JOHAN 12:2 - SHEEYU BAIBEL (BSI)

² Sühinou puletao nou puhye donou tovai ali souda peie. Martha nou vahva-a bue ea Lazaras-a Jisu ye koa arübuh hinou buyu maitao hrohinou alie.

JOHAN 12:2 Iomraidhean Croise

SOLOMON VEI LOU 4:16

Kaishulo, Oh reilo teikhai, alia tave-o, khelo teikhai! Avei kipei hi ve hüpeio, panou puhvei kainüvei nasü pfüa vakou raolai. Aleshipu ye panou la puhvei peida hi vewo, alia puhnou jüpayu rashi khesü ve touwuo.

MATHIU 26:6

Chuo Jisu nou Bethani hi loukhaora souyu Simon kihinou bubu kinou,

MARK 14:3

Alia Jisu nou Bethani hinou bua loukhaora souyu Simon kihinou vaia bubukinou naotumai alinou kai nüvei shoyu ea muhtei shoyu sheetouyu nard theadzünou phoupeiyu chuh kaanou souyu khouli poloua tave. Puhnou khou nasü dakhao paloua kainüvei theadzü nasü Jisu pei hi lakhai peire.

LUK NOU RÜYU KO AVEIBVÜ 12:37

Paopunou veyuki zhaihe-a tave ngaolouyu kilai sütaosü rakoveie; chekhaoa Enou neletao hi paowe, puhnou puhlah sakhya phuloua kukhemai taoye panou toure donou kou bulai ea puhnou tashuloua puletaoye kuvah soulai.

LUK NOU RÜYU KO AVEIBVÜ 14:12

Süthaisü Jisu nou puhvei shepao nahi paoe, “Nenou koukhe vaili moa tovai aduli peiyu kisü nevei sa-pa moa thaihou-jüraitao moa ne ta-raitao moa haniyu kinapa taoye kuso, molouzü puletao nou-a neye kudaloua nevei paosü khawulai.

LUK NOU RÜYU KO AVEIBVÜ 22:27

Daiolouzü arübuh hinou toure donou buyu nanou duhi ho kuvah soua buyu nanou duhie? Arübuh hinou buyu nanou mowu? Ana Ewo neletao hrohinou kuvah souyumai ali büa bue.

LUK NOU RÜYU KO AVEIBVÜ 5:29

Alia Levinou Jisu ye donou puhki hinou tovai aduli soudare; alia sühisü kikha khamai ea kukhe maitao-a alaosou puletaoye koa arübuh hinou toua bue.

PONGAOPEIYU 3:20

Zhukhaio, Esü kikhu hinou la-a khouwe; maitalinoua Apaisü chouloua kikhu houpeilouzü Enou puh hisü talouloua puhye koa touzholai, alia puhnou Eye koa touzholai.