JOHAN 12:13 - SHEEYU BAIBEL (BSI)

¹³ Südonou puletao nou habo poloua puhye daore donou tapare alia shusoua shaloure, “Hosanna! Mapao zhih hinou tave louyu, Israelmai Veo puhsü rako veie!”

JOHAN 12:13 Iomraidhean Croise

ISAIAH 44:6

Mapao, Israel maivei Veo ae Khailupa-apeio, Khoukhoulai Mapao Ramai nou haibüa paoe, “Enou arai nasüe ae akhai na-a E baie, E baimoa ramai kukhe ali-a ha-e.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

LEVIMAI LARÜBVÜ 23:40

Süzhou teithe neletao vei rashibe hinou rashithou veikayu daotu polo, hasüünghou ae süünghou pfüyu süübo poloua neletao vei Ramai Mapao ye tsükhouyu hinou khonüh nasü nütalai.

ZEPHANIAH 3:15

Neletao hi Mapao nou vamoyu nasü polai peiwure, Puhnou neletao ngaoba maiye sü souha peiwure. Mapao, Israel mai Veo sü neletao hinou bue; neletao nou hashi nasü ngaopi pulai moe.

MATHIU 23:39

Daiolouzü Enou neletao hi paoe, ‘Mapao zhih hinou taveyu puhsü rako veie,’ tea neletao nou paomo koutesü neletao nou Eye ngaopukhai laimoe.”

MATHIU 27:42

“Puhnou kukhe maiye khailupeiwe; ana puhwo lah puhye khailulou hoe! Puhwo Israelmai veo süe; puhye panou chuo kros vahinou takou loukhaio, alia sütoulouzü Ehnou puhye louchelai.

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 12:14

Alia Jisu nou rheisüh toutu ali ngaoloua süna phaohi pabu loure; daiolouzü sheeyu larübvü hinou haikua rüthouwure,

JOHAN 12:15

“Piso, Zion hi nah naotupai; Zhukhaio, nevei Veosü Rheisüh toutu ali phaohinou bua tavewe!”

JOHAN 19:15

Puletao nou shusoua raolou khaire, “Puhye satawo, puhye satawo, puhye kros vanou veatheawo!” Pilatnou puletao hi noue, “Neletao Veoye Enou kros vanou veathea laiwu?” Napao adumai taonou chila peie, “Kaisar baimoa Eh Veo kukhe hae.”

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.

PONGAOPEIYU 7:9

Haina thaisü Enou zhue, alia zhukhaio, Anghojü hisü maitalinou a phoushalou hoyu maisou khemaisü bue. Puletao sü maitya, khü, tahrüh ea la tyali hinou taveloua zaokaa adutao noupoa ea puletao bah hi hashi botao poa vebuh ea zhaotu nghojünou la-a bue.