JOHAN 12:28 - SHEEYU BAIBEL (BSI)

²⁸ Apuo, nezhih adusho soulouwo!” Sükisü rakinou paili shakoue, “Enou sünahai soudusho peire, alia Enou sünahai soudusho pupeilai.”

JOHAN 12:28 Iomraidhean Croise

MATHIU 11:25

Teile süpha hinou Jisu nou paoe, “Oh Apuo, raki ea deiphao Mapao! Enou neye kalo paowe daiolouzü nenou tsü veimai ea hasümai nghojünou pokukhai touyu sü nahtumai taohi pongao peire.

MATHIU 11:26

Ovai, Apuo, haibüyu hai ne züpa nasüe.

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 26:42

Süthaia puhnou tapulou khaia veachi paoe, “Apuo, veare pai haina hai Eye panou kümoa nou po talalou hoe toulouzü, nedo soulouwo.”

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

MARK 1:11

Alia rakinou pai alinou haibüa shakoue, “Nehai Enou leshi shoyu Anah Poutue. Enou nehi sü rukhare.”

MARK 14:36

Alia puhnou paoe, “Abba, Apuo! Neye donou hatali soulou süe. Veayu pai haina hai Ahinou povai peio. Ana Aleli moa neleli soulouwo.”

MARK 9:7

Süthaisü teihao alinou puletaoye kou züloure, alia teihao hinou pailinou haibüa paoe, “Haihai Enou leshishoyu lah Anah Poutue; puhnou paoyu keilo!”

LUK NOU RÜYU KO AVEIBVÜ 3:22

alia Rako Mashisü pfüzhonou khao büa kou puh pei hi taoloure. Alia raki hinou pai alisü haibüa shakoue, “Ne sü Enou leshi shoyu Anah Poutue. Enou nehisü rukha shore.”

LUK NOU RÜYU KO AVEIBVÜ 9:35

Alia teihao süna hinou pailinou haibüa shala vewe, “Haisü Enou dolouyu Anah Poutue, puhnou paoyu keilo!”

JOHAN 11:4

Ana Jisu nou ko süna choulouyu kisü paoe, “Sou hainasü thaire donou moe; haisü Ramai khouko-ava pongaore donou baie, alia süna vanou Ramai Nahpoutuye paosholai.”

JOHAN 18:11

Sükisü Jisu nou Pitar hi paoe, “Ne khoche nahai khokhahi pokhailou thouwu-o! Apuonou Ahi peikhai touyu pai nasü Enou külai mowu?”

JOHAN 9:3

Jisu nou chila peie, “Haisü mai hainanou moa puh pfüpuo nou mahyu donou moe, ana Ramai vei khupa vah hai puh vanou pongaore donou baie.

EPHESAMAI 2:7

Haisü puhnou thaikhaihi vere teile teiteitao hinou Khrista Jisu hinou puhnou Eletao hi leshi peikhai touyu paoshalou hoyu puhvei zhuvea nasü pongaore donou baie.

EPHESAMAI 3:10

sübüa chuo Ramai ratsü tya tyali hai lüloumaime vanou rakiva buhtaohi buyu peichamaitao ea khouko taoye panou süloulai.

EPHESAMAI 3:21

Ramai puh hisü lüloumaime hinou ea Khrista Jisu hinou maikha teitei hinou teisanou paoshoyu souloutheo! Amen.

2 PITAR 1:17

Puo, Ramai hinou puhnou tsükhouyu ea khouko ava ngaoyu kisü, alia Aku Kulaio Ramai hinou pai linou shakoua puh hi, “Haina hai lah Enou leshiyu Anah Poutue, puh pei hisü Enou khraso peire!” tea paoyu kisü Eletao-a sühisü bue.