JOHAN 12:32 - SHEEYU BAIBEL (BSI)

³² Alia Eye deiphi hinou polashuyuki, Enou mai hrülaiye Ahi paivelai.”

JOHAN 12:32 Iomraidhean Croise

2 SAMUEL 18:9

Vedaore lükhai timoa buyu hinou Absalom nou puhvei rheisüh pfüa nou tukou David vei mai kamaiye daoloure. Absalom nou puhvei rheisüh na pfüa nou süühro sünou tutakhai-e tukou phüsüübe ali khe loure, ae puhvei pei sü phesüü baokao ali hi pfükou bitsü khaiwu-a reisüh nasü lah tutare alia Absalom ye sü phesüü baokao hinou khizhu-a bubaire.

SOLOMON VEI LOU 1:4

Eye ne thailao paikoulo, ahai koa thashoa ta-a bailai she. Ne avei veo soulo alia Eye ne kidü hi salou khailo. Ahai koa vashoa nou asalai, Etao nou asah soua ne leshaye zhaoh jünou pua paosholai; kaotou-a puletao nou neye leshiwe.

ISAIAH 11:10

Veo David vei tyaosholea hinou shee ali soua vemai ashu ali hrüvere teile sü velaire. Maikhe mainou puhye sü phoulai, ae puhye sü maikhe mainou tsükhoulai.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

HOSEA 11:4

Zhuvea leshiyu rainou poa Enou puletaoye süthai tapeie, Enou puletao vei kou masüyu nasü southapeie, alia Enou kikouh loua puletaoye sü tomü peie.

MAIPEI PHOUYU 21:9

Südonou Moses nou baosahu nou houng ali souloua süüpo pei hi popa khaipeie. Maitalinoua heung nou daopei khaitoua buyu maisü houng haina hai zhulouyu maisü vei loulai.

JOHAN 1:7

Puhnou ava navei zhopaoh soure donou, süolouzü puh vanou panou mai hrülaiye louche loure donou, puhnou zhopaoh donou ve-e.

JOHAN 12:34

Maisounou puh hi chila peie, “Ehnou razhai hinou Khrista hai teisanou hrilai tea choue. Sükulouzü nenou kakua Mainah Potuoye sü polashu vuzülai tea paowe? Mai Nahpoutu hainasü thaoh-e?”

JOHAN 18:32

Haisü Jisu nou puh hai athai kana tyanou thailai tea paongao peiyu chipao süna vetere donoue.

JOHAN 19:17

Alia puhnou lah puhvei kros pfüa “Peirao Buh” süolouzü, (Ebriamai lahinou “Golgotha”) tea kuyu buh hi tare.

JOHAN 3:14

“Alia Moses nou rekounou nghou naye polayu kua, Mai Nahpoutuye-a polashu vuzülai,

JOHAN 6:44

Eye seive peiyu Apuonou puhye Ahi savepei molouzü, maita linoua Ahi velou hoe; alia Enou puhye akhai teitheki panou hrishu loulai.

JOHAN 8:28

Südonou puhnou puletao hi paoe, “Neletao nou Mai Nahpoutuye polashuyu kinou ‘E-e touyu puhsü E-e’ touyu hai neletao nou süloulai; süthaisü Enou halia Amadonou soumoe ana Apuonou Ahi doupeiyu thaifüa haitaohai paobaie touyusü neletao nou sülai.

GALATIAMAI 3:13

Ana Khrista nou Eletaoye donou cha daloua, Eletaoye sü Razhai vei cha hinou khaipa peire; daiolouzü sheeyu larübvü hinou haibüa rüthoure, “Süüvanou khiyukhai touyu mai taliye sü Ramai nou chapeire.”

1 TIMOTHI 2:6

Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

EBRIAMAI 2:9

Ana teile phajü donou rakivamaitao jünou naphoua soupeikhai touyu, alia sükua Ramai vei zhuvea vanou maikhemai hrülai donou thaipei loure Jisu ye sü chuwo Eletao nou puhnou athai vei veahoyu süna daolouyu vanou khouko avanou ea tsükhouyu sünanou veo peirü rüpei khaitouyu sü ngaoe.

1 PITAR 2:24

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 2:2

Alia Khrista puhnou Eletao mah khaipeiyu bo nasüe, alia Eletao mah likhei donou baimoe, ana deiphaomai hrülai vei mah donoue.

PONGAOPEIYU 5:9

Alia puletao nou haibüa ashu lousü souwe: “Newo larübvü süna poyu ea sünavei paosheetao hapayu züdoue. Daiolouzü neye sü southeare, alia khü, la, mai ea tahrüh liki hinou maikhe maiye ne zhenou Ramaiye donou hrüloue.