JOHAN 12:1 - SHEEYU BAIBEL (BSI)

¹ Jisu nou Tachonüh vemo jühi teithe arou buyu phahinou puhnou athai hinou souhri peiyu Lazaras nuh Bethani hi tave loure.

JOHAN 12:1 Iomraidhean Croise

MATHIU 21:17

Alia Jisu nou puletaoye thaowu-a tare ea nuhduna hinou tapaloua Bethani hi tare ea süzhou kheisü sühinou ve naie.

MARK 11:11

Jisu nou Jerusalem hi talouloua rathoki hi tave-e, alia sühi buyu ha teiteiye zhusühaoe. Ana teinou naleyu vanou puhnou puh rozümai kiahaitaoye koa Bethani hi tare.

LUK NOU RÜYU KO AVEIBVÜ 24:50

Süthaisü puhnou puletaoye nuhduna hinou sataloua Bethani ngheikihi savere, alia sühinou puh bahsü laloua puletaoye hapeie.

LUK NOU RÜYU KO AVEIBVÜ 7:37

Alia zhukhaio, nuhdu sühisü naotu mahmaipfüli bue. Puhnou Jisu hai Pharisee pouna kihinou toua bue touyu sü chouloua chuh kaa khouh alihi kaivei theadzü nou thouphouloua sühi pove,

JOHAN 11:1

Sükisü Meri alia puh matoupai Marthanou hrüyu Bethani nuh hinou Lazaras touyu mai alihai souloure.

JOHAN 11:43

Puhnou sünasü paocheyu thaisü, paikusholoua paoe, “Lazaras tapalouwo!”

JOHAN 11:44

Thaiyu nanou puhphi, puhbah taosü khühsahnou phukhaitoua, alia puh pahsü sah alinou zükhaitoua tapa loure. Jisu nou puletao hi paoe, “Puhye sah laopa peiwu-a panou talouwo.”

JOHAN 11:55

Chuo Jihudimai vei Tachonüh nasü ngheikoure, alia mai alaosou nuhbuh hilonou taveloua puletao lah nüh jühinou naa thaifüa soushee loure donou Jerusalem hi tapare.

JOHAN 12:12

Thainaisho kisü nühbuh hi tavelouyu maisounou Jisu-a Jerusalem hi veloure donou laire touyu kosü chouloure.

JOHAN 12:20

Alia nühbuh hi rathore donou tave loulouyu maikhemai hrohisü Greekmai kamaia louwe.

JOHAN 12:9

Jisu hai Bethani hi bue touyu kosü Jihudimai maisounou sülouyu kisü, puletao nou puhye donou likheibai moa puhnou athai hinou souhri peiyu Lazarasye-a zhure donou tave loure.