JOHAN 12:26 - SHEEYU BAIBEL (BSI)

²⁶ Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 12:26 Iomraidhean Croise

LOUTAO 17:15

Ana Ewo louzü neye ngaolai, daiolouzü Enou kaomo zümo vah ashi ali-a soumoe; ae Enou kaishuyu phaki, ne nghoujü nou sava-a nou neye rai-a bulai.

LOUTAO 91:15

Puletao nou Eye kuyu phaki, Enou chila peilai; puletao nou veahoa buyu phaki, Enou puletaoye sü kozho peilai. Enou puletaoye sü vupa peilai ae tsükhou peilai.

TSÜCHITAO 27:18

Doube koyu mai nanou süna vei rashithou sü toulai, alia kilai mai linou puhvei paopu ye kikotou peiyu nasü tsükhou peiyu ngaolai.

MAIPEI PHOUYU 14:24

Ana avei kilai Kaleb hai mai kukhe jünou tyaku hi alia achi hai puhnou züa bubaie, südonou puhnou taho zhuyu teidei hisü Enou puhye save thoupeilai alia puhvei tyaosholea maitaoye panou

MAIPEI PHOUYU 32:11

‘Enou Abraham, Isaak ae Jakob hi peilai tea paokhai touyu teidei hisü Ejipt hinou tapayu po kai jünou layu mai ali-a panou talou ngaolai more, daiolouzü puletao nou Eye sü louche more.’

MATHIU 16:24

Süthaisü Jisu nou puh rozümaitaohi paoe, “Maitalinou Athai fünü louzü, puhye panou lahye laiwuwo ea puh kros sü pfüloua Athai fülo.

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

MARK 8:34

Süthaisü Jisu nou maisou ea puh rozümaitaoye puh hi kuveloua paoe, “Maitalinou Athai fünü louzü, puhlah puhye motoulo, alia puh kros pfüloua Athai fülo.

LUK NOU RÜYU KO AVEIBVÜ 12:37

Paopunou veyuki zhaihe-a tave ngaolouyu kilai sütaosü rakoveie; chekhaoa Enou neletao hi paowe, puhnou puhlah sakhya phuloua kukhemai taoye panou toure donou kou bulai ea puhnou tashuloua puletaoye kuvah soulai.

LUK NOU RÜYU KO AVEIBVÜ 6:46

“Neletao daidonou Enou neletao hi paopeiyu nasü soumoabu lukhu Eye nou ‘Mapao, Mapao’ tea kuwe?

LUK NOU RÜYU KO AVEIBVÜ 9:23

Alia puhnou puletao hrülaihi paoe, “Maita linou Athai fünü louzü, puh lahnou puhye motulo, alia teisanou puhvei kros pfüloua Athai fülo.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 13:16

Cheche vuzünou Enou neletao hi paoe, kilai talia puh paopu jünou dumoe; moa seita-a buyu puhnou seipeiyu puh jünou dumoe.

JOHAN 14:15

“Neletao nou Eye leshi louzü, Achikha taosü neletao nou zülai.

JOHAN 14:3

Alia Enou taho neletaoye donou buh ali soudayu thaisü, Enou buyu buh hisü neletao-a bure donou Enou dakhaive neletaoye Ahi savelai.

JOHAN 15:20

Enou neletao hi paopeiyu chipao nasü lilo; ‘Kilai talia puh paopu jünou dumoe.’ Puletao nou Eye souvea-souho louzü, puletao nou neletaoye-a souvea souholai; puletao nou Achi zülouzü, puletao nou neletao chi-a zülai.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 21:22

Jisu nou puh hi chila peie, “E khaivemo koute Enou puhye panou hria bunülouzü, sünanou neye donou dai bue? Athai fülo!”

ROMMAI 1:1

Jisu Khrista kilai ea Ramai puhnou puh Ko Aveina paodou loure donou dolouyu ea kulouyu sei-atamai Paul hinoue.

ROMMAI 14:18

Alia haibüa maita linou Khrista kuvah souyu kisü, puhnou Ramai züpa souwe ea mai kukhenou ae-ao tea popeiwe.

2 KORINTHMAI 4:5

Daiolouzü Ehnou lah Eh vanou paodoumoe, ana Ehnou Jisu Khristaye nou Mapaowo süe tea paodoue, alia lah Ehye nou Jisu vanou neletao kilaitao tea paowe.

2 KORINTHMAI 5:8

Eletaowo khu veishoa bue, alia Ehwo pfüphao vei ki haina hai thaowu-a Mapaoye koa puh ki hinou ve hrüre sünanou züpa kouhie.

GALATIAMAI 1:10

Chu Enou emai vei ae-ao touyu phouho, Ramai vei ae-ao touyu phouwe? Moa Enou maikhe maiye sousa loure tewu? Chukoutea Enou maikhe maiye sousa loure te-a bulouzü, Esü Khrista vei kilai ali soua bulaimoe.

PHILIPPIMAI 1:23

Südonou Ehai tsü ahai kole hinou ro saova-a buloure. Azüpanawo louzü hrü haina hai thaowu-a Khristaye koa ho buyu sünasüe, daiolouzü sünasü veikou shohie.

KOLOSSEMAI 3:24

Mapaowo nou lah puhvei maitaohi peilai tea khaidakhai touyu kaalo nasü buu büa neletao hi peilai touyu sü neletao nou licholo. Daiolouzü Khrista hai neletao nou kuvah soua buyu checheyu Mapao nasüe.

KOLOSSEMAI 4:12

Neletao me hinou ali soua buyu ea Khrista Jisu kilai ali soua buyu Epaphras hinou khurüyu chidoh seivewe. Puhnou neleye panou Ramai leli teitei hinou liche-a ea chekhoua laloure donou lenoushoa veachi pao-a teisanou neletaoye lichowe.

2 PITAR 1:1

Jisu Khrista vei kilai ea Sei-atana Simon Pitar hinou — Eletao Ramai ea khailu-apeio Jisu Khrista vei achechena vanou Eletao vei muh teishoyu lü sübüa peikhai touyu puletao hi seiwe:

1 JOHAN 5:3

Daiolouzü Eletao nou Ramaiye leshiyu süvei kowo louzü puh chikhatao züyu süsüe. Alia puh chikhataohai Eletaoye donou tatei leyu süna moe,

JUD VEI SEIKO 1:1

Jisu Khrista kilai ea Jems thaihou Jud hinou— Ramai nou kupa louyutao süolouzü Puo Ramai vei leshi hinou hrüa buyu ea Jisu Khrista donou pokukhai touyutao hi rüe.

PONGAOPEIYU 14:4

Mai haitaowo louzü puletao lah naotumai hinou souzhaiwu moyu maitaoe, daiolouzü puletao lahnou shee-a buloure. Puletao nou Zhaotu sünanou tayu buh tali hisü thaifüa laiwe. Puletaoye sü deiphao maikhemai hrohinou khailu paloua raikaiyu rashi thoutao kua Ramai hi ea Zhaotu sünahi popeire.

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.