JOHAN 12:40 - SHEEYU BAIBEL (BSI)

⁴⁰ “Puhnou puletao nghithou souchare ea puletao le soukhoure, sükumo louzü puletao nou puletao nghithounou ngaolou shulai ea puletao lenou sülou shulai, alia puletaoye souvei peire donou Ahi khaive shulai.”

JOHAN 12:40 Iomraidhean Croise

1 VEMAITO 22:20

Ae Mapao nou paoe, ‘Thaonou Ahab ye lalupoa saho Ramoth Gilead hinou southa peilaige?’ Rakivamai ali nou ali pao, ae kukhe nanou tyakua nou pao-a nou bue,

LOUTAO 147:3

Puhnou tsüle pepoa buyu maitaoye sü souvei peie, ae zhizhu khaitoua buyu maitaoye sü kiko peie.

LOUTAO 41:4

Enou paoe, “Oh Mapaowo, Eye zhuvea peio, avei sounou sü souvei peio, daiolouzü Enou ne nghoujü nou mah souwure.”

LOUTAO 6:2

Eye zhuvea leshi peio, Oh Mapaowo; E lelouho shore, Eye khouko peio;

TAPALOUYU 10:1

Süthaisü Mapao nou Moses hi paoe, “Taho Pharaoh veoye sü daokhaio, daiolouzü Enou khupayu vah khesü soungao peire donou puh ae puhvei peikho maitao le sü soukhoupu peiwure,

TAPALOUYU 11:10

Moses ae Aaron nou khupayu vah veishi hai veo nghoujü hi soungao peie, ana Mapao nou veo Pharaoh le sü soukhousho peiwua puhnou Israel maiye panou puhvei teidei hinou tabare.

TAPALOUYU 14:17

Süthaisü Enou Ejipt mai le sü soukhoupu peilai, sübüa puletaoye panou neletao thaihu koulai, ae Enou Ejipt hi veo ae puhvei reihmaitao, puhvei rheilukitao ae rheiluki pfüyu maitao jünou veilouyu avei khouko sü ngaolai.

TAPALOUYU 14:4

Enou Ejipt veo tsüle sü soukhou shopeia panou neletaoye thaihu talai, ae Enou veo ae puhvei reihmaitao hinou reih veilouyu vanou avei kathe sü panou maikhe mai-a ngaolai. Süthaisü Ejipt mainou E hai Mapao nasüe touyu süloulai.” Israel mainou paopeiyu büa souloue.

TAPALOUYU 14:8

Mapao nou Pharaoh veo le sü soukhoupu peia panou veiloua tayu Israel mai thaisü hutare.

TAPALOUYU 4:21

Mapao nou Moses hisü paopue, “Chuo ne sü Ejipt hi dakhai ve laire, südonou ne hi Enou khouko peikhai touyu khupayu teitei sü Pharaoh veo hi soungao peio, ana Enou puh le sü soukhousho peiwulai, sübüa puhnou nevei maitaoye sü panou talai moe.

TAPALOUYU 7:13

Sübüyuma veo sü chukoute puh le sü khoushoa bubaie, alia Mapao nou paoyu büa puhnou Moses ae Aaron nou chi paoyu sü keipei bare.

TAPALOUYU 7:3

Ana Enou Pharaoh le sü soukhousho peiwulai, ae Enou Ejipt teidei hisü veahoyu ae khupayu vah taoli soupeilai.

TAPALOUYU 9:12

Ana Mapao nou Moses hi paoyu büa Mapao nou veo le sü soukhoupu peiwure, ae puhnou Moses ae Aaron nou paoyu chi sü noupei bare.

ISAIAH 26:11

Neye ngaobayu maitao hai nenou puletaoye tudei peilai touyu sü sümoe. Mapaowo, puletaoye sü ahrao soupeio, alia nenou tudeilai tea souda-a buyu veahoyu nasü panou puletao hi vetheo. Ana nenou nevei maitaoye daizhou koute leshi peiwe touyu nasü panou puletao-a ngaolo.

ISAIAH 29:10

Daiolouzü Mapao nou neletaoye panou zhitei tare donou rako sü seive peiwure. Rachipaola apei maitao hai maisou vei nghithou souyu pha-e, ana Ramai nou puletao nghithou sü vaoho loure alia vepare zhingaoyu maitao pei sü hongiwure.

ISAIAH 53:5

Ana Etao nou mahmo souyu donou puhye sü zhipeia baie, Etao vei vah ashi souyu vanou puhye dapeia baie. Puhye souvea peiyu donou Etaoye souveih peia baie, ae puhye zhimü soupa peiyu donou Etaoye souvei peie.

ISAIAH 6:10

Süthai-a puhnou haibüa ahi paoe, “Mai hai maitao tsüle sü soume peikhaio, puletao vei nou sü soupe peikhaio, alia puletao vei nghithou sü souchawo, sükua panou puletaoye ngaolou laimoe, moa choulou laimoe, moa sükulou laimoe. Puletao nou ngaolou, choulou ae sükulou süre toulouzü ahi dakhai veloua puletao vei sounou nasü souveilou shulai.”

