JOHAN 12:16 - SHEEYU BAIBEL (BSI)

¹⁶ Sükisü puh rozümai taonou hainavei ko alia sükhai moe; ana Jisu nou adusho hi hrishu louyu thainou, haina hai puh vanou rükhaitoue ea haisü puletao nou puh hi soupeire touyusü puletao nou sükinou liloure.

JOHAN 12:16 Iomraidhean Croise

MARK 16:19

[Südonou Mapao Jisu nou puletaoye koa chi phalouyu thaisü puhye sü rakihi pokhere ea Ramai bahkha zhoulonou buloure.

MARK 9:32

Ana puhnou paoyu kosü puletao nou süloumoe, alia puletao nou puh hi-a noupie.

LUK NOU RÜYU KO AVEIBVÜ 18:34

Ana puletao nou chipao sütaosü halia sülou moe; paopeiyu sünavei kosü puletao hinou pokure, alia puletao nou paopeiyu sünasü halia polou moe.

LUK NOU RÜYU KO AVEIBVÜ 24:25

Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao!

LUK NOU RÜYU KO AVEIBVÜ 24:45

Sükisü puletaoye panou sheeyu larübvü taosü süloure donou puhnou puletao vei tsü kikhusü houpeire,

LUK NOU RÜYU KO AVEIBVÜ 9:45

Ana paopeiyu ko süsü rozümaitao nou süloumoe, alia sünasü puletaoye panou sülou more donou puletao hinou kukhaire; alia puletao sü paopeiyu süna vanou puh hinou noure sü piloure.

JOHAN 12:23

Alia Jisu nou puhai hi chila peie, “Mai Nahpoutu nou kathe souloure phasü veloure.

JOHAN 14:26

Ana Apuonou Azhih hinou seive peilaiyu soukha-apeio Rako Mashi sünanou ha teitei neletao hi doupeilai, alia Enou neletao hi paokhai touyu pfüphou neletaoye panou li-chopa loulai.

JOHAN 16:4

Ana Enou haitao hai neletao hi paopeire, süolouzü puletao nou vah sütao soure pha veyu kisü Enou neletao hi sütao vanou paosü peire touyu sü neletao nou liloulai. “Shurai hiwo Enou neletao hi haitao hai paopeimoe, daiolouzü Esü neletaoye koa bue.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 2:22

Südonou puhnou athai hinou hrishu louyu kisü, puh rozümai taonou puletao hi haihai puhnou paokhai toue touyusü liloure, alia puletao nou sheeyu larübvü ea Jisu nou paokhai touyu chipao nasü louche loure.

JOHAN 7:39

Hainahai Jisu nou puhye loucheyu maitao nou ngaolaiyu Rako vanou paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

SEI-ATAMAI VAHTAO 2:33

Südonou puhye sü puhpuo, Ramai bahkha zhoulo hi panou khe bulouyu vanou, alia Puo hinou apaopei khaitouyu Rako Mashi nasü ngaolouyu donou, puhnou chu neletao nou ngao-a buyu ea choua buyu Rakovei sapeina nasü lakou thoupei khaitoue.

SEI-ATAMAI VAHTAO 2:36

“Südonou neletao nou kros vanou veatheayu Jisu hainaye sü Ramai nou Mapao-a, Khrista-a soupeire touyu sü Israel maitao hrülainou soutaosoua sülo!”

SEI-ATAMAI VAHTAO 3:13

Abraham, Isak ea Jakob Ramai, süolouzü Eletao puo-pao maitao Ramai nou puh kilai Jisu ye sü soudusho peiwure. Sütoukhaia neletao nou puhye sü southeare donou thoupeiwu-a Pilat nou puhye sü phapeire donou chi lükouyu ki koute-a neletao nou puhye sü Pilat nghojünou bare.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

EBRIAMAI 8:1

Chuwo Eletao nou pao-a buyu ko teitei nasüwo louzü Eletao vei raki hi adusho vei vebuh bahkha zhoulo vanou chobua buyu haikuyu napao peicha nasü bue.