JOHAN 12:38 - SHEEYU BAIBEL (BSI)

³⁸ Sünahai Isaiah rachi paolawo vei chipao sü vetere donoue: “Mapao, thaohnou Eh vei Chipao louche peie? Alia thaoh hi Mapao nou puhvei Khouko pongao peie?”

JOHAN 12:38 Iomraidhean Croise

2 PUOPAOKO 32:20

Süthaisü Veo Hezekiah ae Amoz nahpoutu Isaiah nou hai vanou veachi pao-a Ramai hinou soukha sü khore.

LOUTAO 44:3

Nevei maitao hai puletao vei teidei sü khoche nou poa kolou moe, puletao nou soureih veilouyu hai lah puletao vei khouko vanou moe; ana nevei khoukho, ae nevei pfüchi, ae nenou kozho peia salai peiyu donou baie, daiolouzü nenou puletaoye sü leshi peie.

ISAIAH 51:5

Enou khailupa peire teile sü nghire, Enou veilou ngaloure teile sü thasho-a laire. E vuzünou tyahrütaoye khasa-a hrülai. Kadou sho-a buyu maikhe mainou E vere vuzhia nou bue, ae Enou khailupa peire sü puletao nou zhishoa bure.

ISAIAH 51:9

Oh Mapaowo, kaishuloua Etaoye khailupa peio! Daoh raichoki büa tashuloua nevei khouko sünou popa Etaoye khailu peio! Rahab ye doade sasa peiyu nasü nenou movu? Zai hi buyu maitoukhao nasü nenou southa peimovu?

ISAIAH 53:1

Maikhe mainou haibüa chila peilai, “Etao nou cho-a buyu haisü thaonou louchelai? Ae thaonou Mapao vei bah thaithou-a vah soupeiyu sü zhingaoe?

MATHIU 15:7

Aveikho souyu maitaore! Isaiah nou neletao vanou rachi paopayuki daizhozhou züa paopa peisa:

MATHIU 16:17

Alia Jisu nou puh hi chila peie, “Johan nahpoutu Simon, newo rako veishoe! Daiolouzü haihai ke-zhenou nehi pongao peimoe, ana haisü rakibu Apuonou nehi peibaie.

MATHIU 27:35

Alia puletao nou puhye kros vanou veakhaiyu thaisü, puh sahnü taosü puletao hrohinou rako avei zhua zhiloure.

JOHAN 12:37

Puhnou shee alaosou puletao nghojühi soungao peiyuma, puletao nou puhye louche peimoe.

JOHAN 12:39

Alia südonou puletao nou louchelou hore, daiolouzü Isaiah nou paopukhaie:

JOHAN 15:25

Haisü puletao razhaihi rüthoukhai touyu chipao nasü vetere donoue, ‘Puletao nou qo alia ha-a Eye ngaora loure.’

JOHAN 17:12

Enou puletaoye koa bubu kisü, nenou Ahi peikhai touyu nezhih süna khouko vanou Enou puletaoye khotou peire; sheeyu larübvü hinou paoyu nasü vetere donou ha-kare nahpoutu likhei baideinou puletao kukhe louzü mailia hamoe daiolouzü Enou puletaoye khotou peire.

JOHAN 19:24

Südonou puletao hrohinou alinou lihi paoe, “Haina louzü Eletao nou raphalai mokhe anou haina hai thaohveilaisa touyu rako zhulaikhe.” Sükua puletao nou souyusü sheeyu larübvü hinou paoyu nasü vetere donoubaie: “Asahnü taosü puletao lah zhiloure alia Avei duzaona donou puletao nou rako zhuloure.” Südonou haisü reihmai taonou souyu nasüe.

ROMMAI 10:16

Ana ko avei nasü puletao hrülainou pokhai loumoe, daiolouzü Isaiah nou paoe, “Mapao, thaohnou Ehvei chipao sü loucheloue?”

ROMMAI 10:20

Ana Isaiah nou khuvei puloua paoe, “Eye phoumoyu maitao nou Eye ngaoloure; Eye donou noumoyu puletao hisü Enou ngaopeire.”

1 KORINTHMAI 1:24

ana Jihudimai-a, tahrüh kukhemai-a Ramai nou kulouyu puletaoye donou louzü chipao haisü Ramai vei khouko ea Ramai vei ratsü soua buyu Khrista puh baie.

GALATIAMAI 1:16

Alia puhnou Ahi puhnah Poutuye pongao peiwua panou Eye puh vanou Ko Avei nasü tahrüh kukhe maitao hi paodou peire le lalouyu kisü, Enou maitali hi-a talou chipha kumoe,