ISAIAH 6:9

Süthaisü puhnou ahi takou chipao haitao hai maikhe mai hi paopeio tea paoe, “Neletao nou chi kei khai, kei khaia buyuma sükulou süyu sü neletao hi bulai moe. Neletao nou zhukhai, zhu khai-a buyuma dai vepawe touyu sü sülou laimoe.”

JEREMIAH 3:22

Mapao hinou tala tayu mai hrülai, dakhai velo; puhnou neletaoye souvei peilai ae soucheche peilai. Neletao nou paoe, “Ovai, Etao nou Mapao hisü dakhai vewe, daiolouzü puh sü Etao vei Ramai-e.

JEREMIAH 5:21

Oh voyu maitao ae tsü hayu maitao, nghithou pfüa ngaomoyu maitao, noubi pfüa choumoyu maitao, soutaosou keilo.

EZEKIEL 12:2

“Thai-a bailaiyu mainare, ne sü khaityayu maitao hrohinou bue. Puletao hai ngheithou bue, ana halia ngaolou moe, puletao hai noubei pfüwe, ana halia choulou moe, daiolouzü puletao hai khaityayu mai baie.

EZEKIEL 14:9

“Hakinou rachipaola-apei mai ali nou da-a cheche moyu hinou chila peilouzü, süsü Mapao Enou puhye soupeia baie. Enou puhye sü Israel maitao hrohinou popawulai.

HOSEA 14:4

Mapao nou paoe, “Enou puletaoye sü Ahi sa-a dakhai veloulai, puletaoye sü Ale teitei nou peia leshi peilai, daiolouzü Avei lekha-rarou nasü puletao hi bupu khailai more.

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

MATHIU 15:14

Puletaoye donou doso! Puletao hai nghichamai vei nghichayu süthai-apei maitaoe; alia nghichamai alinou nghichamai aliye süthai louzü, ahaikheinou raobvühi dulou bailai.”

MARK 4:12

sübüa, ‘Puletao nou zhukhai zhukhailai, sütoukhaia ngaolaimoe; Puletao nou keikhai keikhailai, sütoukhaia sülaimoe. Sükumo louzü puletao nou dakhai veloua Ramai nou puletao mah khaipeiwu shulai.’ ”

MARK 6:52

daiolouzü puletaosü raokhaonou mai thengouye vaiyu vei checheyu kosü sülou moe; ana puletao lehai khoupusho loure.

LUK NOU RÜYU KO AVEIBVÜ 4:18

“Mapao vei Rakosü Apei hi bue, daiolouzü puhnou Eye sü toure hamai hi ko avei paodou peire donou dopa peire. Puh nou Eye sü hukhakihi bumai taohi mado souyu ea nghichamai hisü nghi ngaolouyu sü shangao peire, sovea-souhowuyu maiye phapeiyu,

LUK NOU RÜYU KO AVEIBVÜ 8:10

puhnou chila peie, “Neletao hiwo louzü Ramai Vedei vei kheitsü hai süloure donou peire; ana kukhe maitao hiwo louzü, puletao nou ngao-a ngaolou more donou, alia puletao nou kei-a sülou more donou nada hinou peikhaitoue.

JOHAN 12:39

Alia südonou puletao nou louchelou hore, daiolouzü Isaiah nou paopukhaie:

JOHAN 9:39

Jisu nou paoe, “Ngaomoyu maitaoye panou ngaoloure donou, alia ngao-a buyu maitaoye panou nghicha tare donou, Enou deiphao hi chikure donou ve.”

SEI-ATAMAI VAHTAO 15:3

Südonou lüloumaime nou puletaoye ludu hi sapao vepeie, alia puletao nou Phoenikia ea Samaria tachopoa tayu hinou maikhemai hisü kabüa tahrüh kukhemai taonou le daloua Ramai hi velouresa touyu ko sü puletao nou paopoa laiwe; sükua puletao nou lüloumaitao hrülai lesü sousa shopeie.

SEI-ATAMAI VAHTAO 28:26

Daiolouzü puhnou haibüa paoe, ‘Mai haitao hi taho paokhaio: Neletao nou keikhai keikhailai, ana sülaimoe; Neletao nou zhukhai zhukhailai, ana ngaolaimoe.

SEI-ATAMAI VAHTAO 3:19

Südonou ledalo, alia Ramai hi dakhai velo, sükulouzü puhnou neletao mahsü soushee peilai. Neletao nou haibüa soulouzü,

ROMMAI 9:18

Südonou Ramai nou zhuveapei nüyu maitali hisü puhnou zhuvea peie, alia puhnou le soukhoupei nüyu maitali hisü puhnou le soukhou peiwe.

PAODAKHAIYU CHIKHA 29:4

Ana zhou koute Mapao nou neletao hi sülou süyu tsüle, ngaolou süyu nghithou ae choulou süyu nou hai peimo hie.

JOSHUA 11:20

Daiolouzü Mapao nou Israel maiye donou puletao lesü soukhou peiwua puletao nou Israel maiye reih souyu hinou panou souha khaiwure donou, alia puletao ye zhuvea peimore donou süsü Mapao nou Moses hi paopeiwure.