JOHAN 11:55 - SHEEYU BAIBEL (BSI)

⁵⁵ Chuo Jihudimai vei Tachonüh nasü ngheikoure, alia mai alaosou nuhbuh hilonou taveloua puletao lah nüh jühinou naa thaifüa soushee loure donou Jerusalem hi tapare.

JOHAN 11:55 Iomraidhean Croise

SHURAI 35:2

Südonou Jakob nou puh kikhamai alia puhye koa bumai hrülai hisü paoe, “Neletao hi buyu vakou maivei bashara teitei polaiwo alia lah neye sousheelo ae sheeyu sabanü banoulo.

JOB VEI LARÜBVÜ 1:5

Nüh nüzhoyu tsü thainesho Job nou shona nou tashulou-a nahmaitaoye donou sousheeyu vei naanou posheela-a nahmaitao mai alili donou Ramai ye thoyu soutawe, daisounou toulouzü nahmaitao hrohinou kamai-a nou tsücho toumoa Ramai ye ngaophou moa mahmo sou-a bua sümoe tea Job nou choloue.

LOUTAO 26:6

Mapaowo, avei mah ha-e tea E abah dzüteiwe, ae nevei posheelabu pehao hinou tasühao-a neye thowe.

TAPALOUYU 19:10

Süthaisü Mapao nou Moses hi paoe, “Maikhe mai hi tave paopeio, puletaoye panou zhou ae dosho hai soushee-a bulo, alia puletao vei sabanü khesü panou saoshee khailo.

MAIPEI PHOUYU 9:6

Ana kamai-a thaiphao deiyu donou puletao hai sheemore, südonou süzhou hai puletao nou Tachopa Nüh hai nülou more. Puletao nou Moses ae Aaron hi

MATHIU 26:1

Jisu nou chi haitao paocheyu kisü, puhnou puh rozümai taohi paoe,

MATHIU 26:2

“Teithe ahai thaisü Tachonüh hai velaire touyu sü neletao nou süe, alia Mai Nahpoutuye kros vanou veatheare donou thoupeiwulai.”

MARK 14:1

Chuo Tachonüh ea Raokonüh koumojü teithe ahai bubaire. Alia napao adumaitao ea razhai dou-apeimaitao nou khei-a Jisu ye niloure ea southeare donou do phoutare.

LUK NOU RÜYU KO AVEIBVÜ 22:1

Chuo Tachonüh tea kuyu raokonüh nasü ngheikoure.

JOHAN 12:1

Jisu nou Tachonüh vemo jühi teithe arou buyu phahinou puhnou athai hinou souhri peiyu Lazaras nuh Bethani hi tave loure.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 18:28

Süthaisü puletao nou shohna hinou Jisu ye Kaipha kihinou sapoa teideikhowona fühao hi saloure. Jihudimaitao louzü Tachonüh vei vai toure donou naa thaifüa puletao lah souzhailou more donou fühao khele taloumoe.

JOHAN 2:13

Jihudimai Tachonüh nasü ngheitei koure, südonou Jisu nou Jerusalem hi tapa loure.

JOHAN 2:6

Alia sühisü Jihudimai vei sousheeyu zhai thaifüa, leeki alili hinou dzüchovou kaih pha loulou sü chuh leeki arou pove khaikhaitoue.

JOHAN 5:1

Haithaisü Jihudimai nühli buyu vanou Jisu nou Jerusalem hi takhere.

JOHAN 6:4

Chuo Jihudimai vei Tachonüh nasü ngheikoure.

SEI-ATAMAI VAHTAO 21:24

mai haitaoye saloua nelah puletaoye koa soushee loukhaio ea puletao vei thou-sha paretao sü nenou phapeikhaio, sükulouzü puletao peishusü sailousüe. Sükua soure toulouzü ne vanou puletao hi paongaoyu chi teitei sü cheche moe, ana lah nekoutea razhai nasü reitoua hrüwe touyu sü maikhemai hrülainou süloulai.

SEI-ATAMAI VAHTAO 21:26

Südonou Paul nou mai sütaoye saloua thainaisho sü puletaoye koa zhai thaifüa sousheere. Süthaisü sousheeyu vei teithe taosü dukinou chekhouloua puletao mai alili donou pothore na nasü duki povelaisa touyu paosüre donou puhsü Rathoki hi taloure.

SEI-ATAMAI VAHTAO 24:18

Sükua soua buyu hinou puletao nou Rathoki hinou Eye sü razhai thaifüa soushee khaitoua ngaoloue. Alia sükisü maisou moa bvüroyu alia hae.

1 KORINTHMAI 11:28

Südonou mai hrülainou lahye raia chikutou louyu thainou raokhao nasü toulai ea pai nasü külai.

JEMS 4:8

Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

1 SAMUEL 16:5

Puhnou puletao hisü chila peie, “Ouvai, Enou hai hi veyu hai Mapao ye posheelare donou ve-a baie. Südonou neletao sousheeloua ahi vewo.” Puhnou Jesse ae puhvei nahpoutu maitao-a soushee loua posheelare buh hisü tavelo tea paopeie.