maitaore, Enou neletaoye thaokhai toumoa leshi peie, südonou Enou tobai soumoa neletaoye leshi peilai.

MATHIU 26:45

Süthaisü puhnou rozümai taohi tave loua puletao hi paoe, “Neletao chukoutea zhi vashoa ea soa buwu? Zhukhaio, Mai Nahpoutuye mahmai bah hi thoupeire phasü veloure.

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

LUK NOU RÜYU KO AVEIBVÜ 22:53

Teithe tsünou Enou neletaoye koa rathoki hinou buyu kisü, neletao nou Eye niloure halia soumoe. Ana chu haisü neletao vei pha nasüe, alia teizhivei khoukonou tukha-salaiyu teile süe.”

LUK NOU RÜYU KO AVEIBVÜ 9:51

Alia Jisu ye rakihi pokhewu laiyu teithe ngheikouyu kisü, puhnou Jerusalem hi tare donou le latouloua sühilo pah pfürei loure.

JOHAN 11:55

Chuo Jihudimai vei Tachonüh nasü ngheikoure, alia mai alaosou nuhbuh hilonou taveloua puletao lah nüh jühinou naa thaifüa soushee loure donou Jerusalem hi tapare.

JOHAN 12:23

Alia Jisu nou puhai hi chila peie, “Mai Nahpoutu nou kathe souloure phasü veloure.

JOHAN 13:29

Daiolouzü Judas hi shavü nasü buyu donou Jisu nou puh hi, “Eletao nou nühki toure natao hrülouwo; moa toure hamai hi hatali peikhaio” tea paoe tea puletao kamainou choe.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 13:34

Enou neletao hi chikha ashuli peiwe; neletao alinou liye leshilo. Enou neletaoye leshi peiyu büa, neletao-a alinou liye leshi vuzülai.

JOHAN 14:28

‘E talai, alia neletao hi E khaive khailai,’ tea Enou neletao hi paoyusü neletao nou chouloure. Neletao nou Eye leshi louzü, neletaosü lesa loulai, daiolouzü Esü Apuohi tawe; daiolouzü Puonou Ajünou duhie.

JOHAN 14:31

Ana Enou Apuoye leshie touyu hai deiphaomainou süloure donou Apuonou Ahi chikha peikhai touyu thaifüa Enou soubaie. “Shulouwo, buh haihinou Eletao talairekhe.”

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

JOHAN 17:16

E hai deiphao hinou moyu kua puletao-a deiphao hinou moe.

JOHAN 17:26

Nenou Eye leshi peiyu lesha nasü puletao hi bure donou, alia E-a puletao hi bure donou, Enou ne zhihsü puletao hi süngao peire, alia sünasü Enou süngaopu peikhailai.”

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 18:4

Sükisü Jisu nou puh pei hi vere pfüphou süloua, nghojülo takou loua puletao hi paoe, “Neletao thaohye phouwe?”

JOHAN 19:28

Jisu nou chuo soure vahtao teitei sü souchewure tea sülouyu thaisü, sheeyu larübvü chipao nasü panou vetere donou puhnou paoe “E reiwe.”

JOHAN 2:13

Jihudimai Tachonüh nasü ngheitei koure, südonou Jisu nou Jerusalem hi tapa loure.

JOHAN 6:4

Chuo Jihudimai vei Tachonüh nasü ngheikoure.

JOHAN 7:30

Südonou puletao nou puhye niloure donou phoue; ana maita linoua puh pei hi bah khakhai moe, daiolouzü puh phasü velou mohie.

JOHAN 7:6

Jisu nou puletao hi paoe, “Ateile louzü vetelou mohie, ana neletao teilewo louzü teisanou souda-a bue.

JOHAN 8:20

Puhnou chi haitaosü Rathoki hinou doupeia bubuki Sheelayu sübvü khaiyu kidena hinou paoe, ana maita linoua puhye nilou moe, daiolouzü puh vei phasü vetelou mohie.

ROMMAI 8:37

Moe, haitao teitei hinou Eletaowo Ehye leshi peiyu puh vanou reih koloumai jünou kouhie!

1 KORINTHMAI 1:8

Eletao Mapao Jisu Khrista teithe kihi neletao sü cha lia ha-a buloure donou, akhai koute puhnou neletaoye khotou peilai.

EBRIAMAI 3:14

Daiolouzü Eletao nou shurai hinou louche-a buyu sü akhai koute potouloua buloure toulouzü Eletao hrülai sü Khristaye koa vah souyu maitaoe.

EBRIAMAI 3:6

Ana Khristawo Nah Poutu alikua cheche-a Ramai vei kisü khoe. Eletao nou rei-a buyu hisü khuveia ea louche touloua bulouzü Eletao sü puh kie.

EBRIAMAI 6:11

Ehnou züpashoyuwo louzü, neletao nou reia buyu sütaosü cheche-a vete loure donou, neletao mai ali linou lah puhvei lenousü akhai koute pfüa bulo.

1 PITAR 1:13

Südonou vah souloure neletao lehai souda khailo. Tsü pfüloua Jisu Khristaye ngaopeiyuki neletao hi peilaiyu zhuvea süna hisü neletao reitei-a bulo.

1 JOHAN 4:19

Eletao nou leshiwe daiolouzü puhnou Eletaoye rai-a leshipeie.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,